ອະດີດ​ນາຍົກລັດຖະມົນຕີຂອງ ປາ​ປົວ ນູ​ແວນ ກີ​ເນ ຖືກ​ຈັບ​ກຸມ

942 17 ຕ.ລ. 2019 ຂ່າວຕ່າງປະເທດ
ອະດີດ​ນາຍົກລັດຖະມົນຕີຂອງ ປາ​ປົວ ນູ​ແວນ ກີ​ເນ ຖືກ​ຈັບ​ກຸມ

   ວັນ​ທີ 15 ຕຸລາ​ນີ້ ກອງ​ກຳລັງ​ຕຳຫຼວດ​ຂອງ ປາ​ປົວ ນູ​ແວນ ກີ​ເນ ໄດ້​ປະກາດ​ຄຳ​ສັ່ງ​ຈັບ​ກຸມ​ອະດີດ​ນາຍົກລັດຖະມົນຕີ ປີ​ເຕີ ໂອ​ນຽນ ດ້ວຍ​ຂໍ້​ຫາ “ສໍ້​ລາດ​ບັງ​ຫຼວງ​ຊັບ​ສິນ​ຂອງ​ລັດ.” ຫຼັງ​ຈາກ​ທີ່​ຄຳ​ສັ່ງ​ດັ່ງກ່າວ ຖືກ​ນຳ​ອອກ​ມາ ທ່ານ ປີ​ເຕີ ໂອ​ນຽນ ກໍ​ຖືກ​ຈັບ​ກຸມ​ໃນ​ວັນ​ດຽວ​ກັນ ທີ່​ໂຮງແຮມ ໂກຣນ ພລາ​ຊາ ໃນ​ນະຄອນ ພອດ ມໍ​​ສ​ບີ.

    ເຈົ້າ​ໜ້າທີ່​ຕຳຫຼວດ​ຂອງ​ປາ​ປົວ ນູ​ແວນ ກີ​ເນ ໃຫ້​ຮູ້​ວ່າ ຄຳ​ສັ່ງ​ຈັບ​ກຸມ​ດັ່ງກ່າວ ຖືກ​ປະກາດ​ໃຊ້​ເມື່ອ​ທ້າຍ​ອາທິດ​ທີ່​ຜ່ານ​ມາ ທີ່​ສານ​ໃນ​ເມືອງ ວາຍ​ກາ​ນີ ໂດຍ​ອີງໃສ່​ຫຼັກ​ຖານ​ຕ່າງໆ ຈາກ​ການ​ສືບສວນ​ສອບ​ສວນ​ຂອງ​ຕຳຫຼວດ.

    ເມື່ອ​ປີ 2014 ກໍ​ມີ​ຄຳ​ສັ່ງ​ຈັບ​ກຸມ​ອອກ​ມາ​ຕໍ່​ທ່ານ ປີ​ເຕີ ໂອ​ນຽນ ແຕ່​ໄດ້​ຖືກ​ສານ​ສູງ​ສຸດ​ຂອງ ປາ​ປົວ ນູ​ແວນ ກີ​ເນ ຍົກເລີກ​ໄປ​ເມື່ອ​ປີ 2017 ຫຼັງ​ການ​ຕໍ່ສູ້​ດ້ານ​ກົດໝາຍ​ແກ່ຍາວ.

ຂ່າວທີ່ກ່ຽວຂ້ອງ