ນາຍົກລັດຖະມົນຕີອັງກິດ ເປີດເຜີຍແຜນການ Brexit ໃໝ່

818 04 ຕ.ລ. 2019 ຂ່າວຕ່າງປະເທດ
ນາຍົກລັດຖະມົນຕີອັງກິດ ເປີດເຜີຍແຜນການ Brexit ໃໝ່

     ວັນທີ 2 ຕຸລານີ້ ນາຍົກລັດຖະມົນຕີອັງກິ ໂບຣິສ ຈອນສັນ ໄດ້ຮຽກຮ້ອງໃຫ້ສະຫະພາບເອີຣົບ (EU) ຕົກລົງ ເມື່ອເຂົາກະກຽມສົ່ງແຜນການ Brexit (ເລື່ອງອັງກິດຖອນອອກຈາກ EU) ສະບັບໃໝ່ໄປຍັງ EU ແຕ່ກໍຍັງແຈ້ງເຕືອນວ່າ ອັງກິດພ້ອມທີ່ຈະອອກໄປຢ່າງຖືກຕ້ອງຕາມກຳນົດໃນວັນທີ 31 ຕຸລານີ້ ເຖິງວ່າຈະເປັນໄປຄືແນວໃດກໍຕາມ.

    ທ່ານ ຈອນສັນ ກ່າວອັດກອງປະຊຸມປະຈຳປີຂອງພັກອະນຸລັກນິຍົມ (ພັກກກຳອຳນາດ) ຊຶ່ງຈັດຂຶ້ນທີ່ນະຄອນ ແມນແຈສເຕີ ໂດຍໃຫ້ຮູ້ວ່າ ແຜນການທີ່ອັງກິດສົ່ງໄປຍັງ EU ນັ້ນ "ມີເນື້ອແທ້ສ້າງສັນ ແລະ ສົມເຫດສົມຜົນ" ອັນມີລວມເຖິງວິທີການ ແກ້ໄຂບັນຫາທີ່ແກ່ຍາວມາແຕ່ດົນ ແລະ ເຮັດແນວໃດເພື່ອຮັກສາເສັ້ນຊາຍແດນເປີດ ຢູ່ເທິງເກາະອຽກລັງ.

    ນາຍົກລັດຖະມົນຕີ ຈອນສັນ ຢືນຢັນວ່ານີ້ເປັນການ "ຍິນຍອມ" ຈາກຝ່າຍ ອັງກິດ ແລະ ຫວັງວ່າຝ່າຍ EU ຈະຮັບຮູ້ ເພື່ອວ່າຈາກນັ້ນກໍນຳເອົາປະຕິກິລິຍາ ທີ່ສົມຄູ່ອອກມາ. ຖ້າຫາກ EU ບໍ່ຕົກລົງແລ້ວ ອັງກິດກໍຈະອອກໄປຢ່າງຖືກຕ້ອງ ຕາມກຳນົດ ໃນວັນທີ 31 ຕຸລາ ແມ້ກະທັ້ງວ່າບໍ່ມີຂໍ້ຕົກລົງ.

ຂ່າວທີ່ກ່ຽວຂ້ອງ