ສ້າງຄວາມເຂັ້ມແຂງໃຫ້ຫ້ອງການປະຕິບັດງານ ເຫດການສຸກເສີນດ້ານສາທາລະນະສຸກ

1.062 21 ຕ.ລ. 2019 ຂ່າວໜ້າ​ໜຶ່ງ

    ພິ­ທີ​ລົງ​ນາມ​ບົດ​ບັນ­ທຶກ​ຄວາມ​ເຂົ້າ­ໃຈ ກ່ຽວ​ກັບ​ໂຄງ­ການ​ສ້າງ​ຄວາມ​ເຂັ້ມ­ແຂງ ໃຫ້­ການ​ປະ­ຕິ­ບັດ​ງານ​ເຫດ­ການ​ສຸກ​ເສີນ ດ້ານ​ສາ­ທາ­ລະ­ນະ​ສຸກ ເພື່ອ​ປະ­ກອບ­ສ່ວນ​ເຂົ້າ​ໃນ​ວຽກ​ງານ​ລົບ​ລ້າງ​ພະ­ຍາດ​ໄຂ້​ມາ­ລາ​ເຣຍ ແລະ ໂຕ້​ຕອບ​ເຫດ­ການ​ສຸກ​ເສີນ​ດ້ານ​ສາ​ທາ ລະ­ນະ​ສຸກ​ໃນ ສປປ ລາວ ເຊິ່ງ​ສະ­ໜັບ­ສະ­ໜູນ​ໂດຍ​ມູນ​ນິ­ທິ​ບຼິ ແລະ ມິ​ລິນ​ດາ​ເກດ ຈັດ​ຂຶ້ນ​ວັນ​ທີ 18 ຕຸ­ລາ 2019 ຢູ່​ໂຮງ­ແຮມ​ແລນ​ມາກ ລະ­ຫວ່າງ​ທ່ານ ຣັດ​ຕະ​ນະ​ໄຊ ເພັດ​ສຸ­ວັນ ຫົວ­ໜ້າ​ກົມ​ຄວບ​ຄຸມ­ພະ​ຍາດ​ຕິດ­ຕໍ່ ກະ­ຊວງ​ສາ­ທາ­ລະ­ນະ​ສຸກ ແລະ ທ່ານ ວຽງ​ສະ­ໄໝ ວົງ​ຄຳ​ຊາວ ຜູ້­ອຳ­ນວຍ­ການ​ອົງ­ການ​ສາ­ກົນ​ບໍ­ລິ­ການ​ປະ­ຊາ­ຊົນ PSI/Laos ໂດຍ​ມີ​ທ່ານ ເນົາ ບຸດ­ຕາ ຫົວ­ໜ້າ​ຫ້ອງ­ການ​ກະ­ຊວງ​ສາ­ທາ­ລະ­ນະ​ສຸກ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ຣັດ​ຕະ​ນະ​ໄຊ ເພັດ​ສຸ­ວັນ ກ່າວ​ວ່າ: ຈຸດ­ປະ­ສົງ​ຂອງ​ໂຄງ­ການ​ເພື່ອ​ສະ­ໜັບ­ສະ­ໜູນ ກະ­ຊວງ​ສາ­ທາ­ລະ­ນະ​ສຸກ​ໃນ​ການ​ຕອບ​ໂຕ້ ເຫດ­ການ​ສຸກ​ເສີນ​ດ້ານ​ສາ­ທາ­ລະ­ນະ​ສຸກ ການ​ລະ­ບາດ​ຂອງ​ພະ­ຍາດ ລວມ​ເຖິງ​ພະ­ຍາດ​ໄຂ້​ມາ ລາ​ເຣຍ ແລະ ສາ­ມາດ​ຫຼຸດ­ຜ່ອນ​ຜົນ​ກະ­ທົບ​ຂອງ​ພະ­ຍາດ​ທີ່​ເກີດ​ຂຶ້ນ​ໃນ​ທ້ອງ­ຖິ່ນ ໂຄງ­ການ​ນີ້​ຈະ​ຈັດ​ຕັ້ງ​ປະ­ຕິ­ບັດ​ພາຍ ຫຼັງ​ການ​ລົງ​ນາມ​ບົດ​ບັນ­ທຶກ​ຄວາມ​ເຂົ້າ­ໃຈ​ຄັ້ງ​ນີ້ ຮອດ​ວັນ​ທີ 31 ຕຸ­ລາ 2022 ມູນ​ຄ່າ 4.999.533 ໂດ​ລາ​ສະ­ຫະ ລັດ ຫຼື ປະ­ມານ 44,1 ຕື້​ກີບ.

ຂ່າວທີ່ກ່ຽວຂ້ອງ