ສົ່ງເສີມສິດທິຂອງເດັກ-ແມ່ຍິງ ໃຫ້ໄດ້ຮັບການພັດທະນາຫຼາຍຂຶ້ນ

559 21 ຕ.ລ. 2019 ຂ່າວໜ້າ​ໜຶ່ງ
ສົ່ງເສີມສິດທິຂອງເດັກ-ແມ່ຍິງ ໃຫ້ໄດ້ຮັບການພັດທະນາຫຼາຍຂຶ້ນ

    ກອງ​ປະ­ຊຸມ​ຄະ­ນະ​ບັນ­ນາ­ທິ­ການ​ຂອງ​ສື່​ມວນ​ຊົນ​ລາວ ກ່ຽວ​ກັບ​ການ​ໂຄ­ສະ­ນາ​ໃຫ້​ວຽກ​ງານ​ສິດ­ທິ​ເດັກ ການ​ຄ້າ​ມະ­ນຸດ ແລະ ໂພ­ຊະ​ນາ​ການ ອັດ​ລົງ​ດ້ວຍ​ຜົນ­ສຳ­ເລັດ​ຢ່າງ​ຈົບ­ງາມ ພາຍ­ຫຼັງ​ດຳ­ເນີນ​ເປັນ​ເວ­ລາ 2 ວັນ ຢູ່​ແຂວງ​ວຽງ​ຈັນ ເຊິ່ງ​ພິ­ທີ​ປິດ​ກອງ​ປະ­ຊຸມ​ດັ່ງ­ກ່າວ​ໄດ້​ຈັດ​ຂຶ້ນ​ວັນ​ທີ 17 ຕຸ­ລາ 2019 ໂດຍ​ເປັນ​ປະ­ທານ​ຂອງ​ທ່ານ ປິ່ນ​ປາດ​ຖະ​ໜາ ພັນ­ທະ​ມາ­ລີ ຫົວ­ໜ້າ​ກົມ​ສື່​ມວນ​ຊົນ ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ມີ​ວິ­ທະ­ຍາ­ກອນ​ຈາກ​ກະ­ຊວງ​ສາ­ທາ­ລະ­ນະ​ສຸກ ກະ­ຊວງ​ແຜນ ການ ແລະ ການ​ລົງ­ທຶນ ກະ­ຊວງ​ປ້ອງ​ກັນ​ຄວາມ​ສະ­ຫງົບ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ກອງ​ປະ­ຊຸມ​ຄັ້ງ​ນີ້ ໄດ້​ຮັບ​ຟັງ​ການ​ສະ­ເໜີ​ການ​ສະ­ເຫຼີມ­ສະ­ຫຼອງ​ວັນ​ຄົບ­ຮອບ 30 ປີ ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ ຂະ​ບວນ​ການ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ ແລະ ເປົ້າ​ໝາຍ​ການ​ພັດ­ທະ­ນາ​ແບບ​ຍືນ​ຍົງ ພາ­ລະ​ບົດ­ບາດ​ຂອງ​ກອງ​ເລ­ຂາ ຄະ­ນະ​ກຳ­ມະ­ການ​ເພື່ອ​ຄວາມ​ກ້າວ­ໜ້າ​ຂອງ​ແມ່­ຍິງ ແມ່-ເດັກ ຂັ້ນ​ສູນ​ກາງ ແລະ ທ້ອງ­ຖິ່ນ ເປົ້າ​ໝາຍ​ພັດ­ທະ­ນາ​ແບບ​ຍືນ​ຍົງ ສະ­ພາບ​ຂອງ​ເດັກ​ໃນ​ທົ່ວ​ໂລກ 2019 ກ່ຽວ ກັບ​ວຽກ​ງານ​ໂພ­ຊະ​ນາ​ການ ແລະ ວຽກ​ງານ​ໂພ­ຊະ​ນາ​ການ​ໃນ ລາວ ຜົນ​ກະ­ທົບ ແລະ ແນວ­ທາງ​ແກ້​ໄຂ​ຂອງ​ລັດ­ຖະ­ບານ​ລາວ​ຕໍ່​ການ​ຂາດ​ໂພ­ຊະ​ນາ​ການ​ໃນ​ເດັກ​ຢູ່ ສປປ ລາວ ຜົນ​ການ​ວິ­ໄຈ​ການ​ຂາດ­ເຂີນ​ແບບ​ທັບ​ຊ້ອນ​ໃນ​ຫຼາຍ​ມິ​ຕິ ໂດຍ​ສະ­ເພາະ ວຽກ​ງານ​ໂພ­ຊະ​ນາ​ການ ສະ­ພາບ​ຜົນ​ຮ້າຍ​ຂອງ​ການ​ຄ້າ​ມະ ນຸດ ແລະ ກົດ­ໝາຍ​ວ່າ​ດ້ວຍ​ການ​ຄ້າ​ມະ­ນຸດ ແລະ ສະ­ພາບ​ການ​ເຄື່ອນ​ຍ້າຍ​ແຮງ​ງານ ເຜີຍ­ແຜ່​ຂ່າວ​ຜ່ານ​ສື່​ສັງ­ຄົມ​ອອນ​ລາຍ ມີ​ເດຍ​ລາວ ເປັນ​ສື່​ທີ່​ປະ­ກອບ​ດ້ວຍ​ບັນ­ດາ​ສື່​ມວນ​ຊົນ​ສູນ​ກາງ ແລະ ທ້ອງ­ຖິ່ນ​ເປັນ​ເຟດ​ທີ່​ກົມ​ສື່​ມວນ​ຊົນ ແລະ ອົງ­ການ​ອຸຍ​ນີ​ເຊັບ​ຮ່ວມ​ກັນ​ສ້າງ​ຂຶ້ນ ນອກ​ນີ້ ຍັງ​ໄດ້​ຮັບ​ຟັງ​ການ​ສະ­ເໜີ ຈັນ​ຍາ​ບັນ​ໃນ​ການ​ລາຍ​ງານ​ຂ່າວ​ກ່ຽວ​ກັບ​ເດັກ ເພື່ອ​ໃຫ້​ສື່​ມວນ​ຊົນ​ຮັບ​ຮູ້​ຂໍ້​ມູນ​ຂ່າວ­ສານ​ເພີ່ມ​ກ່ຽວ​ກັບ ວຽກ​ງານ​ສິດ­ທິ​ເດັກ ການ​ຄ້າ​ມະ­ນຸດ ແລະ ໂພ­ຊະ​ນາ​ການ ເພື່ອ​ສືບ­ຕໍ່​ນຳ​ມາ​ໂຄ­ສະ­ນາ​ເຜີຍ­ແຜ່​ຢ່າງ​ມີ ປະ​ສິດ­ທິ​ຜົນ ຖືກ­ຕ້ອງ​ອອກ​ທາງ​ສື່​ຢ່າງ​ກວ້າງ­ຂວາງ ໂດຍ​ສະ­ເພາະ ການ​ໂຄ­ສະ­ນາ​ສະ­ເຫຼີມ​ສະ ຫຼອງ​ວັນ​ຄົບ­ຮອບ 30 ປີ ຂອງ​ສົນ­ທິ­ສັນ­ຍາ​ວ່າ​ດ້ວຍ​ສິດ­ທິ​ເດັກ.

ຂ່າວທີ່ກ່ຽວຂ້ອງ