ຂ່າວຫຼ້າສຸດ

ອິນ​ໂດ​ເນ​ເຊຍ​ຈະ​ສ້າງ​ຕັ້ງ​ຖານ​ທັບ​ໃໝ່ 4 ​ແຫ່ງ

1.067 10 ຕ.ລ. 2019 ຂ່າວຕ່າງປະເທດ
ອິນ​ໂດ​ເນ​ເຊຍ​ຈະ​ສ້າງ​ຕັ້ງ​ຖານ​ທັບ​ໃໝ່ 4 ​ແຫ່ງ

   ອິນ​ໂດ​ເນ​ເຊຍ ຈະ​ສ້າງຕັ້ງ​ຖານ​ທັບ​ໃໝ່ 4 ແຫ່ງ ຢູ່​ໃນ​ເຂດ​ທາງ​ທິດຕາເວັນອອກ ເພື່ອ​ຍົກ​ສູງ​ຂີດ​ຄວາມ​ສາມາດ​ດ້ານ​ຄວາມ​ພ້ອມ​ໃນ​ການ​ສູ້​ຮົບ ແລະ ການ​ປະສານ​ສົມທົບ ລະຫວ່າງ​ກອງທັບ​ເຮືອ ກອງທັບ​ບົກ ແລະ ກອງທັບ​ອາກາດ ຢູ່​ໃນ​ບັນດາ​ເຂດ​ຊາຍ​ແດນ​ທາງ​ທະເລ.

    ປະທານາທິບໍດີ​ອິນ​ໂດ​ເນ​ເຊຍ ໂຈ​ໂກ ​ວ​ຍີ​ໂດ​ໂດ ກ່າວ​ຢູ່​ໃນ​ພິທີ​ສະເຫຼີມສະຫຼອງ​ການ​ສ້າງຕັ້ງ​ກອງ​ກຳລັງ​ປະກອບ​ອາວຸດ​ອິນ​ໂດ​ເນ​ເຊຍ (TNI) ຄົບຮອບ 74 ປີ ເມື່ອ​ວັນ​ທີ 5 ຕຸລາ​ນີ້​ວ່າ ຫຼັງ​ຈາກ​ທີ່​ໄດ້​ເປີດ​ຖານ​ທັບ​ຢູ່​ໃນ​ໝູ່​ເກາະ ນາ​ຕູ​ນາ ໃນ​ເຂດ​ທະເລ​ຈີນ​ໃຕ້​ແລ້ວ ຖານ​ທັບ​ອື່ນໆ​ອີກ 4 ແຫ່ງ ຈະ​ໄດ້​ສ້າງຕັ້ງ​ຂຶ້ນ​ໃນ ບີ​ອັກ ເມ​ຣາວ​ເກ ໂມ​ໂຣ​ໄຕ ແລະ ຊາ​ອູມ​ລາ​ກີ.

     ກ່ອນ​ໜ້າ​ນັ້ນ ກອງທັບ​ອິນ​ໂດ​ເນ​ເຊຍ ຖະແຫຼງ​ວ່າ ບັນດາ​ເກາະ​ຂະໜາດ​ນ້ອຍ ຢູ່​ໃນ​ເຂດ​ທະເລ​ຂອງ​ອິນ​ໂດ​ເນ​ເຊຍ ອາດ​ຈະ​ເຄື່ອນ​ໄຫວ​ຄື​ກັບ​ວ່າ​ເປັນ “ກຳປັ່ນ​ບັນທຸກ​ເຮືອບິນ” ເພື່ອ​ໃຫ້ TNI ຜັນ​ຂະຫຍາຍ​ການ​ປະຕິບັດ​ໜ້າທີ່​ຂອງ​ເຮືອບິນ​ສູ້​ຮົບ ແລະ ທະຫານ ໄປ​ຍັງ​ເຂດ​ທີ່​ເກີດ​ການ​ພິພາດ.

    ປະທານາທິບໍດີ ວີ​ໂດ​ໂດ ກໍ​ໄດ້​ກ່າວ​ໃນ​ໂອກາດ​ດັ່ງກ່າວ ໂດຍ​ໃຫ້​ສັນຍາ​ວ່າ ຈະ​ເພີ່ມ​ສະຫວັດດີ​ການ​ໃຫ້​ແກ່​ບັນດາ​ພົນທະຫານ ແລະ ເພີ່ມ​ງົບປະມານ​ດ້ານ​ປ້ອງ​ກັນ​ຊາດ​ຈາກ 121 ພັນ​ຕື້​ຣູ​ເປຍ (ເທົ່າ​ກັບ 8,6 ຕື້​ໂດ​ລາ​ສະຫະລັດ) ໃນ​ປີ 2019 ຂຶ້ນ​ເປັນ 131 ພັນ​ຕື້​ຣູ​ເປຍ (ເທົ່າ​ກັບ​ກວ່າ 9,3 ຕື້​ໂດ​ລາ​ສະຫະລັດ) ພາຍ​ໃນ​ປີໜ້າ.

ຂ່າວທີ່ກ່ຽວຂ້ອງ