ລະນຶກມູນເຊື້ອວັນການທູດລາວ ຄົບຮອບ 74 ປີ

1.117 17 ຕ.ລ. 2019 ຂ່າວໜ້າ​ໜຶ່ງ
ລະນຶກມູນເຊື້ອວັນການທູດລາວ ຄົບຮອບ 74 ປີ

    ພິ­ທີ​ປາ­ຖະ­ກະ­ຖາ​ລະ­ນຶກ​ມູນ­ເຊື້ອ​ວັນ​ສ້າງ­ຕັ້ງ​ວັນ​ການ​ທູດ​ລາວ ຄົບ­ຮອບ 74 ປີ (12 ຕຸ­ລາ 1945–12 ຕຸ­ລາ 2019) ຈັດ​ຂຶ້ນ​ວັນ​ທີ 11 ຕຸ­ລາ 2019 ຢູ່​ກະ­ຊວງ​ການ​ຕ່າງ­ປະ­ເທດ ໂດຍ​ການ​ປາ­ຖະ­ກະ­ຖາ​ຂອງ​ທ່ານ ສະ­ເຫຼີມ​ໄຊ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ​ການ​ຕ່າງ­ປະ­ເທດ ມີ​ຄະ­ນະ​ນຳ​ກະ­ຊວງ ຄະ­ນະ​ກົມ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ສະ­ເຫຼີມ​ໄຊ ກົມ​ມະ​ສິດ ໄດ້​ຍົກ​ໃຫ້​ເຫັນ​ປະ­ຫວັດ​ຄວາມ​ເປັນ​ມາ​ຂອງ​ວັນ​ການ​ທູດ​ລາວ ການ​ເຕີບ​ໃຫຍ່​ຂະ­ຫຍາຍ­ຕົວ​ຂອງ​ການ​ທູດ​ລາວ ແລະ ຜົນ­ສຳ­ເລັດ​ດ້ານ​ວຽກ​ງານ​ການ​ຕ່າງ­ປະ­ເທດ ແລະ ການ​ທູດ​ຂອງ​ພັກ ແລະ ລັດ ທີ່​ຍາດ​ມາ​ໄດ້ ຍ້ອນ​ແນວ­ທາງ​ອັນ​ຖືກ­ຕ້ອງ​ສອດ­ຄ່ອງ​ຂອງ​ພັກ ໂດຍ​ການ​ປະ­ຕິ­ບັດ​ນະ ໂຍ​ບາຍ​ການ​ຕ່າງ­ປະ­ເທດ “ສັນ­ຕິ­ພາບ ເອ­ກະ­ລາດ ມິດ­ຕະ­ພາບ ແລະ ການ​ຮ່ວມ​ມື​ແບບ​ສະ­ເໝີ​ຕົ້ນ​ສະ­ເໝີ ປາຍ” ບົນ​ພື້ນ­ຖານ​ຫຼັກ­ການ​ເຄົາ­ລົບ​ເອ­ກະ­ລາດ ອະ­ທິ­ປະ​ໄຕ​ຂອງ​ກັນ ບໍ່​ແຊກ​ແຊງ​ເຂົ້າ​ວຽກ​ງານ​ພາຍ​ໃນ​ຂອງ​ກັນ ສະ­ເໝີ­ພາບ ແລະ ຕ່າງ​ຝ່າຍ​ຕ່າງ​ມີ​ຜົນ​ປະ­ໂຫຍດ ເຊິ່ງ​ເຫັນ​ໄດ້​ຈາກ​ຖາ­ນະ​ບົດ­ບາດ​ໃນ​ເວ­ທີ​ພາກ​ພື້ນ ແລະ ສາ­ກົນ​ຂອງ ສປປ ລາວ ທີ່​ນັບ​ມື້​ນັບ​ພົ້ນ​ເດັ່ນ​ຂຶ້ນ​ທັງ​ໃນ​ຂອບ​ສອງ​ຝ່າຍ ແລະ ຫຼາຍ​ຝ່າຍ ມີ​ເພື່ອນ​ມິດ​ສະ­ຫາຍ​ນັບ​ມື້​ກວ້າງ­ຂວາງ ນັກ​ລົງ­ທຶນ​ຈາກ​ຫຼາຍ​ປະ­ເທດ​ສົນ­ໃຈ​ມາ​ລົງ­ທຶນ​ໃນ​ລາວ​ນັບ​ມື້​ຫຼາຍ​ຂຶ້ນ ນັກ​ທ່ອງ​ທ່ຽວ​ຕ່າງ­ປະ­ເທດ​ເຂົ້າ​ມາ ສປປ ລາວ ເພີ່ມ​ຂຶ້ນ​ໃນ​ແຕ່​ລະ​ປີ ປັດ­ຈຸ­ບັນ ສປປ ລາວ ມີ​ການ​ພົວ­ພັນ​ການ​ທູດ​ກັບ 143 ປະ­ເທດ ພົວ­ພັນ​ກັບ​ພັກ​ການ­ເມືອງ​ເກືອບ 140 ພັກ​ການ­ເມືອງ ມີ​ສຳ­ນັກ­ງານ​ຕາງ­ໜ້າ​ການ​ທູດ​ຢູ່​ຕ່າງ­ປະ­ເທດ 41 ແຫ່ງ ໃນ​ນີ້ ສະ­ຖານ​ເອກ​ອັກ​ຄະ​ລັດ​ຖະ​ທູດ 27 ແຫ່ງ ສຳ­ນັກ­ງານ​ຜູ້­ຕາງ­ໜ້າ​ຖາ­ວອນ​ລາວ 3 ແຫ່ງ ກົງ­ສຸນ​ໃຫຍ່​ແຫ່ງ ສປປ ລາວ 10 ແຫ່ງ ຫ້ອງ­ການ​ຜູ້­ຕາງ­ໜ້າ​ກົງ­ສຸນ​ໃຫຍ່ 1 ແຫ່ງ ກົງ­ສຸນ​ກິດ​ຕິ​ມະ​ສັກ​ມີ 12 ປະ­ເທດ ກົງ­ສຸນ​ກິດ​ຕິ​ມະ​ສັກ​ຕ່າງ­ປະ­ເທດ​ຢູ່​ລາວ​ມີ 18 ປະ­ເທດ ສປປ ລາວ ໄດ້​ເຂົ້າ​ເປັນ​ສະ­ມາ­ຊິກ​ອົງ​ການ­ຈັດ­ຕັ້ງ​ໃນ​ພາກ​ພື້ນ ແລະ ສາ­ກົນ​ຫຼາຍ​ກວ່າ 130 ອົງ­ການ ນອກ​ນີ້ ຍັງ​ໄດ້​ເຂົ້າ​ຮ່ວມ​ກຸ່ມ​ຕ່າງໆ​ອີກ ລວມ​ທັງ​ກຸ່ມ 77 ແລະ ຈີນ ຂະ​ບວນ​ການ​ບໍ່​ຮ່ວມ​ກຸ່ມ (NAM) ກຸ່ມ​ປະ­ເທດ​ດ້ອຍ​ພັດ­ທະ­ນາ (LDCs) ກຸ່ມ​ປະ­ເທດ​ກຳ­ລັງ​ພັດ­ທະ­ນາ​ທີ່​ບໍ່​ມີ​ຊາຍ​ແດນ​ຕິດ​ທະ­ເລ (LLDCs) ອົງ​ການ­ຈັດ­ຕັ້ງ​ທີ່​ບໍ່​ສັງ­ກັດ​ລັດ­ຖະ­ບານ​ທີ່​ໄດ້​ລົງ­ທະ­ບຽນ​ເຄື່ອນ​ໄຫວ​ຢູ່​ລາວ 170 ອົງ­ການ.

