ປະທານາທິບໍດີ​ອິດ​ສະ​ຣາ​ແອນ ບົ່ງ​ຕົວ​ພັກ ຂຽວ-ຂາວ ສ້າງຕັ້ງ​ລັດຖະບານ​ຊຸດ​ໃໝ່

1.582 25 ຕ.ລ. 2019 ຂ່າວຕ່າງປະເທດ
ປະທານາທິບໍດີ​ອິດ​ສະ​ຣາ​ແອນ ບົ່ງ​ຕົວ​ພັກ ຂຽວ-ຂາວ ສ້າງຕັ້ງ​ລັດຖະບານ​ຊຸດ​ໃໝ່

    ວັນ​ທີ 23 ຕຸລາ​ນີ້ ປະທານາທິບໍດີ ເຣ​ເວນ ຣິບ​ລິນ ຂອງ​ອິດ​ສະ​ຣາ​ແອນ ໄດ້​ບົ່ງ​ຕົວ​ທ່ານ ແບນ​ນີ ການ​​ສ ອະດີດ​ຫົວໜ້າ​ເສນາ​ທິ​ການ​ບັນດາ​ກອງ​ກຳລັງ​ປ້ອງ​ກັນ​ອິດ​ສະ​ຣາ​ແອນ (IDF) ປະທານ​ພັກ​ຮ່ວມ ຂຽວ-ຂາວ ໃຫ້​ເປັນ​ຜູ້​ສ້າງຕັ້ງ​ລັດຖະບານ​ຊຸດ​ໃໝ່ ຫຼັງ​ຈາກ​ທີ່​ກ່ອນ​ໜ້າ​ນີ້ ນາຍົກລັດຖະມົນຕີ ເບນ​ຈາ​ມິນ ເນ​ຕັນ​ຢາ​ຮູ ປະທານ​ພັກ ລີ​ຄຸດ ພົບ​ກັບ​ຄວາມ​ປະ​ລາ​ໄຊ​ໃນ​ຄວາມ​ພະຍາຍາມ​ສ້າງຕັ້ງ​ລັດຖະບານ​ຊຸດ​ໃໝ່.

    ປະທານາທິບໍດີ ຣິບ​ລິນ ກໍ​ໃຫ້​ຮູ້​ວ່າ ໄດ້​ນຳ​ສະເໜີ​ແຜນການ​ໂດຍ​ລວມ ເພື່ອ​ເປີດ​ທາງ​ໃຫ້​ພັກ ລີ​ຄຸດ ແລະ ພັກ ຂຽວ-ຂາວ ສ້າງຕັ້ງ​ລັດຖະບານ​ເອກະ​ພາບ ແລະ ຢືນຢັນ​ວ່າ “ບໍ່​ມີ​ເຫດຜົນ​ໃດ​ທີ່​ຈະ​ຕ້ອງ​ຈັດການ​ເລືອກ​ຕັ້ງ​ເທື່ອ​ທີ​ສາມ.

    ຫຼັງ​ຈາກ​ທີ່​ໄດ້​ຮັບ​ສິດ​ໃນ​ການ​ສ້າງຕັ້ງ​ລັດຖະບານ​ແລ້ວ ທ່ານ ການ​​ສ ກໍ​ໄດ້​ແລກປ່ຽນ​ຄວາມ​ຄິດ​ຄວາມ​ເຫັນ​ກັບ​ທ່ານ ເນ​ຕັນ​ຢາ​ຮູ ແລະ ສະເໜີ​ຈັດການ​ພົບ​ປະ​ໂດຍ​ກົງ. ທ່ານ ເນ​ຕັນ​ຢາ​ຮູ ໄດ້​ເຫັນ​ດີ​ກ່ຽວ​ກັບ​ການ​ພົບ​ປະ ແຕ່​ໄດ້​ຢ້ຳ​ຄືນ​ເຖິງ​ທັດສະນະ​ວ່າ​ຈະ​ພຽງ​ແຕ່​ເຂົ້າ​ຮ່ວມ​ການ​ເຈລະຈາ ໃນ​ຖານະ​ທີ່​ເປັນ​ການ​ນຳ​ຂອງ​ກຸ່ມ​ຝ່າຍ​ຂວາ ທີ່​ປະກອບ​ມີ​ສະມາຊິກ​ລັດ​ຖະ​ສະພາ 55 ຄົນ​ເທົ່າ​ນັ້ນ.

ຂ່າວທີ່ກ່ຽວຂ້ອງ