ຈີນ ຍິງ​ສົ່ງ​ດາວ​ທຽມ​ກາວ​ເຟີນ-10 ຂຶ້ນ​ສູ່​ອາ​ວະ​ກາດ

290 08 ຕ.ລ. 2019 ຂ່າວຕ່າງປະເທດ
ຈີນ ຍິງ​ສົ່ງ​ດາວ​ທຽມ​ກາວ​ເຟີນ-10 ຂຶ້ນ​ສູ່​ອາ​ວະ​ກາດ

    ວັນ​ທີ 5 ຕຸລາ​ນີ້ ຢູ່​ສູນ​ສົ່ງ​ດາວ​ທຽມ​ທ້າຍ​ຢວນ ຂອງ​ຈີນ ໄດ້​ສຳເລັດ​ການ​ສົ່ງ​ດາວ​ທຽມ​ກາວ​ເຟີນ-10 ຂຶ້ນ​ສູ່​ອະວະກາດ​ດ້ວຍ​ຈະ​ຫຼວດ​ສົ່ງ​ຍານ​ຊາງ​ເຈີ່ງ​ເລກ 4 ແລະ ໄດ້​ເຂົ້າ​ສູ່​ວົງ​ໂຄຈອນ​ທີ່​ຄາດ​ໄວ້​ລ່ວງ​ໜ້າ​ຢ່າງ​ສະດວກ ຖື​ເປັນ​ການ​ສຳເລັດ​ໜ້າທີ່​ຢ່າງ​ຈົບງາມ.

    ດາວ​ທຽມ​ກາວ​ເຟີນ-10 ແມ່ນ​ດາວ​ທຽມ​ຄວບ​ຄຸມ​ໄລຍະ​ໄກ​ດ້ວຍ​ໄມ​ໂຄຼ​ເວບ ທີ່​ນອນ​ຢູ່​ໃນ​ໂຄງການ​ວິທະຍາສາດ​ເຕັກນິກ​ລະດັບ​ຊາດ​ທີ່​ສຳຄັນ ກ່ຽວ​ກັບ​ລະບົບ​ສຳ​ຫຼວດ​ກວດກາ​ໜ້າດິນ​ດ້ວຍ​ຄວາມ​ລະອຽດ​ແນກ​ສູງ ຕົ້ນຕໍ​ຈະ​ໃຊ້​ໃນ​ການ​ກວດກາ​ທີ່​ດິນ​ແຫ່ງ​ຊາດ ວາງ​ຜັງ​ຕົວ​ເມືອງ ການ​ອອກ​ແບບ​ສ້າງ​ຕາ​ໜ່າງ​ຄົມມະນາຄົມ ການ​ປະ​ເມີນ​ປະລິມານ​ການ​ຜະລິດ​ຂອງ​ພືດ​ກະສິກຳ ການ​ຫຼຸດ ແລະ ຕ້ານ​ໄພພິບັດ ແລະ ຂົງເຂດ​ອື່ນໆ ໂດຍ​ສາມາດ​ສະໜອງ​ຂໍ້​ມູນ​ຕົວ​ເລກ ໃຫ້​ແກ່​ການຈັດຕັ້ງ​ປະຕິບັດ​ຂໍ້​ລິ​ເລີ່ມ​ການ​ຮ່ວມ​ມື​ໃນ​ຂອບ “ໜຶ່ງ​ແລວ​ໜຶ່ງ​ເສັ້ນທາງ” ແລະ ການ​ສ້າງສາ​ດ້ານ​ການ​ປ້ອງ​ກັນ​ປະເທດ​ແບບ​ທັນ​ສະໄໝ.

ຂ່າວທີ່ກ່ຽວຂ້ອງ