    ປີ 2019 ເປັນ​ປີ​ທີ່​ມີ​ການ​ເພີ່ມ​ທະ­ວີ​ການ​ພົວ­ພັນ​ຮ່ວມ​ມື​ສອງ​ຝ່າຍ​ທີ່​ພົ້ນ​ເດັ່ນ ໂດຍ​ສະ­ເພາະ​ຄວາມ​ສາ­ມັກ­ຄີ​ພິ­ເສດ ແລະ ການ​ຮ່ວມ​ມື​ຮອບ­ດ້ານ ລາວ-ຫວຽດ­ນາມ ການ​ພົວ­ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ­ດ້ານ​ໝັ້ນ­ຄົງ​ຍາວ​ນານ ລາວ-ຈີນ ການ​ພົວ­ພັນ​ຮ່ວມ​ມື​ກັບ ສ ກູ​ບາ ການ​ເປັນ​ຄູ່​ຮ່ວມ​ຍຸດ​ທະ​ສາດ ລະ­ຫວ່າງ ລາວ-ຍີ່­ປຸ່ນ ນອກ​ນີ້ ຍັງ​ມີ​ການ​ພົວ­ພັນ​ກັບ​ປະ­ເທດ​ເພື່ອນ​ມິດ​ໃກ້​ຄຽງ ຮ່ວມ​ມື​ກັບ​ປະ ເທດ​ສະ­ມາ­ຊິກ​ອາ​ຊຽນ ແລະ ປະ­ເທດ​ເພື່ອນ​ມິດ​ອື່ນໆ.

ຂ່າວທີ່ກ່ຽວຂ້ອງ