ຄັງ​ສຳ​ຮອງ​ເງິນ​ຕາ​ຕ່າງ​ປະ​ເທດ​ ​ແລະ ຄັງ​ສຳ​ຮອງ​ຄຳ​ຂອງ​ຈີນ​ເພີ່ມ​ຂຶ້ນ

776 09 ຕ.ລ. 2019 ຂ່າວຕ່າງປະເທດ
ຄັງ​ສຳ​ຮອງ​ເງິນ​ຕາ​ຕ່າງ​ປະ​ເທດ​ ​ແລະ ຄັງ​ສຳ​ຮອງ​ຄຳ​ຂອງ​ຈີນ​ເພີ່ມ​ຂຶ້ນ

   ວັນ​ທີ 6 ຕຸລາ​ນີ້ ຈີນ​ໄດ້​ເປີດເຜີຍ​ຂໍ້​ມູນ​ສະຖິຕິ​ສະແດງ​ໃຫ້​ເຫັນ​ວ່າ ນັບ​ມາ​ຮອດ​ທ້າຍ​ເດືອນ​ກັນຍາ​ປີ 2019 ຄັງ​ສຳຮອງ​ເງິນຕາ​ຕ່າງປະເທດ​ຂອງ​ຈີນ ບັນລຸ​ຈຳນວນ 3092,431 ຕື້​ໂດ​ລາ​ສະຫະລັດ. ໃນ​ຂະນະ​ດຽວ​ກັນ ມາ​ຮອດ​ທ້າຍ​ເດືອນ​ກັນຍາ​ແລ້ວນີ້ ຄັງ​ສຳຮອງ​ຄຳ​ຂອງ​ຈີນ ບັນລຸ​ຈຳນວນ 62,64 ລ້ານ​ອອນ (ເທົ່າ​ກັບ 1,776 ຕື້​ກຼາມ) ຊຶ່ງ​ໄດ້​ເພີ່ມ​ຂຶ້ນ​ເປັນ​ເວລາ 10 ເດືອນ​ຕິດຕໍ່​ກັນ.

    ທ່ານ​ນາງ ວາງ​ຊຸ່ນ​ຢີ່ງ ໂຄສົກ​ກົມ​ຄຸ້ມ​ຄອງ​ເງິນຕາ​ຕ່າງປະເທດ​ແຫ່ງ​ຊາດ​ຈີນ ຫົວໜ້າ​ນັກ​ເສດຖະສາດ​ໃຫ້​ສຳພາດ​ຕໍ່​ນັກ​ຂ່າວ​ວ່າ ເດືອນ​ກັນຍາ​ແລ້ວນີ້ ການ​ສະໜອງ ແລະ ຄວາມ​ຕ້ອງການ​ໃນ​ຕະຫຼາດ ເງິນຕາ​ຕ່າງປະເທດ​ຂອງ​ຈີນ ໄດ້​ຮັກສາ​ຄວາມ​ດຸ່ນ​ດ່ຽງ​ກັນ​ໂດຍ​ພື້ນຖານ.

    ທ່ານ​ນາງ ວາງ​ຊຸ່ນ​ຢີ່ງ ເຫັນ​ວ່າ ນັບ​ແຕ່​ຕົ້ນ​ປີ​ນີ້​ເປັນຕົ້ນ​ມາ ພາຍ​ໃຕ້​ເບື່ອງ​ຫຼັງ​ທີ່​ສະຖານະ​ການ​ສາກົນ​ມີ​ຄວາມ​ສັບສົນ​ຫຼາຍ ເສດຖະກິດ​ຈີນ​ໄດ້​ໝູນ​ເດີນ​ຢ່າງ​ໜັກ​ແໜ້ນ​ໂດຍ​ລວມ ແລະ ມີ​ການ​ຂະຫຍາຍຕົວ ດັດ​ສະ​ນີ​ເສດຖະກິດ​ທີ່​ສຳຄັນ​ໄດ້​ຮັກສາ​ຢູ່​ໃນ​ຂອບ​ເຂດ​ທີ່​ສົມ​ເຫດ​ສົມ​ຜົນ ອົງ​ປະກອບ​ເສດຖະກິດ​ສົມບູນ​ຂຶ້ນ​ຢ່າງ​ຕໍ່​ເນື່ອງ ປັດ​ໄຈ​ທີ່​ຕັ້ງໜ້າ​ໃນ​ການ​ພັດທະນາ​ຢ່າງ​ມີ​ຄຸນ​ນະ​ພາບ​ສູງ​ໄດ້​ເພີ່ມ​ຂຶ້ນ. ສະນັ້ນ ຕະຫຼາດ​ເງິນຕາ​ຕ່າງປະເທດ​ຂອງ​ຈີນ ໄດ້​ໝູນ​ເດີນ​ຢ່າງ​ໜັກ​ແໜ້ນ ຄັງ​ສຳຮອງ​ເງິນຕາ​ຕ່າງປະເທດ​ມີ​ການ​ປ່ຽນແປງ​ໜ້ອຍ​ໜຶ່ງ ສ່ວນ​ຫຼາຍ​ແມ່ນ​ຍ້ອນ​ໄດ້​ຖືກ​ຜົນ​ກະທົບ​ຈາກ​ການ​ປະ​ເມີນ​ລາຄາ ແຕ່​ເວົ້າ​ລວມ​ແລ້ວ ໄດ້​ຮັກສາ​ຄວາມ​ໝັ້ນ​ທ່ຽງ.

ຂ່າວທີ່ກ່ຽວຂ້ອງ