ນັກ​ຂ່າວ​ຣັດ​ເຊຍ ຜູ້​ໜຶ່ງ​ຖືກ​ຈັບ​ຢູ່​ໃນ​ອີ​ຣານ

761 09 ຕ.ລ. 2019 ຂ່າວຕ່າງປະເທດ
ນັກ​ຂ່າວ​ຣັດ​ເຊຍ ຜູ້​ໜຶ່ງ​ຖືກ​ຈັບ​ຢູ່​ໃນ​ອີ​ຣານ

    ຂ່າວສານ AFP ລາຍ​ງານ​ວ່າ ໂຄສົກ​ກະຊວງ​ກະຊວງ​ການ​ຕ່າງປະເທດ​ຣັດ​ເຊຍ ມາ​ເຣຍ ຊາ​ຄາ​ໂຣ​ວາ ໄດ້​ຮຽກ​ຕົວ​ເອກ​ອັກ​ຄະ​ລັດ​ຖະ​ທູດ​ຂອງ​ອີ​ຣານ ປະຈຳ​ຣັດ​ເຊຍ ເຂົ້າ​ພົບ​ເພື່ອ​ຂໍ​ຄວາມ​ກະຈ່າງ​ແຈ້ງ​ກ່ຽວ​ກັບ​ສະພາບ​ທີ່​ນຳໄປ​ສູ່​ການ​ຈັບ​ກຸມ​ນາງ ຢູ​ເລຍ ຢູ​ຊິກ ນັກ​ຂ່າວ​ຂອງ​ຣັດ​ເຊຍ ປະຈຳ​ນະຄອນຫຼວງ​ເຕ​ເຣ​ຣານ ຂອງ​ອີ​ຣານ.

   ໃນ​ຂະນະ​ດຽວ​ກັນ ສະຖານທູດ​ຣັດ​ເຊຍ ປະຈຳ​ເຕ​ເຮ​ຣານ ໃຫ້​ຮູ້​ວ່າ ອົງການ​ນີ້​ໄດ້​ສະເໜີ​ຂໍ​ເຂົ້າ​ພົບ​ນັກ​ຂ່າວ​ດັ່ງກ່າວ. ໂຄສົກ​ຂອງ​ສະຖານທູດ​ຣັດ​ເຊຍ ປະຈຳ​ອີ​ຣານ ເວົ້າ​ວ່າ ນາງ ຢູ​ຊິກ ຖືກ​ກ່າວ​ຫາ​ວ່າ​ເຮັດ​ວຽກ​ໃຫ້​ແກ່​ອົງການ​ຄວາມ​ໝັ້ນຄົງ​ຂອງ​ອິດ​ສະ​ຣາ​ແອນ.

   ທ່ານ ໂບ​ຣິ​​ສ ໂວ​ອິດ​ເຊນ​ກອບ​ສະ​ກີ ຜູ້​ເປັນ​ນັກ​ຂ່າວ​ຊາວ​ຣັດ​ເຊຍ ແລະ ກໍ​ເປັນ​ອະດີດ​ສາມີ​ຂອງ​ນາງ ຢູ​ຊິກ ເວົ້າ​ວ່າ ນາງ ຢູ​ຊິກ ຖືກ​ຈັບ​ກຸມ​ຢູ່​ໃນ​ໂຮງແຮມ​ແຫ່ງ​ໜຶ່ງ ໃນ​ນະຄອນຫຼວງ​ເຕ​ເຮ​ຣານ ແລະ ຖືກ​ນຳໄປ​ກັກ​ຂັງ​ໃນ​ວັນ​ທີ 3 ຕຸລາ.

    ຫຼ້າ​ສຸດ ສຳນັກ​ຂ່າວສານ ISNA ຂອງ​ອີ​ຣານ ອ້າງ​ຕາມ​ການ​ຖະແຫຼງ​ຂອງ​ໂຄສົກ​ລັດຖະບານ​ອີ​ຣານ ທີ່​ມີ​ອອກ​ມາ​ເມື່ອ​ວັນ​ທີ 7 ຕຸລາ​ນີ້ ໃຫ້​ຮູ້​ວ່າ ນາງ ຢູ​ຊິກ ຖືກ​ຈັບ​ກຸມ ບໍ່​ແມ່ນ​ເປັນ​ຍ້ອນ​ການ​ເປັນ​ນັກ​ສືບ ຫາກ​ເປັນ​ການ​ລະເມີດ​ຂໍ້​ກຳນົດ​ກ່ຽວ​ກັບ​ວີ​ຊາ. ໃນ​ຂະນະ​ດຽວ​ກັນ ໂຄສົກ​ກະຊວງ​ການ​ຕ່າງປະເທດ​ອີ​ຣານ ແຈ້ງ​ໃຫ້​ຮູ້​ວ່າ ນາງ ຢູ​ຊິກ ຈະ​ໄດ້​ຮັບ​ການ​ປ່ອຍ​ຕົວ​ໃນ​ບໍ່​​ຊ້້າ​ນີ້.

ຂ່າວທີ່ກ່ຽວຂ້ອງ