ຮ່ວນມືພັດທະນາລະບົບຊຳລະຄ່າສາກລົດໄຟຟ້າຜ່ານ ທຄຕລ

    ວັນ​ທີ 4 ຕຸ­ລາ 2019 ທີ່​ສຳ ນັກ​ງານ​ໃຫຍ່​ທະ­ນາ­ຄານ​ການ​ຄ້າ​ຕ່າງ­ປະ­ເທດ​ລາວ ມະ­ຫາ­ຊົນ (ທຄຕລ) ໄດ້​ຈັດ​ພິ­ທີ​ເຊັນ​ບົດ​ບັນ ທຶກ​ຄວາມ​ເຂົ້າ­ໃຈ​ກ່ຽວ​ກັບ​ການ​ຮ່ວນ​ມື​ໃນ​ການ​ພັດ­ທະ­ນາ​ລະ­ບົບ​ການ​ຊຳ­ລະ​ຄ່າ​ສາກ​ລົດ­ໄຟ​ຟ້າ​ຜ່ານ​ລະ­ບົບ​ບັດ​ຂອງ ທຄຕລ ລະ ຫວ່າງ ທຄຕລ ແລະ ບໍ­ລິ­ສັດ ອີ​ວີ​ລາວ ຈຳ­ກັດ ຮ່ວມ​ລົງ​ນາມ​ລະ ຫວ່າງ​ທ່ານ ພູ​ຂົງ ຈັນ­ທະ​ຈັກ ຜູ້­ອຳ­ນວຍ­ການ​ໃຫຍ່ ທຄຕລ ແລະ ທ່ານ ບຸນ​ເລີດ ຫຼວງ​ປະ ເສີດ ຜູ້­ອຳ­ນວຍ­ການ​ບໍ­ລິ­ສັດ ອີ ວີ​ລາວ ຈຳ­ກັດ ມີ​ຕາງ­ໜ້າ​ພາກ ສ່ວນ​ກ່ຽວ­ຂ້ອງ ຄະ­ນະ​ຜູ້​ບໍ­ລິ­ຫານ ແລະ ພະ­ນັກ­ງານ​ທີ່​ກ່ຽວ­ຂ້ອງ​ທັງ​ສອງ​ຝ່າຍ ເຂົ້າ​ຮ່ວມ.

    ການ​ບໍ­ລິ­ການ​ຊຳ­ລະ​ຄ່າ​ສາ​ທາ​ລະ​ນຸ​ປະ​ໂພກ​ຜ່ານ​ລະ­ບົບ​ທະ ນາ​ຄານ (Bill Payment) ຂອງ ທຄຕລ ໄດ້​ເລີ່ມ​ໃຫ້​ບໍ­ລິ­ການ​ທຳ​ອິດ​ປີ 2009 ແລະ ເປັນ​ບໍ­ລິ­ການ​ທີ່​ໄດ້​ມີ​ການ​ຊົມ­ໃຊ້​ຫຼາຍ ປັດ­ຈຸ­ບັນ ທຄຕລ ໄດ້​ໃຫ້​ບໍ­ລິ­ການ​ຊຳ­ລະ​ຄ່າ​ສາ​ທາ​ລະ​ນຸ​ປະ​ໂພກ​ຮ່ວມ​ກັບ 53 ພາກ­ສ່ວນ ໃນ​ນັ້ນ ປະ­ກອບ​ມີ: ການ​ຊຳ­ລະ​ຄ່າ​ໄຟ­ຟ້າ ຄ່າ​ນ້ຳ ປະ­ປາ ຄ່າ​ໂທລະ­ສັບ ຄ່າ​ພາ­ສີ-ອາ­ກອນ ຄ່າ​ເຊົ່າ​ສາຍ​ເຄ​ເບິນ ຄ່າ​ບັດ​ນ້ຳ­ມັນ​ເຊື້ອ​ໄຟ ຄ່າ​ບັດ​ຂ້າມ​ຂົວ​ມິດ­ຕະ­ພາບ​ລາວ-ໄທ ແຫ່ງ​ທີ 1 ແລະ ຊຳ­ລະ​ຄ່າ​ງວດ​ເຊົ່າ​ສິນ​ເຊື່ອ ເຊິ່ງ​ການ​ບໍ­ລິ­ການ Bill Payment ທຄຕລ ໄດ້​ພັດ ທະ​ນາ​ໃຫ້​ສາ­ມາດ​ຊຳ­ລະ​ຜ່ານ​ຫຼາຍ​ຊ່ອງ​ທາງ ຄື: ຜ່ານ ATM BCEL One i-Bank ແລະ ຜ່ານ​ປ່ອງ​ບໍ­ລິ­ການ ທຄຕລ ກວມ​ເອົາ​ຕົວ​ເລກ​ຜູ້­ນຳ​ໃຊ້​ລະ­ບົບ​ຊຳ­ລະ​ແບບ​ເອ​ເລັກ​ໂຕຣ​ນິກ​ຫຼາຍ​ທີ່​ສຸດ​ໃນ​ລະ­ບົບ​ທະ­ນາ­ຄານ​ພາຍ​ໃນ​ປະ­ເທດ ເຊິ່ງ ທຄຕລ

