ສ້າງຂະບວນການ ສະຫຼອງວັນເຄຫາສະຖານໂລກ ແລະ ຕ້ອນຮັບກອງປະຊຸມໃຫຍ່ 3 ຂັ້ນ

432 21 ຕ.ລ. 2019 ຂ່າວໜ້າ​ໜຶ່ງ
ສ້າງຂະບວນການ ສະຫຼອງວັນເຄຫາສະຖານໂລກ ແລະ ຕ້ອນຮັບກອງປະຊຸມໃຫຍ່ 3 ຂັ້ນ

    ອົງ​ການ­ຈັດ­ຕັ້ງ ຂະ­ແໜງ­ການ ກອງ​ວິ­ຊາ​ການ​ອ້ອມ​ຂ້າງ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ຮ່ວມ​ກັບ​ອຳ­ນາດ​ການ​ປົກ­ຄອງ​ບ້ານ​ທາດ­ຫຼວງ​ເໜືອ ສ້າງ​ຂະ ບວນ​ການ​ອອກ­ແຮງ​ງານ​ເຮັດ­ອະ­ນາ­ໄມ​ລວມ ວັນ​ທີ 18 ຕຸ­ລາ 2019 ຢູ່​ເດີ່ນ​ກົມ​ມະ​ລຽນ​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ໂດຍ​ມີ​ທ່ານ​ນາງ ວິ­ໄລ​ວອນ ຈັນ­ທະ​ລາ­ຕີ ຫົວ­ໜ້າ​ພະ​ແນກ ຖວ​ທ ນວ ທ່ານ ຄອນ​ສະ­ຫວັນ ນັກ​ຄະ​ລາດ ນາຍ­ບ້ານ​ທາດ­ຫຼວງ​ເໜືອ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ​ນາງ ວິ­ໄລ​ວອນ ຈັນ­ທະ​ລາ­ຕີ ກ່າວ​ວ່າ: ການ​ສ້າງ​ຂະ​ບວນ​ການ​ອະ­ນາ­ໄມ​ຄັ້ງ​ນີ້ ໄດ້​ນຳ­ພາ​ສະ ມາ​ຊິກ​ພັກ ພະ­ນັກ ງານ ແລະ ອົງ​ການ­ຈັດ­ຕັ້ງ​ມະ­ຫາ­ຊົນ​ອ້ອມ​ຂ້າງ​ພະ​ແນກ ຖວ​ທ ນວ ປັດ­ກວາດ ຢູ່​ເດີ່ນ​ສະ­ໜາມ​ຫຼວງ ແລະ ຂອບ​ເຂດ​ອ້ອມ​ຮອບ​ເດີ່ນ​ກົມ​ມະ​ລຽນ​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ເພື່ອ​ສ້າງ​ຂະ ບວນ​ການ​ສະ­ເຫຼີມ­ສະ­ຫຼອງ​ວັນ​ເຄ­ຫາ​ສະ­ຖານ​ໂລກ ທັງ​ເປັນ​ການ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອນ​ກອງ​ປະ­ຊຸມ​ໃຫຍ່ 3 ຂັ້ນ​ຂອງ​ພັກ ກະ­ກຽມ​ໃຫ້​ບຸນ​ນະ­ມັດ­ສະ­ການ​ພະ​ທາດ­ຫຼວງ​ວຽງ​ຈັນ ປະ­ຈຳ​ປີ 2019 ແລະ ສະ ເຫຼີມ​ສະ­ຫຼອງ​ການ​ປະ­ຕິ­ສັງ­ຂອນ​ພະ​ທາດ­ຫຼວງ​ວຽງ​ຈັນ ຄັ້ງ​ທີ 6 ເພື່ອ​ເຮັດ​ໃຫ້​ສະ­ຖານ­ທີ່​ດັ່ງ­ກ່າວ ມີ​ຄວາມ​ສະອາດ ເປັນ​ລະ­ບຽບ​ຮຽບ​ຮ້ອຍ ດຶງ​ດູດ​ນັກ​ທ່ອງ​ທ່ຽວ​ເຂົ້າ​ມາ​ທ່ຽວ​ໃຫ້​ນັບ​ມື້​ຫຼາຍ​ຂຶ້ນ ເຊິ່ງ​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ເປັນ​ສະ­ຖານ­ທີ່​ທ່ອງ​ທ່ຽວ​ທາງ​ປູ­ຊະ­ນີ­ຍະ­ສະ­ຖານ​ທີ່​ສຳ­ຄັນ​ຂອງ​ຊາດ​ລາວ ແຕ່​ລະ​ວັນ​ມີ​ນັກ​ທ່ອງ​ທ່ຽວ​ພາຍ​ໃນ ແລະ ຕ່າງ­ປະ­ເທດ​ມາ​ທ່ຽວ​ຊົມ ແລະ ສັກ­ກະ​ລະ​ບູ­ຊາ​ເປັນ​ຈຳ­ນວນ​ຫຼາຍ ການ​ຮັກ­ສາ​ຄວາມ​ສະ­ອາດ​ຈຶ່ງ​ເປັນ​ສິ່ງ​ສຳ­ຄັນ ຂໍ​ຮຽກ­ຮ້ອງ​ມາ​ຍັງ​ນັກ​ທ່ອງ​ທ່ຽວ ປະ­ຊາ­ຊົນ ແລະ ຊາວ​ຄ້າ­ຂາຍ​ອ້ອມ​ຂ້າງ​ພິ​ພິ​ທະ​ພັນ​ພະ​ທາດ­ຫຼວງ​ວຽງ​ຈັນ ຈົ່ງ​ມີ​ສ່ວນ​ຮ່ວມ​ໃນ​ການ​ຮັກ­ສາ​ຄວາມ​ສະ­ອາດ ການ​ຖິ້ມ​ເສດ​ອາ­ຫານ ຫຼື ຂີ້​ເຫຍື້ອ​ແມ່ນ​ໃຫ້​ຖິ້ມ​ໃສ່​ຖັງ​ທີ່​ກຳ­ນົດ​ໃຫ້.

ຂ່າວທີ່ກ່ຽວຂ້ອງ