ສິ້ນ​ສຸດ​ການ​ເຈ​ລະ​ຈາ​ລະ​ຫວ່າງ​ ສ ອາ​ເມ​ຣິ​ກາ - ສ​ປ​ປ​ ເກົາ​ຫຼີ

349 08 ຕ.ລ. 2019 ຂ່າວຕ່າງປະເທດ
ສິ້ນ​ສຸດ​ການ​ເຈ​ລະ​ຈາ​ລະ​ຫວ່າງ​ ສ ອາ​ເມ​ຣິ​ກາ - ສ​ປ​ປ​ ເກົາ​ຫຼີ

    ວັນ​ທີ 5 ຕຸລາ​ນີ້ ຜູ້​ແທນ​ຂອງ​ລັດຖະບານ ​ສປປ ເກົາຫຼີ ແລະ  ສ ອາ​ເມ​ຣິ​ກາ ໄດ້​ພົບ​ປະກັນ​ຢູ່​ນະຄອນຫຼວງ​ສະ​ຕົກ​ໂຮມ ຂອງ​ປະເທດ​ຊູ​ແອັດ ເພື່ອ​ປຶກສາ​ຫາລື​ກ່ຽວ​ກັບ​ການ​ເຈລະຈາ​ດ້ານ​ນິວ​ເຄລຍ​ຢູ່​ເທິງ​ແຫຼມ​ເກົາຫຼີ.

    ລັດຖະບານ ສ ອາ​ເມ​ຣິ​ກາ ແຈ້ງ​ໃຫ້​ຮູ້​ໃນ​ວັນ​ທີ 5 ຕຸລາ ຜູ້​ແທນ​ຂອງ ສ ອາ​ເມ​ຣິ​ກາ ແລະ ສປປ ເກົາຫຼີ ໄດ້​ເຈລະຈາ​ກັນ​ເປັນ​ຢ່າງ​ດີ ໂດຍ ສ ອາ​ເມ​ຣິ​ກາ ຍິນ​ດີ​ສືບຕໍ່​ເຈລະຈາ​ກັບ ​ສປປ ​ເກົາຫຼີ ຫຼັງ​ຈາກ​ນັ້ນ​ສອງ​ອາທິດ. ສ່ວນ ​ສປປ ເກົາຫຼີ ພັດ​ໄດ້​ສະແດງ​ຄວາມ​ຜິດ​ຫວັງ​ຕໍ່​ການ​ເຈລະຈາ​ລະຫວ່າງ​ສອງ​ຝ່າຍ​ທີ່​ຈັດ​ຂຶ້ນ​ເປັນ​ຄັ້ງ​ທຳ​ອິດ ໃນ​ຮອບ​ຫຼາຍ​ເດືອນ​ຜ່ານ​ມາ.

    ລັດຖະບານ ສ ອາ​ເມ​ຣິ​ກາ ໄດ້​ອອກ​ຖະແຫຼງການ​ສະບັບ​ໜຶ່ງ​ໃນ​ມື້​ດັ່ງກ່າວ​ວ່າ ສ ອາ​ເມ​ຣິ​ກາ​ໄດ້​ໃຫ້​ຂໍ້​ສະເໜີ​ທີ່​ມີ​ລັກສະນະ​ປະດິດ​ສ້າງ​ຫຼາຍ​ຂໍ້ ພ້ອມ​ທັງ​ໄດ້​ສະເໜີ​ຂໍ້​ລິ​ເລີ່ມ​ໃໝ່​ຫຼາຍ​ຂໍ້ ທີ່​ສາມາດ​ຊຸກຍູ້​ການຈັດຕັ້ງ​ປະຕິບັດ​ໝາກຜົນ​ຂອງ​ການ​ເຈລະຈາ​ທີ່​ສິງກະໂປ ລະຫວ່າງ​ຜູ້ນຳ ສ ອາ​ເມ​ຣິ​ກາ ແລະ ສປປ ເກົາຫຼີ. ແຕ່​ທ່ານ ກິມ​ມອງ​ກີວ ຫົວໜ້າ​ຜູ້​ຄະນະ​ຜູ້​ແທນ​ຝ່າຍ ​ສປປ ເກົາຫຼີ ກ່ຽວ​ກັບ​ການ​ເຈລະຈາ ​ສປປ​ ເກົາຫຼີ-ສ ອາ​ເມ​ຣິ​ກາ ໄດ້​ກ່າວ​ຕໍ່​ສື່​ມວນ​ຊົນ​ຫຼັງ​ການ​ເຈລະຈາ​ວ່າ ການ​ເຈລະຈາ​ບໍ່​ໄດ້​ບັນລຸ​ຄາດໝາຍ​ຂອງ ​ສປປ ເກົາຫຼີ ແລະ ແຕກ​ແຍກ​ໃນ​ທີ່​ສຸດ ວິທີ​ໃໝ່​ທີ່ ສ ອາ​ເມ​ຣິ​ກາ ສະເໜີ​ອອກ​ມາ​ນັ້ນ ເຮັດ​ໃຫ້ ​ສປປ ເກົາຫຼີ ຮູ້ສຶກ​ຜິດ​ຫວັງ​ຫຼາຍ.

ຂ່າວທີ່ກ່ຽວຂ້ອງ