ສ ເກົາຫຼີ ຈະ​ສິ້ນ​ສຸດ​ການ​ເຈລະຈາ FTA ກັບ​ສາມ​ປະເທດ​ສະມາຊິກ ASEAN ພາຍ​ໃນ​ປີ​ນີ້

814 09 ຕ.ລ. 2019 ຂ່າວຕ່າງປະເທດ
ສ ເກົາຫຼີ ຈະ​ສິ້ນ​ສຸດ​ການ​ເຈລະຈາ FTA ກັບ​ສາມ​ປະເທດ​ສະມາຊິກ ASEAN ພາຍ​ໃນ​ປີ​ນີ້

    ທ່ານ ຈູ ຮຸງ​ຈູນ ທີ່​ປຶກສາ​ທາງ​ດ້ານ​ເສດຖະກິດ ຂອງ​ປະທານາທິບໍດີ ສ ເກົາຫຼີ ກ່າວ​ຕໍ່​ຜູ້​ສື່​ຂ່າວ​ຢູ່​ທີ່​ນະຄອນຫຼວງ​ເຊ​ອູນ ເມື່ອ​ວັນ​ທີ 6 ຕຸລາ​ທີ່​ຜ່ານ​ມາ​ວ່າ ສ ເກົາຫຼີ ພວມ​ພະ​ຍາມ​ເພື່ອ​ໃຫ້​ສິ້ນ​ສຸດ​ການ​ເຈລະຈາ​ການ​ຄ້າ​ເສລີ​ກັບ ມາ​ເລ​ເຊຍ ຟີ​ລິບ​ປິນ ແລະ ອິນ​ໂດ​ເນ​ເຊຍ ກ່ອນ​ເດືອນ​​​ພະຈິກ​ປີ​ນີ້ ເມື່ອ​ບັນດາ​ຜູ້ນຳ​ສະມາຄົມ​ບັນດາ​ປະເທດ​ອາຊີ​ຕາເວັນ​ອອກ​ສ່ຽງ​ໃຕ້ (ASEAN) ພົບ​ປະກັນ​ຢູ່​ໃນ ສ ເກົາຫຼີ.

    ພື້ນຖານ​ເສດຖະກິດ ສ ເກົາຫຼີ ທີ່​ມີ​ຂະໜາດ​ໃຫຍ່​ອັນ​ດັບ 4 ຂອງ​ອາຊີ ນັ້ນ​ໄດ້​ມີ​ຂໍ້​ຕົກລົງ ການ​ຄ້າ​ເສລີ​ກັບ ASEAN ແຕ່​ວ່າ​ປະເທດ​ນີ້​ກໍ​ພວມ​ຊອກ​ຫາ​ວິທີ ເປີດ​ກວ້າງ​ການ​ພົວພັນ​ທາງ​ດ້ານ​ເສດຖະກິດ ກັບ​ບັນດາ​ປະເທດ​ສະມາຊິກ ASEAN ໂດຍ​ຜ່ານ​ບັນດາ​ຂໍ້​ຕົກລົງ​ການ​ຄ້າ​ເສລີ (FTA) ເປັນ​ການ​ສະເພາະ ທ່າມກາງ​ທີ່​ລັດທິ​ປົກ​ປ້ອງ​ພວມ​ເພີ່ມ​ຂຶ້ນ.

   ທ່ານ ຈູ ຮຸງ​ຈູນ  ກ່າວ​ເນັ້ນ​ວ່າ ສ ເກົາຫຼີ ເຫັນ​ວ່າ ຖ້າ​ຫາກ​ວ່າການ​ເຈລະຈາ​ທຸກໆ​ລາຍ ທີ່​ພວມ​ດຳເນີນ​ຢູ່​ນີ້​ສຳເລັດ​ຜົນ​ແລ້ວ ສ ເກົາຫຼີ ກໍ​ຈະ​ມີ​ຂໍ້​ຕົກລົງ FTA ກັບ 5 ປະເທດ​ຄູ່​ຮ່ວມ​ການ​ຄ້າ ລະດັບ​ແຖວ​ໜ້າ​ຂອງ​ຕົນ ຢູ່​ໃນ​ເຂດ​ອາຊີ​ຕາເວັນ​ອອກ​ສ່ຽງ​ໃຕ້ ນັ້ນ​ກໍ​ມີ​ລວມ​ເຖິງ​ຫວຽດນາມ ແລະ ສິງກະໂປ.

 

ຂ່າວທີ່ກ່ຽວຂ້ອງ