ເພີ່ມທະວີໂຄສະນາວຽກງານສິດທິເດັກ ການຄ້າມະນຸດ ແລະ ໂພຊະນາການ

960 17 ຕ.ລ. 2019 ຂ່າວໜ້າ​ໜຶ່ງ
ເພີ່ມທະວີໂຄສະນາວຽກງານສິດທິເດັກ ການຄ້າມະນຸດ ແລະ ໂພຊະນາການ

    ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ (ຖວ​ທ) ຮ່ວມ​ກັບ​ອົງ­ການ​ອຸຍ​ນີ​ເຊັບ ຈັດ​ກອງ​ປະ­ຊຸມ​ຄະ­ນະ​ບັນ​ນາ ທິ​ການ​ຂອງ​ສື່​ມວນ​ຊົນ​ລາວ ກ່ຽວ​ກັບ​ການ​ໂຄ­ສະ­ນາ​ໃຫ້​ວຽກ​ງານ​ສິດ­ທິ​ເດັກ ການ​ຄ້າ​ມະ­ນຸດ ແລະ ໂພ­ຊະ​ນາ​ການ ຈັດ​ຂຶ້ນ​ວັນ​ທີ 16 ຕຸ­ລາ 2019 ຢູ່​ແຂວງ​ວຽງ​ຈັນ ໂດຍ​ເປັນ​ປະ­ທານ​ຂອງ​ທ່ານ ບົວ​ເງິນ ຊາ​ພູ​ວົງ ຮອງ​ລັດ­ຖະ­ມົນ­ຕີ​ກະ­ຊວງ ຖວ​ທ ທ່ານ ອົກ​ຕາ​ວຽນ ບີ​ໂວນ ຜູ້­ຕາງ­ໜ້າ​ອົງ­ການ​ອຸຍ​ນີ​ເຊັບ ປະ­ຈຳ ສປປ ລາວ ມີ​ທ່ານ ຄຳ​ຟອງ ບົວ­ທອງ ຫົວ­ໜ້າ​ພະ​ແນກ ຖວ​ທ ແຂວງ​ວຽງ​ຈັນ ພ້ອມ​ດ້ວຍ​ວິ­ທະ­ຍາ­ກອນ ແລະ ສຳ​ມະ​ນາ​ກອນ ເຂົ້າ​ຮ່ວມ.

    ຈຸດ­ປະ­ສົງ ເພື່ອ​ໃຫ້​ຂໍ້​ມູນ​ແກ່​ບັນ­ນາ­ທິ­ການ ແລະ ນັກ​ຂ່າວ​ຈາກ​ສື່​ຕ່າງໆ ລວມ​ທັງ​ໜັງ­ສື­ພິມ ໂທລະ­ພາບ ວິ­ທະ­ຍຸ ແລະ ສື່​ສັງ­ຄົມ​ອອນ​ລາຍ ກ່ຽວ​ກັບ​ບັນ­ຫາ​ທີ່​ມີ​ຜົນ​ກະ­ທົບ​ຕໍ່​ຊີ­ວິດ​ຂອງ​ເດັກ ບົດ​ລາຍ​ງານ​ການ​ວິ­ໄຈ​ຄວາມ​ຂາດ­ເຂີນ​ແບບ​ທັບ​ຊ້ອນ ວຽກ​ງານ​ໂພ​ສະ​ນາ​ການ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ ຄົບ­ຮອບ 30 ປີ ແລະ ການ​ຄ້າ​ມະ­ນຸດ ເພື່ອ​ເປັນ​ການ​ໂຄ­ສະ­ນາ​ຂົນ ຂວາຍ ແລະ ເສີມ​ຂະ­ຫຍາຍ​ການ​ປະ­ຕິ­ບັດ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ ໂດຍ​ສະ­ເພາະ​ການ​ສະ­ເຫຼີມ­ສະ­ຫຼອງ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ ຄົບ­ຮອບ 30 ປີ ເພື່ອ​ເປັນ​ການ​ກະ­ກຽມ​ການ​ເຂົ້າ​ຮ່ວມ​ຂອງ​ສື່​ມວນ​ຊົນ ໃນ​ການ​ເຜີຍ­ແຜ່​ບົດ​ລາຍ​ງານ​ກ່ຽວ​ກັບ​ສະ­ພາບ​ເດັກ­ນ້ອຍ​ໃນ​ທົ່ວ​ໂລກ ປີ 2019 ພາຍ​ໃຕ້​ຫົວ­ຂໍ້ ໂພ­ຊະ​ນາ​ການ (ເດັກ​ເຕ້ຍ).

ຂ່າວທີ່ກ່ຽວຂ້ອງ