ການ​ຄ້າຂາ​ເຂົ້າ​-ຂາ​ອອກ​ຂອງ​ຈີນ​ເພີ່ມ​ຂຶ້ນ 2,8%

1.005 17 ຕ.ລ. 2019 ຂ່າວຕ່າງປະເທດ
ການ​ຄ້າຂາ​ເຂົ້າ​-ຂາ​ອອກ​ຂອງ​ຈີນ​ເພີ່ມ​ຂຶ້ນ 2,8%

     ຕົວ​ເລກ​ສະຖິຕິ​ຂອງ​ອົງການ​ພາສີ​ແຫ່ງ​ຊາດ​ຈີນ ສະແດງ​ໃຫ້​ເຫັນ​ວ່າ ໃນ 3 ໄຕ​ມາດ​ຕົ້ນ​ປີ​ນີ້ ຍອດ​ມູນ​ຄ່າ​ການ​ຄ້າ​ຂາ​ເຂົ້າ-ຂາ​ອອກ​ຂອງ​ຈີນ ບັນລຸ 22.910 ຕື້​ຢວນ (ສະກຸນ​ເງິນ​ຂອງ​ຈີນ)  ເພີ່ມ​ຂຶ້ນ 2,8% ເມື່ອ​ທຽບໃສ່​ໄລຍະ​ດຽວ​ກັນ​ຂອງ​ປີ 2018. ໃນ​ນັ້ນ ການ​ຄ້າ​ຂາ​ອອກ ບັນລຸ 12.480 ຕື້ ຢວນ ເພີ່ມ​ຂຶ້ນ 5,2%; ການ​ຄ້າ​ຂາ​ເຂົ້າ​ບັນລຸ 10.430 ຕື້​ຢວນ ຫຼຸດ​ລົງ 0,1%; ແລະ ເຮັດ​ໃຫ້​ຈີນ ໄດ້​ປຽບ​ດຸນ​ການ​ຄ້າ 2.050 ຕື້​ຢວນ ເພີ່ມ​ຂຶ້ນ 44,2%.

    ວັນ​ທີ 14 ຕຸລາ​ນີ້ ທ່ານ​ຫຼີ​ຄຸຍ​ເວີນ ໂຄສົກ​ອົງການ​ພາສີ​ອາກອນ​ແຫ່ງ​ຊາດ​ຈີນ ທັງ​ເປັນ​ຫົວໜ້າ​ກົມ​ສະຖິຕິ ແລະ  ວິເຄາະ​ກ່າວ​ວ່າ ໃນ 3 ໄຕ​ມາດ​ຂອງ​ຕົ້ນ​ປີ​ນີ້ ການ​ຄ້າ​ຂາ​ເຂົ້າ-ຂາ​ອອກ​ຂອງ​ຈີນ ເຄື່ອນ​ໄຫວ​ໄດ້​ຢ່າງ​ໝັ້ນຄົງ​ໂດຍ​ລວມ ພ້ອມ​ທັງ​ໄດ້​ຍົກ​ສູງ​ຄຸນ​ນະ​ພາບ. ໃນ 3 ໄຕ​ມາດ​ດັ່ງກ່າວ ຄູ່​ການ​ຄ້າ​ອັນ​ດັບ​ທີ​ໜຶ່ງ ແລະ  ທີ​ສອງ​ຂອງ​ຈີນ ແມ່ນ​ສະຫະພາບ​ເອີ​ລົບ ແລະ  ອາ​ຊຽນ ຊຶ່ງ​ຕ່າງ​ກໍ​ໄດ້​ສົ່ງ​ອອກ​ສິນຄ້າ​ທີ່​ມີ​ມູນ​ຄ່າ 3.570 ຕື້​ຢວນ ແລະ  3.140 ຕື້​ຢວນ ຕ່າງ​ກໍ​ໄດ້​ເພີ່ມ​ຂຶ້ນ 8,6% ແລະ  11,5% ຕາມ​ລຳດັບ.

ຂ່າວທີ່ກ່ຽວຂ້ອງ