ນາຊາຍທອງ ແລະ ປາກງື່ມ ຄວ້າແຊັມການແຂ່ງຂັນບານເຕະຍິງ-ຊາຍ

1.733 18 ຕ.ລ. 2019 ວົງຈອນກີລາ
ນາຊາຍທອງ ແລະ ປາກງື່ມ ຄວ້າແຊັມການແຂ່ງຂັນບານເຕະຍິງ-ຊາຍ

    ພິ­ທີ​ປິດ​ການ​ແຂ່ງ­ຂັນ​ບານ­ເຕະ​ຍິງ-ຊາຍ 7 ຄົນ ລະ­ດັບ​ນັກ­ຮຽນ​ສາ­ມັນ​ສຶກ​ສາ ຮຸ່ນ​ອາ­ຍຸ​ບໍ່​ກີນ 16 ປີ ລາຍ­ການ Copa coca cola Lao ຄັ້ງ​ທີ 3 ທົ່ວ​ນະ­ຄອນ­ຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 11 ຕຸ­ລາ ຜ່ານ​ມາ ຢູ່​ເດີ່ນ​ກີ­ລາ​ບານ​ລ້ານ​ຊ້າງ ໂດຍ​ມີ​ທ່ານ ສົມ​ພອນ ສອນ​ດາ­ລາ ຮອງ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ທ່ານ ພະ​ສິນ ບັນ​ດີ ຜູ້​ຈັດ­ການ​ຝ່າຍ​ຂາຍ ບໍ­ລິ­ສັດ ລາວ​ໂຄ​ຄາ ໂຄ​ລາ ບອດ​ຕິງ ຈຳ­ກັດ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ກ່ອນ​ພິ­ທີ​ປິດ ໄດ້​ມີ​ການ​ແຂ່ງ­ຂັນ​ຮອບ​ຊີງ​ຊະ­ນະ​ເລີດ ປະ­ເພດ​ທີມ​ຊາຍ ແລະ ຍິງ ເຊິ່ງ​ໂຮງ­ຮຽນ ມສ ນາ​ຊາຍ​ທອງ ແຊັມ​ເກົ່າ ຕົວ​ແທນ​ຈາກ​ໂຮງ­ຮຽນ​ເມືອງ​ນາ​ຊາຍ​ທອງ ພົບ​ໂຮງ­ຮຽນ ມສ ນາ​ຝ່າຍ ຕົວ​ແທນ​ຈາກ​ໂຮງ­ຮຽນ​ເມືອງ​ປາກ​ງື່ມ ຜ່ານ​ການ​ແຂ່ງ­ຂັນ ມສ ນາ​ຊາຍ​ທອງ ເອົາ​ຊະ­ນະ ມສ ນາ​ຝ່າຍ 3-0 ປະ­ຕູ ຄວ້າ​ແຊັມ​ສະ­ໄໝ​ທີ 3 ພ້ອມ ຮັບ​ຂັນ​ແຊັມ 1 ໜ່ວຍ ແລະ ເງິນ​ລາ­ງວັນ 87 ລ້ານ​ກີບ ຄູ່​ຊີງ​ທີ 3 ໂຮງ­ຮຽນ ມສ ສາ­ລາ​ຄຳ ຕົວ​ແທນ​ເມືອງ​ຫາດ​ຊາຍ​ຟອງ ຊະ­ນະ​ໂຮງ­ຮຽນ ມ ປາຍ ທົ່ງ​ປົ່ງ 5-4 ປະ­ຕູ ສ່ວນ​ປະ­ເພດ​ຍິງ ແຊັມ​ຕົກ​ເປັນ​ຂອງ​ໂຮງ­ຮຽນ ມສ ສົມ​ສະ­ຫວາດ ຕົວ​ແທນ​ເມືອງ​ປາກ​ງື່ມ ທີ 2 ໂຮງ­ຮຽນ ມສ ໂພນ​ທັນ ຕົວ​ແທນ​ເມືອງ​ໄຊ​ເສດ​ຖາ ທີ 3 ໂຮງ­ຮຽນ ມສ ໂຄກ​ສີ­ວິ­ໄລ ຕົວ​ແທນ​ເມືອງ​ໄຊ​ທາ­ນີ.

    ການ​ແຂ່ງ­ຂັນ​ບານ​ດັ່ງ­ກ່າວ ມີ 119 ທີມ​ເຂົ້າ​ຮ່ວມ ໃນ​ນີ້ ທີມ​ຍິງ 42 ທີມ ທີ່​ມາ​ຈາກ​ໂຮງ­ຮຽນ​ໃນ 9 ຕົວ​ເມືອງ​ໃນ ນວ ເຊິ່ງ​ໄດ້​ແຂ່ງ­ຂັນ​ຂັ້ນ​ເມືອງ​ແຕ່​ວັນ​ທີ 27 ກັນ­ຍາ-11 ຕຸ­ລາ 2019 ການ​ແຂ່ງ­ຂັນ​ຄັ້ງ​ນີ້​ແມ່ນ​ບໍ­ລິ­ສັດ ລາວ​ໂຄ​ຄາ ໂຄ​ລາ ບອສ​ຕິງ ຈຳ­ກັດ ໃຫ້­ການ​ສະ­ໜັບ­ສະ­ໜູນ 261 ລ້ານ​ກີບ.

ຂ່າວທີ່ກ່ຽວຂ້ອງ