ປະທານ​ສະພາ​ແຫ່ງ​ຊາດ​ເນ​ປານ ລາ​ອອກ​ຈາກ​ຕຳ​ແໜ່​ງ

535 04 ຕ.ລ. 2019 ຂ່າວຕ່າງປະເທດ
ປະທານ​ສະພາ​ແຫ່ງ​ຊາດ​ເນ​ປານ ລາ​ອອກ​ຈາກ​ຕຳ​ແໜ່​ງ

    ທ່ານ ຄຣິສນາ ບາ​ຮາ​ດູ ມາ​ຮາຣາ ປະທານ​ສະພາ​ແຫ່ງ​ຊາດ​ເນ​ປານ ​ໄດ້​ລາ​ອອກ​ຈາກ​ຕຳ​ແໜ່​ງເມື່ອ​ວັນ​ທີ 1 ຕຸລາ​ນີ້ ຫຼັງ​ຈາກ​ທີ່​ພະນັກງານ​ເພດ​ຍິງ​ຜູ້​ໜຶ່ງ ຢູ່​ໃນ​ຫ້ອງ​ວ່າການ​ສະພາ​ແຫ່ງ​ຊາດ​ເນ​ປານ ກ່າວ​ຫາ​ເຂົາ​ວ່າ​ໄດ້​ຂົ່ມຂືນ​ນາງ.

    ໃນ​ການ​ໃຫ້​ສຳພາດ​ຂ່າວ​ຜ່ານ​ວີ​ດີ​ໂອ ຊຶ່ງ​ນຳ​ອອກ​ມາ​ເປີດ​ເຜີຍ​ໂດຍ​ເວ​ບ​ໄຊ hamrakura.com ​ໃນ​ທ້ອງ​ຖິ່ນ​ນັ້ນ ​ແມ່ຍິງ​ຄົນ​ດັ່ງກ່າວ​ໃຫ້​ຮູ້​ວ່າ ທ່ານ ມາ​ຮາຣາ ຢູ່​ໃນ​ສະພາບ​ເມົາ​ເຫຼົ້າ ​ໄດ້​ໄປຍັງ​ເຮືອນ​​ເຊົ່າຂອງ​ນາງ ​ເມື່ອ​ຄ່ຳ​ຄືນ​ຂອງ​ວັນ​ທີ 29 ກັນຍາ​ທີ່​ຜ່ານ​ມາ ​ແລະ ​ຍົວ​ໃຫ້​ນາງ​ດື່ມ​ເຫຼົ້າ ກ່ອນ​ທີ່​ຈະ​ປ້ຳ​ນາງ.

    ທາງ​ດ້ານຕໍາຫຼວດ ​ໄດ້​ໃຫ້ການ​ຢັ້ງຢືນ​ວ່າ ​ໄດ້​ຮັບ​ການໂທລະສັບຈາກ​ຜູ້​ໄດ້​ຮັບ​ເຄາະ​ຮ້າຍ ​ໃນ​ຄ່ຳ​ຄືນ​ຂອງ​ວັນ​ທີ 29 ກັນຍາ ​ແລະ ​ໃຫ້​ຮູ້​ວ່າ ພວມ​ດຳ​ເນີນ​ການ​ສືບສວນ​ສອບ​ສວນ.

ຂ່າວທີ່ກ່ຽວຂ້ອງ