    ເຊື່ອ​ໝັ້ນ​ວ່າ​ຖ້າ​ຂະ­ຫຍາຍ​ການ​ຊຳ­ລະ​ແບບ​ເອ​ເລັກ​ໂຕຣ​ນິກ​ນີ້​ອອກ​ໄປ​ໃຫ້​ກວ້າງ­ຂວາງ​ເທົ່າ­ໃດ ກໍ​ຈະ​ເປັນ​ການ​ສ້າງ​ເງື່ອນ­ໄຂ​ອຳ­ນວຍ​ຄວາມ​ສະ­ດວກ​ໃຫ້​ລູກ​ຄ້າ​ຂອງ​ທະ­ນາ­ຄານ​ໃນ​ການ​ທີ່​ຊົມ­ໃຊ້​ການ​ບໍ­ລິ­ການ​ຂອງ​ຫຼາກ​ຫຼາຍ​ຜູ້​ປະ­ກອບ​ການ​ຂຶ້ນ​ເທົ່າ​ນັ້ນ.

    ທຄຕລ ແລະ ບໍ­ລິ­ສັດ ອີ​ວີ​ລາວ ໄດ້​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ​ກ່ຽວ​ກັບ​ການ​ຮ່ວມ​ມື​ໃນ​ການ​ພັດ­ທະ­ນາ​ລະ­ບົບ​ການ​ຊຳ­ລະ​ຄ່າ​ສາກ​ລົດ­ໄຟ​ຟ້າ​ຜ່ານ​ລະ­ບົບ​ບັດ​ຂອງ ທຄຕລ ເຊິ່ງ​ຈະ​ໄດ້​ມີ​ການ​ເຊື່ອມ​ຕໍ່​ລະ­ບົບ​ຜະ­ລິດ​ຕະ​ພັນ​ບັດ Smart Card ຂອງ ທຄຕລ ເຂົ້າ ກັບ​ເຄື່ອງ​ສາກ​ໄຟ EV Box ຂອງ ບໍ­ລິ­ສັດ ອີ​ວີ​ລາວ ເພື່ອ​ຈະ​ໄດ້​ທຳ​ການ​ທົດ​ລອງ​ການ​ຊຳ­ລະ​ສະ​ສາງ​ຄ່າ​ສາກ​ໄຟ​ໃຫ້​ແກ່​ລົດ­ໄຟ​ຟ້າ ເຊິ່ງ​ທາງ​ບໍ­ລິ­ສັດ ອີ​ວີ​ລາວ ໄດ້​ສ້າງ Pilot Project ກັບ​ບໍ­ລິ­ສັດ​ໄຟ­ຟ້າ​ລາວ ເຊິ່ງ​ໄດ້​ວາງ​ແຜນ​ຈະ​ຕິດ​ຕັ້ງ EV Charger 20 Stations ຕາມ​ຈຸດ​ສຳ­ຄັນ​ຕ່າງໆ​ໃນ​ນະ­ຄອນ­ຫຼວງ​ວຽງ​ຈັນ ແລະ ຈະ​ຕິດ​ຕັ້ງ 100 EV Chargers ໃນ​ທົ່ວ​ນະ­ຄອນ­ຫຼວງ​ວຽງ​ຈັນ ລວມ​ເຖິງ​ເສັ້ນ­ທາງ​ສູ່​ແຂວງ​ອື່ນໆ ໂດຍ EV Chargers ທັງ​ໝົດ​ໃນ​ປະ­ເທດ​ລາວ​ຈະ​ລິ້ງ​ເຂົ້າ​ລະ­ບົບ Even ເຊິ່ງ​ທາງ​ບໍ­ລິ­ສັດ ອີ​ວີ​ລາວ ໄດ້​ຕິດ​ຕັ້ງ​ໄວ້​ທີ່​ບໍ­ລິ­ສັດ​ໄຟ­ຟ້າ​ລາວ ເພື່ອ​ຄວາມ​ປອດ​ໄພ​ຂອງ​ຜູ້​ໃຊ້​ລົດ­ໄຟ​ຟ້າ​ໃນ​ປະ­ເທດ​ລາວ ທັງ​ນີ້ ເພື່ອ​ແນ­ໃສ່​ເພີ່ມ​ຄວາມ​ສະ­ດວກ​ສະ­ບາຍ ແລະ ທັນ​ສະ­ໄໝ ແກ່​ລູກ​ຄ້າ​ຂອງ​ທັງ​ສອງ​ຝ່າຍ​ໃຫ້​ນັບ​ມື້​ນັບ​ຫຼາຍ​ຂຶ້ນ.