ເກີດອຸບັດເຫດບໍ່ແຮ່ຄຳຖະຫຼົ່ມຢູ່ໃນ ສປ ກົງໂກ

1.195 04 ຕ.ລ. 2019 ຂ່າວຕ່າງປະເທດ
ເກີດອຸບັດເຫດບໍ່ແຮ່ຄຳຖະຫຼົ່ມຢູ່ໃນ ສປ ກົງໂກ

   ແຈ້ງການຂອງລັດຖະມົນຕີ ກະຊວງສາມັກຄີແຫ່ງຊາດ ແລະ ດຳເນີນການ ດ້ານມະນຸດສະທຳ ຂອງສາທາລະນະລັດ ປະຊາທິປະໄຕ ກົງໂກ (ສປ ກົງໂກ) ທີ່ມີອອກມາເມື່ອວັນທີ 2 ຕຸລານີ້ ໃຫ້ຮູ້ວ່າ ໄດ້ເກີດອຸບັດເຫດບໍ່ແຮ່ຄຳພັງຖະຫຼົ່ມ ຢູ່ໃນພື້ນທີ່ເມືອງ ກາມເປນ ຂອງປະເທດດັ່ງກ່າວ.

    ສະຖິຕິເບື້ອງຕົ້ນ ຊີ້ໃຫ້ເຫັນວ່າ ມີຜູ້ເສຍຊີວິດ 14 ຄົນ ແລະ ບາດເຈັບສາຫັດອີກ 3 ຄົນ. ຂ່າວແຈ້ງວ່າ ໃນເວລາທີ່ເກີດເຫດນັ້ນ ຢູ່ໃນບໍ່ແຮ່ຄຳດັ່ງກ່າວ ມີຄົນງານເຮັດວຽກຢູ່ຫຼາຍສິບຄົນ ໃນນັ້ນມີລວມທັງເດັກນ້ອຍ ແລະ ແມ່ຍິງຖືພາມານ.

ຂ່າວທີ່ກ່ຽວຂ້ອງ