UAE - ຣັດ​ເຊຍ ລົງ​ນາມ​ຂໍ້​ຕົກລົງ​ການ​ຮ່ວມ​ມື​ມູນ​ຄ່າ​ 1,3 ຕື້​ໂດ​ລາ

554 17 ຕ.ລ. 2019 ຂ່າວຕ່າງປະເທດ
UAE - ຣັດ​ເຊຍ ລົງ​ນາມ​ຂໍ້​ຕົກລົງ​ການ​ຮ່ວມ​ມື​ມູນ​ຄ່າ​ 1,3 ຕື້​ໂດ​ລາ

    ໃນ​ລະຫວ່າງ​ການ​ຢ້ຽມຢາມ ຕາເວັນ​ອອກ​ກາງ ເມື່ອ​ວັນ​ທີ 15 ຕຸລາ​ນີ້ ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ໄດ້​ຮ່ວມ​ລົງ​ນາມ​ຂໍ້​ຕົກລົງ​ການ​ຮ່ວມ​ມື ມູນ​ຄ່າ 1,3 ຕື້ ໂດ​ລາ​ສະຫະລັດ  ກັບ​ສະຫະລັດ ອາ​ຣັບ ເອ​ມີ​ເຣດ (UAE).

   ຂ່າວ​ແຈ້ງວ່າ ຣັດ​ເຊຍ ແລະ  UAE ໄດ້​ລົງ​ນາມ​ຂໍ້​ຕົກລົງ 6 ສະບັບ ໃນ​ນັ້ນ​ມີ​ຂໍ້​ຕົກລົງ​ສະບັບ​ໜຶ່ງ ກ່ຽວ​ກັບ​ການ​ລົງທຶນ​ຮ່ວມ ລະຫວ່າງ​ກອງ​ທຶນ​ການ​ລົງທຶນ​ແຫ່ງ​ລັດ​ຂອງ​ຣັດ​ເຊຍ ກັບ​ກອງ​ທຶນ​ການ​ລົງທຶນ ມູ​ບາ​ດາລາ (Mubadala) ຂອງ UAE. ຂໍ້​ຕົກລົງ​ເຫຼົ່ານັ້ນ ຕົ້ນຕໍ​ແມ່ນ​ຢູ່​ໃນ​ຂົງເຂດ​ພະລັງງານ ເຕັກ​ໂນ​ໂລ​ຊີ​ສູງ ແລະ ການ​ແພດ.

    ກ່ອນ​ໜ້າ​ນັ້ນ​ໜຶ່ງ​ວັນ ປະທານາທິບໍດີ ປູ​ຕິນ ໄດ້​ເຄື່ອນ​ໄຫວ​ຢ້ຽມຢາມ​ອາ​ຣາ​ບີ ຊາ​ອຸ​ດິດ ແລະ ກໍ​ໄດ້​ລົງ​ນາມ​ຂໍ້​ຕົກລົງ​ການ​ຮ່ວມ​ມື​ດ້ານ​ນ້ຳມັນ-ແກ​​ັສ ກັບ ອາ​ຣາ​ບີ ຊາ​ອຸ​ດິດ.

ຂ່າວທີ່ກ່ຽວຂ້ອງ