ຂ່າວຫຼ້າສຸດ

ຈີນ ຖອນ​ອອກ​ຈາກ​ສັນຍາ​ຂຸດ​ຄົ້ນ​ແກ​​ັສ ກັບ​ອີ​ຣານ

584 09 ຕ.ລ. 2019 ຂ່າວຕ່າງປະເທດ
ຈີນ ຖອນ​ອອກ​ຈາກ​ສັນຍາ​ຂຸດ​ຄົ້ນ​ແກ​​ັສ ກັບ​ອີ​ຣານ

    ສຳນັກ​ຂ່າວສານ ANI ລາຍ​ງານ​ວ່າ ເມື່ອ​ວັນ​ທີ 6 ຕຸລາ​ທີ່​ຜ່ານ​ມາ ບໍລິສັດ​ນ້ຳມັນ-ແກ​​ັສ​ແຫ່ງ​ຊາດ​ຈີນ (CNPC) ໄດ້​ຖອນ​ອອກ​ຈາກ​ສັນຍາ​ສະບັບ​ໜຶ່ງ ທີ່​ມີ​ມູນ​ຄ່າ 5 ຕື້​ໂດ​ລາ​ສະຫະລັດ ເພື່ອ​ການ​ຂຸດ​ຄົ້ນ​ບໍ່​ແກ​​ັສ​ທຳ​ມະ​ຊາດ​ແຫ່ງ​ໜຶ່ງ ຢູ່​ບໍລິເວນ​ນອກ​ຝັ່ງ​ທະເລ​ຂອງ​ອີ​ຣານ.

    CNPC ໄດ້​ລົງ​ນາມ​ຂໍ້​ຕົກລົງ​ກ່ຽວ​ກັບ​ບໍ່​ແກ​​ັສ ເຊົາ ພາ​​ຣສ ເມື່ອ​ປີ 2017 ກັບ​ບໍລິສັດ PetroPars ຂອງ​ອີ​ຣານ ແລະ ບໍລິສັດ Total SA ຂອງ​ຝຣັ່ງ. ເມື່ອ​ປີ 2018 ບໍລິສັດ Total SA ໄດ້​ຖອນ​ຕົວ​ອອກ​ຈາກ​ສັນຍາ ຍ້ອນ​ຄຳ​ສັ່ງ​ປິດ​ລ້ອມ​ຂອງ ສ ອາ​ເມ​ຣິ​ກາ.

    ໃນ​ຂະນະ​ດຽວ​ກັນ ສຳນັກ​ຂ່າວສານ Al Jazeera ໃຫ້​ຮູ້​ວ່າ ຕາມ​ແຜນການ​ແລ້ວ ການ​ຂຸດ​ຄົ້ນ​ແກ​​ັສ​ຢູ່​ໃນ​ບໍ່​ດັ່ງກ່າວ​ໃນ​ເບື້ອງ​ຕົ້ນ ແມ່ນ​ຝ່າຍ​ຕ່າງໆ​ຈະ​ກໍ່ສ້າງ 20 ຫຼຸມ ເພື່ອ​ຂຸດ​ເຈາະ ແລະ  2 ຖານ​ເຈາະ. ໂຄງການ​ດັ່ງກ່າວ ມີ​ກຳລັງ​ການ​ຜະລິດ​ແກ​​ັສ​ທຳ​ມະ​ຊາດ  5.663.369 ແມັດ​ກ້ອນ/ວັນ. ໃນ​ເບື້ອງ​ຕົ້ນ ບໍລິສັດ Total SA ກວມ​ເອົາ 50,1% ຂອງ​ຈຳນວນ​ທຶນ ໃນ​ຂະນະ​ທີ່ CNPC ກວມ​ເອົາ 30% ແລະ ວິ​ສາ​ຫະ​ກິດ​ຂອງ​ອີ​ຣານ ກວມ​ເອົາ 19,9%. ຫຼັງ​ຈາກ​ທີ່ Total SA ຖອນ​ອອກ​ໄປ CNPC ໄດ້​ຮັບ​ເອົາ​ສ່ວນ​ຂອງ Total SA. ມາ​ບັດ​ນີ້ CNPC ຖອນ​ອອກ​ໄປ ກໍ​ເຮັດ​ໃຫ້ Petrobas ຕ້ອງ​ໄດ້​ຂຸດ​ຄົ້ນ​ບໍ່​ແກ​​ັສ​ດັ່ງກ່າວ​ດ້ວຍ​ຕົນ​ເອງ.

ຂ່າວທີ່ກ່ຽວຂ້ອງ