ສູນອອກກຳລັງກາຍ KNK ສົ່ງນັກກີລາຮ່ວມເພາະກາຍຊີງແຊັມທົ່ວປະເທດ

1.937 09 ຕ.ລ. 2019 ວົງຈອນກີລາ
ສູນອອກກຳລັງກາຍ KNK ສົ່ງນັກກີລາຮ່ວມເພາະກາຍຊີງແຊັມທົ່ວປະເທດ

    ສູນ​ອອກ­ກຳ­ລັງ​ກາຍ KNK FITNESS ກຽມ​ສົ່ງ​ນັກ­ກີ­ລາ​ເຂົ້າ​ຮ່ວມ​ເປັນ​ຄັ້ງ​ທຳ​ອິດ ເພື່ອ​ຊອກ​ຫາປະ­ສົມ​ການ​ໃນ​ການ​ແຂ່ງ­ຂັນ​ກີ­ລາ ເພາະ​ກາຍ​ຊີງ​ແຊັມ​ທົ່ວ​ປະ­ເທດ ລາວ 2019 ຊີງ​ຂັນ​ທ່ານ​ລັດ­ຖະ­ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ກຽມ​ຈັດ​ຂຶ້ນ​ວັນ​ທີ 24-26 ຕຸ­ລາ ນີ້ ຢູ່​ສະ­ໂມ­ສອນ​ໃຫຍ່​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ດົງ​ໂດກ).

    ທ່ານ ທີບ​ພະ​ກອນ ຈັນ​ມີ​ສະ­ຫວ່າງ  ເຈົ້າ​ຂອງ​ສູນ​ອອກ­ກຳ­ລັງ​ກາຍ KNK FITNESS ໃຫ້​ສຳ­ພາດ​ວັນ​ທີ 8 ຕຸ­ລາ 2019 ວ່າ: ສູນ​ດັ່ງ­ກ່າວ​ຕັ້ງ​ຢູ່​ບ້ານ ວຽງ​ຄຳ ເມືອງ​ສີ​ໂຄດ​ຕະ­ບອງ​ເປັນ ສູນ​ຫາ​ກໍ​ໄດ້​ຮັບ​ການ​ສ້າງ­ຕັ້ງ​ມາ​ໄດ້ 1 ປີ ເຊິ່ງ​ເປັນ​ຄັ້ງ​ທຳ​ອິດ​ທີ່​ພວກ​ເຮົາ​ຈະ ສົ່ງ​ນັກ­ກີ­ລາ 9 ຄົນ ເຂົ້າ​ຮ່ວມ​ແຂ່ງ ຂັນ​ຄັ້ງ​ນີ້ ເພື່ອ​ໃຫ້​ນັກ­ກີ­ລາ​ຈະ​ໄດ້​ປະ ສົບ​ການ​ໃໜ່​ຈາກ​ລາຍ­ການ​ໃຫຍ່ ລະ­ດັບ​ປະ­ເທດ​ແບບ​ນີ້ ເພື່ອ​ນັກ­ກີ­ລາ ໄດ້​ມີ​ການ​ແລກ­ປ່ຽນ​ບົດ­ຮຽນ​ເຊິ່ງ ກັນ ແລະ ກັນ ສ່ວນ​ຜົນ​ຂອງ​ການ ແຂ່ງ­ຂັນ​ຈະ​ອອກ​ມາ​ແບບ​ໃດ​ນັ້ນ ສູນ​ພວກ​ເຮົາ​ຖື​ວ່າ​ເປັນ​ບົດ­ຮຽນ ແລະ ເປັນ​ກຳ­ລັງ​ໃຈ​ໃຫ້​ນັກ­ກີ­ລາ​ໄດ້ ນຳ​ສືບ­ຕໍ່​ເຂົ້າ​ໃນ​ການ​ເຝິກ­ຊ້ອມ​ຕໍ່​ໄປ.

    ສຳ­ລັບ​ສູນ​ອອກ­ກຳ­ລັງ​ກາຍ​ສົ່ງ ນັກ­ກີ­ລາ​ເຂົ້າ​ຮ່ວມ​ຄັ້ງ​ນີ້​ແບ່ງ​ອອກ ເປັນ 3 ປະ­ເພດ​ຄື:ລາຍ­ການ​ຊາຍ ຫຸ່ນ​ງາມ ນ້ຳ­ໜັກ​ບໍ່​ເກີນ 65 ກິ​ໂລ  ລາຍ­ການ​ຍິງ​ຫຸ່ນ​ງາມ ແລະ ລາຍ ການ​ງັດ​ກ້າມ​ແຂນ​ຊາຍ  ຮຸ່ນ​ນ້ຳ­ໜັກ 65 ກິ​ໂລ ສ່ວນ​ລາຍ​ຊື່​ນັກ­ກີ­ລາ ທັງ ໜົດ​ປະ­ກອບ​ມີ: ນາງ ຈຸ​ລາ­ພອນ ດາ­ລາ​ສັກ ນາງ ພຸດ​ບັງ­ອອນ ສົມ​ຈະ ເລີນ ລົງ​ແຂ່ງ­ຂັນ​ຍິງ​ຫຸ່ນ​ງານ ທ້າວ ຕາ​ເບ ພົມ​ມະ​ວົງ ລົງ​ແຂ່ງ­ຂັນ​ຊາຍ ຫຸ່ນ​ງາມ ສ່ວນ​ນັກ­ກີ­ລາ​ລົງ​ແຂ່ງ­ຂັນ ງັດ​ກ້າມ​ແຂນ​ຊາຍ ມີ​ທ້າວ ຕ້ອມ ຄຳ​ວົງ­ສາ ທ້າວ ບອຍ ໄຊ​ຍະ​ຈັກ ທ້າວ ສິດ​ທີ​ພອນ ຊາ​ມູນ​ຕີ ທ້າວ ວຽງ​ສະ­ຫວັນ ຫຼວງ​ລາດ ທ້າວ ຕູ້ ສິດ­ທິ​ອຳ​ພາ ແລະ ທ້າວ ພັນ​ທອງ ແກ້ວ​ບຸນ​ທອງ.

    ການ​ແຂ່ງ­ຂັນ​ຈະ​ເລີ່ມ​ວັນ​ທີ 24 ຕຸ­ລາ 2019 ເປັນ​ມື້​ລົງ­ທະ­ບຽນ ແລະ ຊັ່ງ​ນ້ຳ­ໜັກ​ນັກ­ກີ­ລາ ພ້ອມ​ທັງ​ຈັດ​ກິດ­ຈະ­ກຳ​ຕ່າງໆ ວັນ​ທີ 25 ຕຸ­ລາ 2019 ຈະ​ແຂ່ງ­ຂັນ​ຮອບ​ຄັດ​ເລືອກ ແລະ ຮອບ​ຊີງ​ຊະ­ນະ​ເລີດ​ກີ­ລາ​ງັດ ກ້າມ ແລະ ວັນ​ທີ 26 ຕຸ­ລາ 2019 ແຂ່ງ­ຂັນ​ເພາະ​ກາຍ​ຮອບ​ຄັດ​ເລືອກ ແລະ ຮອບ​ຊີງ​ຊະ­ນະ​ເລີດ ເລີ່ມ​ແຕ່ ເວ­ລາ 9-19:00 ໂມງ.

ຂ່າວທີ່ກ່ຽວຂ້ອງ