ຍີ່ປຸ່ນ ຊ່ວຍເຫຼືອ​ລ້າ​ຂະຫຍາຍ​ລະບົບ​ນ້ຳ​ປະປາ​ຢູ່​ເມືອງ​ຫຼວງ​ພະ​ບາງ

1.138 11 ຕ.ລ. 2019 ຂ່າວໜ້າ​ໜຶ່ງ
ຍີ່ປຸ່ນ ຊ່ວຍເຫຼືອ​ລ້າ​ຂະຫຍາຍ​ລະບົບ​ນ້ຳ​ປະປາ​ຢູ່​ເມືອງ​ຫຼວງ​ພະ​ບາງ

   ພິທີ​ເຊັນ​ສັນຍາ​ຮັບ​ເອົາ​ການ​ຊ່ວຍເຫຼືອ​ລ້າ​ຈາກ​ລັດຖະບານ​ຍີ່ປຸ່ນ ໂຄງການ​ຂະຫຍາຍ​ລະບົບ​ນ້ຳ​ປະປາ​ໃນ​ນະຄອນຫຼວງ​ພະ​ບາງ ແຂວງ​ຫຼວງ​ພະ​ບາງ ພາຍ​ໃຕ້​ໂຄງການ​ຊ່ວຍເຫຼືອ​ລ້າ​ຈາກ​ລັດຖະບານ​ຍີ່ປຸ່ນ ໄດ້​ຈັດ​ຂຶ້ນ​ວັນ​ທີ 10 ຕຸລາ 2019 ທີ່​ກະຊວງ​ແຜນການ ແລະ ການ​ລົງທຶນ ໂດຍ​ຕາງໜ້າ​ລົງ​ນາມ​ຂອງ​ທ່ານ ນາງ ສີ​ສົມບູນ ອຸ​ນາ​ວົງ ຫົວໜ້າ​ກົມ​ຮ່ວມ​ມື​ສາກົນ ກະຊວງ​ແຜນການ ແລະ ການ​ລົງທຶນ ແລະ ທ່ານ Yoshiharu YONEYAMA ຫົວໜ້າ​ອົງການ​ຮ່ວມ​ມື​ຍີ່ປຸ່ນ (JICA) ປະຈຳ​ລາວ ມີ​ພາກສ່ວນ​ກ່ຽວຂ້ອງ​ສອງ​ຝ່າຍ ເຂົ້າ​ຮ່ວມ.

    ໂຄງການ​ມີ​ມູນ​ຄ່າ​ການ​ຊ່ວຍເຫຼືອ​ລ້າ​ປະມານ 1.922 ລ້ານ​ເຢນ ຫຼື ປະມານ 150 ຕື້​ກີບ ເຊິ່ງ​ຈະ​ເລີ່ມ​ລົງມື​ຈັດ​ຕັ້ງ​ປະຕິບັດ​ນັບ​ແຕ່​ມື້​ລົງ​ລາຍ​ເຊັນ​ເປັນຕົ້ນ​ໄປ (ຈັດ​ຕັ້ງ​ປະຕິບັດ​ໂດຍ​ກົມ​ນ້ຳ​ປະປາ ກະຊວງ​ໂຍທາ​ທິ​ການ ແລະ ຂົນສົ່ງ) ໂຄງການ​ນີ້​ຈະ​ປັບປຸງ​ລະບົບ​ນ້ຳ​ປະປາ​ໃນ​ນະຄອນຫຼວງ​ພະ​ບາງ ຜ່ານ​ການ​ສ້ອມແປງ​ໂຮງງານ​ບຳບັດ​ນ້ຳ​ເປື້ອນ ສ້ອມແປງ​ຂະຫຍາຍ​ລະບົບ​ນ້ຳ​ປະປາ ແລະ ອຸປະກອນ​ສິ່ງ​ອຳນວຍ​ຄວາມ​ສະດວກ​ສຳລັບ​ລະບົບ​ລະລາຍ​ນ້ຳ ຈຳນວນ​ປະຊາກອນ​ໃນ​ຂົງເຂດ​ເປົ້າ​ໝາຍ 73.593 ຄົນ ໃນ​ເນື້ອທີ່ 68.695 ຕາ​ແມັດ ແລະ ຈະ​ໃຫ້​ສຳເລັດ​ປີ 2025

    ການ​ຊ່ວຍເຫຼືອ​ຈະ​ມາ​ໃນ​ຮູບ​ແບບ​ຂອງ​ການ​ບໍລິການ​ນ້ຳ​ປະປາ ກວມ​ອັດຕາ 91,2% ພາຍ​ໃນ​ຂົງເຂດ​ຕົວ​ເມືອງ​ຫຼວງ​ພະ​ບາງ ປີ  2017 ເຊິ່ງ​ບັນລຸ​ເປົ້າ​ໝາຍ​ຕົວ​ເລກ​ທີ່​ໄດ້​ກຳນົດ​ໃນ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ ເຖິງ​ວ່າ​ຈະ​ມີ​ຄວາມ​ຄືບ​ໜ້າ​ໃນ​ປັດຈຸບັນ ລະບົບ​ນ້ຳ​ປະປາ​ໃນ​ຕົວ​ເມືອງ​ນັ້ນ​ຍັງ​ພົບພໍ້​ກັບ​ບັນຫາ​ຫຼາຍ​ຢ່າງ ບັນຫາ​ດັ່ງກ່າວ​ປະກອບ​ມີ​ນ້ຳ​ຮົ່ມ​ມາ​ຈາກ​ລະບົບ​ທໍ່​ສົ່ງ ແລະ ແຈກ​ຢາຍ​ລະບົບ​ທໍ່​ສົ່ງ​ໃນ​ເຂດ​ທາງ​ເໜືອ ແລະ ໃຕ້​ນັ້ນ​ຍັງ​ມີ​ຈຳນວນ​ບໍ່​ພຽງພໍ.

ຂ່າວທີ່ກ່ຽວຂ້ອງ