ເປີດຂະບວນການແຂ່ງຂັນ-ຍ້ອງຍໍຮັກຊາດ ແລະ ພັດທະນາ

839 21 ຕ.ລ. 2019 ຂ່າວໜ້າ​ໜຶ່ງ
ເປີດຂະບວນການແຂ່ງຂັນ-ຍ້ອງຍໍຮັກຊາດ ແລະ ພັດທະນາ

    ກະ­ຊວງ​ການ​ເງິນ ເປີດ​ຂະ​ບວນ​ການ​ແຂ່ງ­ຂັນ-ຍ້ອງ­ຍໍ​ຮັກ​ຊາດ ແລະ ພັດ­ທະ­ນາ ເພື່ອ​ຈັດ​ຕັ້ງ​ຜັນ​ຂະຫຍາຍ​ເນື້ອ​ໃນ​ມະ­ຕິ​ກອງ​ປະ­ຊຸມ​ໃຫຍ່​ຄັ້ງ​ທີ X ຂອງ​ພັກ ໂດຍ​ສະ­ເພາະ​ມະ­ຕິ​ກອງ​ປະ­ຊຸມ​ຄົບ​ຄະ­ນະ ຄັ້ງ​ທີ 7 ແລະ ຄັ້ງ​ທີ 8 ຂອງ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ສະ­ໄໝ​ທີ X ໃຫ້​ເປັນ​ຂະ​ບວນ​ການ​ຟົດ­ຟື້ນ ເວົ້າ​ສະ­ເພາະ​ວຽກ​ງານ​ຂະ­ແໜງ­ການ​ເງິນ ສຸມ​ໃສ່​ການ­ຈັດ­ຕັ້ງ​ປະ­ຕິ­ບັດ​ໜ້າ­ທີ່​ວິ­ຊາ​ສະ­ເພາະ​ໃຫ້​ສຳ­ເລັດ​ຕາມ​ການ​ມອບ​ໝາຍ.

    ການ​ເປີດ​ຂະ​ບວນ​ການ​ແຂ່ງ­ຂັນ-ຍ້ອງ­ຍໍ ຮັກ​ຊາດ ແລະ ພັດ­ທະ­ນາ ໄດ້​ແບ່ງ​ເປັນ 5 ກຸ່ມ​ຄື: ກຸ່ມ​ເກັບ​ລາຍ​ຮັບ ປະ­ກອບ​ມີ ກົມ​ສ່ວຍ​ສາ​ອາ­ກອນ ກົມ​ພາ­ສີ ກົມ​ຄຸ້ມ​ຄອງ​ຊັບ​ສິນ​ຂອງ​ລັດ ກົມ​ຄຸ້ມ​ຄອງ ພັດ­ທະ­ນາ​ວິ​ສາ ຫະ​ກິດ ແລະ ການ​ປະ­ກັນ​ໄພ ກົມ​ບັນ­ຊີ ກຸ່ມ​ຄຸ້ມ​ຄອງ​ລາຍ​ຈ່າຍ ມີ​ຄັງ​ເງິນ​ແຫ່ງ​ຊາດ ກົມ​ງົບ­ປະ­ມານ​ແຫ່ງ​ລັດ ກົມ​ການ​ເງິນ​ຕ່າງ­ປະ­ເທດ ແລະ ຄຸ້ມ​ຄອງ​ໜີ້​ສິນ ກຸ່ມ​ປິ່ນ​ອ້ອມ​ມີ ຫ້ອງ­ການ​ກະ­ຊວງ ກົມ​ຈັດ​ຕັ້ງ ແລະ ພະ­ນັກ ງານ ກົມ​ກວດ­ກາ ກົມ​ນະ­ໂຍ­ບາຍ​ການ​ເງິນ ແລະ ນິ­ຕິ​ກຳ ກົມ​ສະ​ສົມ​ແຫ່ງ​ລັດ ກຸ່ມ​ລັດ​ວິ​ສາ​ຫະ​ກິດ​ມີ ບໍ­ລິ­ສັດ​ລັດ​ວິ​ສາ​ຫະ​ກິດ​ຫວຍ​ພັດ­ທະ­ນາ ລັດ​ວິ​ສາ​ຫະ​ກິດ​ລາວ​ບໍ­ລິ­ການ​ສິນ­ຄ້າ​ຜ່ານ​ແດນ ບໍ­ລິ­ສັດ​ອາ​ລິ​ອັນ​ປະ­ກັນ​ໄພ​ລາວ ກຸ່ມ​ສະ​ຖາ​ບັນ​ເສດ­ຖະ­ກິດ-ການ​ເງິນ ແລະ ວິ­ທະ­ຍາ­ໄລ​ການ​ເງິນ​ມີ ສະ​ຖາ​ບັນ​ເສດ­ຖະ­ກິດ​ການ​ເງິນ ວິ­ທະ­ຍາ­ໄລ​ການ​ເງິນ​ພາກ​ເໜືອ ວິ­ທະ­ຍາ­ໄລ​ການ​ເງິນ​ພາກ​ໃຕ້.

    ທ່ານ ສົມ​ດີ ດວງ​ດີ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ກ່າວ​ວ່າ: ການ​ເປີດ​ຂະ​ບວນ​ການ​ແຂ່ງ­ຂັນ-ຍ້ອງ­ຍໍ ຮັກ​ຊາດ ແລະ ພັດ­ທະ­ນາ ເປັນ​ວຽກ​ທີ່​ສຳ­ຄັນ​ໃນ​ການ​ປະ­ຕິ­ບັດ​ນະ­ໂຍ­ບາຍ​ຂອງ​ພັກ ທັງ​ເປັນ​ການ​ແກ້​ໄຂ​ບັນ­ຫາ​ທີ່​ຍັງ​ຄົງ​ຄ້າງ ເປັນ­ຕົ້ນ ການ​ເກັບ​ລາຍ​ຮັບ​ໃຫ້​ໄດ້​ຕາມ​ການ​ກຳ­ນົດ ລາຍ​ຈ່າຍ​ໃຫ້​ມີ​ການ​ປະ­ຢັດ​ມັດ­ທະ­ຍັດ ວຽກ​ງານ​ປິ່ນ​ອ້ອມ ແລະ ພາກ­ສ່ວນ​ອື່ນໆ ກໍ​ຕ້ອງ​ໄດ້​ປະ­ຕິ­ບັດ​ໃຫ້​ສຳ­ເລັດ​ເຊັ່ນ​ດຽວ​ກັນ.

ຂ່າວທີ່ກ່ຽວຂ້ອງ