ທະຫານ​ຂອງ ​ສປຊ ​ເສຍ​ຊີວິດ​ 4 ຄົນ ຈາກ​ອຸບັດ​ເຫດ​ເຮືອບິນ​ຕົກ​ຢູ່​ໃນ ສ ອາ​ຟະ​ຣິກ​ກາ​ກາງ

1.201 10 ຕ.ລ. 2019 ຂ່າວຕ່າງປະເທດ
ທະຫານ​ຂອງ ​ສປຊ ​ເສຍ​ຊີວິດ​ 4 ຄົນ ຈາກ​ອຸບັດ​ເຫດ​ເຮືອບິນ​ຕົກ​ຢູ່​ໃນ ສ ອາ​ຟະ​ຣິກ​ກາ​ກາງ

    ສະຫະ​ປະຊາ​ຊາດ (​ສປຊ) ແຈ້ງ​ໃຫ້​ຮູ້ເມື່ອ​ວັນ​ທີ 7 ຕຸລາ​ນີ້​ວ່າ ທະຫານ​ຂອງ​ກອງ​ກຳລັງ​ຮັກສາ​ສັນຕິພາບ ຂອງ ​ສປຊ ປະຈຳ​ສາທາລະນະ​ລັດ ອາ​ຟະ​ຣິກ​ກາ​ກາງ (ສ ອາ​ຟະ​ຣິກ​ກາ​ກາງ)  ໄດ້​ເສຍ​ຊີວິດ​ໄປ 4 ຄົນ ຈາກ​ອຸບັດເຫດ​ເຮືອບິນ​ຕົກ ເມື່ອ​ກ່ອນ​ໜ້າ​ນີ້ 2 ອາທິດ ໂດຍ​ທີ່​ທະຫານ​ທັງ 4 ຄົນ​ທີ່​ເສຍ​ຊີວິດ​ນັ້ນ ເປັນ​ຊາວ​ເຊ​ເນ​ການ.

    ຫົວໜ້າ​ຄະນະ​ຮັກສາ​ສັນຕິພາບ​ຂອງ ​ສປຊ ປະຈຳ ສ ອາ​ຟະ​ຣິກ​ກາ​ກາງ (MINUSCA) ລົງ​ພິມ​ຂໍ້ຄວາມ​ຜ່ານ​ສື່​ສັງຄົມ Twitter  ໃຫ້​ຮູ້​ວ່າ ນັກ​ບິນ​ທີ່​ຂັບ​ເຮືອບິນ​ທີ່​ເກີດ​ອຸບັດເຫດ​ນັ້ນ ໄດ້​ເສຍ​ຊີວິດ​ໃນ​ວັນ​ທີ 6 ຕຸລາ​ນີ້ ຍ້ອນ​ໄດ້​ຮັບ​ບາດເຈັບ​ສາຫັດ ແລະ ກ່ອນ​ໜ້າ​ນັ້ນ ສະມາຊິກ​ໃນ​ຈຸ​ບິນ​ອີກ 3 ຄົນ ໄດ້​ເສຍ​ຊີວິດ ເມື່ອ​ເຮືອບິນ​ເອ​ລີ​ກອບ​ແຕ​ທີ່​ພວກ​ເຂົາ​ໂດຍສານ​ໄປ​ນັ້ນ ປະສົບ​ເຫດ​ຂັດຂ້ອງ ແລະ ເກີດ​ອຸບັດເຫດ​ຕົກ ຢູ່​ທາງ​ພາກ​ຕາເວັນຕົກ​ຂອງ ສ ອາ​ຟະ​ຣິກ​ກາ​ກາງ ເມື່ອ​ວັນ​ທີ 27 ກັນຍາ​ທີ່​ຜ່ານ​ມາ.

ຂ່າວທີ່ກ່ຽວຂ້ອງ