ຂ່າວຫຼ້າສຸດ

ການແຂ່ງຂັນເພາະກາຍທົ່ວປະເທດລາວ ຈະຈັດຂຶ້ນທ້າຍເດືອນນີ້

567 07 ຕ.ລ. 2019 ວົງຈອນກີລາ
ການແຂ່ງຂັນເພາະກາຍທົ່ວປະເທດລາວ ຈະຈັດຂຶ້ນທ້າຍເດືອນນີ້

    ພິ­ທີ​ຖະ­ແຫຼງ​ຂ່າວ​ການ​ແຂ່ງ­ຂັນ​ກີ­ລາ​ເພາະ​ກາຍ ທົ່ວ​ປະ­ເທດ​ລາວ ປີ 2019 ຊີງ​ຂັນ​ທ່ານ​ລັດ­ຖະ­ມົນ­ຕີ ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ຈັດ​ຂຶ້ນ​ວັນ​ທີ 3 ຕຸ­ລາ 2019 ຢູ່​ຄະ­ນະ​ກຳ­ມະ­ການ​ໂອ​ແລມ​ປິກ ແຫ່ງ​ຊາດ​ລາວ (ຄອລ) ໂດຍ​ມີ​ທ່ານ ບົວ​ລານ ສິ­ລິ​ປັນ­ຍາ ຮອງ​ລັດ­ຖະ­ມົນ­ຕີ​ກະ­ຊວງ ສສກ ຮອງ​ປະ­ທານ ຄອລ ທ່ານ ຄຳ​ພະ​ໄພ​ວັນ ວົງ​ໄຊ ຮັກ­ສາ​ການ​ປະ­ທານ​ສະ­ຫະ­ພັນ ເພາະ​ກາຍ​ແຫ່ງ​ຊາດ​ລາວ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຄຳ​ພະ​ໄພ​ວັນ ວົງ​ໄຊ ກ່າວ​ວ່າ: ປີ 2018 ໄດ້​ຈັດ­ການ​ແຂ່ງ­ຂັນ ເພາະ​ກາຍ​ຊີງ​ແຊັມ​ປະ­ເທດ​ລາວ ຢູ່​ສູນ​ການ​ຄ້າ​ລາວ-ໄອ​ເຕັກ ແຕ່​ປີ​ນີ້ ຈະ​ຈັດ​ຢູ່​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ລາວ ເພື່ອ​ເສີມ​ສ້າງ ແລະ ພັດ­ທະ­ນາ​ວົງ​ການ​ເພາະ​ກາຍ​ລາວ ໃຫ້​ເປັນ​ທີ່​ນິ­ຍົມ​ຫຼາຍ​ຂຶ້ນ ທັງ​ເປັນ​ການ ເລືອກ­ເຟັ້ນ​ນັກ­ກີ­ລາ​ທີມ​ຊາດ​ລາວ ເຂົ້າ​ຮ່ວມ​ແຂ່ງ­ຂັນ​ເພາະ​ກາຍ​ໃນ ລະ­ດັບ​ພາກ​ພື້ນ ແລະ ສາ­ກົນ ໂດຍ​ສະ­ເພາະ​ລາຍ­ການ​ຊີງ​ແຊັມ​ໂລກ ຄັ້ງ​ທີ 11 ຢູ່ ສ ເກົາ­ຫຼີ ວັນ​ທີ 5-11 ພະ­ຈິກ 2019.

    ການ​ແຂ່ງ­ຂັນ​ດັ່ງ­ກ່າວ​ປະ­ກອບ​ມີ ປະ­ເພດ​ຊາຍ ຮຸ່ນ 65 ກິ​ໂລ ແລະ ຮຸ່ນ 75 ກິ​ໂລ ຊາຍ​ຫຸ່ນ​ງາມ ຄວາມ​ສູງ​ບໍ່​ເກີນ 170 ຊັງ​ຕີ​ແມັດ ແລະ 170 ຊັງ​ຕີ​ແມັດ ຂຶ້ນ​ໄປ ສ່ວນ​ປະ­ເພດ​ຍິງ ຫຸ່ນ​ງາມ ແມ່ນ​ບໍ່​ຈຳ­ກັດ​ຄວາມ​ສູງ ໃນ​ລາຍ­ການ​ດັ່ງ­ກ່າວ​ຍັງ​ຈັດ​ມີ​ການ ແຂ່ງ­ຂັນ​ງັດ​ກ້າມ ເຊິ່ງ​ຈັດ​ຂຶ້ນ​ເປັນ​ຄັ້ງ​ທຳ​ອິດ ປະ­ກອບ​ມີ​ຮຸ່ນ​ນ້ຳ­ໜັກ​ບໍ່​ເກີນ 65 ກິ​ໂລ ບໍ່​ເກີນ 75 ກິ​ໂລ ແລະ 75 ກິ​ໂລ​ຂຶ້ນ​ໄປ ໂດຍ​ແບ່ງ​ເປັນ ສະ­ເພາະ ແຮງ​ແຂນ​ຊ້າຍ ແລະ ແຮງ​ແຂນ​ຂວາ.

    ການ​ແຂ່ງ­ຂັນ​ຄັ້ງ​ນີ້ ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ບໍ­ລິ­ສັດ​ວຽງ​ຈັນ​ຟິດ​ເນັດ​ຈຳ­ກັດ 80 ລ້ານ​ກີບ ໂດຍ​ວັນ​ທີ 24 ຕຸ­ລາ 2019 ເປັນ​ມື້​ລົງ­ທະ­ບຽນ ຊັ່ງ​ນ້ຳ­ໜັກ​ນັກ­ກີ­ລາ ແລະ ຈັດ​ກິດ ຈະ​ກຳ​ຕ່າງໆ ວັນ​ທີ 25 ຕຸ­ລາ 2019 ຈະ​ແຂ່ງ­ຂັນ​ຮອບ​ຄັດ​ເລືອກ ແລະ ຮອບ​ຊີງ​ຊະ­ນະ​ເລີດ​ກີ­ລາ​ງັດ​ກ້າມ ວັນ​ທີ 26 ຕຸ­ລາ 2019 ແຂ່ງ­ຂັນ ເພາະ​ກາຍ​ຮອບ​ຄັດ​ເລືອກ ແລະ

ຮອບ​ຊີງ​ຊະ­ນະ​ເລີດ ເລີ່ມ​ແຕ່​ເວ­ລາ 9:00-19:00ໂມງ.

ຂ່າວທີ່ກ່ຽວຂ້ອງ