ນາຍົກລັດຖະມົນຕີ​ອັງກິດ “ປະກາດ​ສົງຄາມ” ກັບ​ພວກ​ຄ້າ​ມະນຸດ

1.678 25 ຕ.ລ. 2019 ຂ່າວຕ່າງປະເທດ
ນາຍົກລັດຖະມົນຕີ​ອັງກິດ “ປະກາດ​ສົງຄາມ” ກັບ​ພວກ​ຄ້າ​ມະນຸດ

    ນາຍົກລັດຖະມົນຕີ ໂບ​ຣິ​​ສ ຈອນ​ສັນ ຂອງ​ອັງກິດ ຖະແຫຼງ​ຕໍ່​ສະພາ​ແຫ່ງ​ຊາດ​ອັງກິດ ເມື່ອ​ວັນ​ທີ 23 ຕຸລາ​ນີ້​ວ່າ ທຸກໆ​ຄົນ​ທີ່​ກ່ຽວຂ້ອງ​ເຖິງ​ການ​ຄ້າ​ມະນຸດ ຈະ​ຖືກ​ຕາມ​ລ່າ ແລະ ນຳ​ຕົວ​ໄປ​ດຳເນີນ​ຄະດີ.

   ທ່ານ ຈອນ​ສັນ ຖະແຫຼງ​ຄື​ດັ່ງກ່າວ  ຫຼັງ​ຈາກ​ທີ່​ຕຳຫຼວດ​ອັງກິດ ກວດ​ພົບ​ຮ່າງ​ຜູ້​ເສຍ​ຊີວິດ 39 ຄົນ ຢູ່​ໃນ​ລົດ​ຂົນສົ່ງ​ຄັນ​ໜຶ່ງ ທີ່​ຖື​ວ່າ​ມີ​ຕົ້ນ​ທາງ​ມາ​ຈາກ​ປະເທດ ບູນ​ກາ​ຣີ. ການ​ກວດ​ພົບ​ນີ້ ມີ​ຂຶ້ນ​ທີ່​ເຂດ​ອຸດສາຫະກຳ ວາ​ເຕີ​ເກລດ (Waterglade) ໃນ​ເມືອງ ເກຣ (Grays)  ຊຶ່ງ​ໃນ​ຈຳນວນ​ຜູ້​ໄດ້​ຮັບ​ເຄາະ​ຮ້າຍ​ນັ້ນ ມີ​ຜູ້​ຢູ່​ໃນ​ໄວ​ຜູ້​ໃຫຍ່ 38 ຄົນ ແລະ ອີກ 1 ຄົນ ຢູ່​ໃນ​ໄວ​ອາຍຸ​ບໍ່​ເຖິງ​ກະສຽນ.

    ຂໍ້​ມູນ​ເບື້ອງ​ຕົ້ນ ໃຫ້​ຮູ້​ວ່າ ລົດ​ຂົນສົ່ງ​ດັ່ງກ່າວ ມີ​ຕົ້ນ​ທາງ​ມາ​ຈາກ​ບູນ​ກາ​ຣີ ແລະ ໄດ້​ເຂົ້າ​ໄປ​ໃນ​ດິນແດນ​ອັງກິດ ຜ່ານ​ນະຄອນ​ທ່າ​ກຳປັ່ນ ຮໍ​ລີ​ເຮດ ໃນ​ແຄວ້ນ ແວ​​ລ. ຂ່າວ​ແຈ້ງວ່າ ເຈົ້າ​ໜ້າທີ່​ຕຳຫຼວດ​ໄດ້​ຈັບ​ກຸມ​ຜູ້​ຕ້ອງ​ສົງ​ໃສ 1 ຄົນ ທີ່​ກ່ຽວຂ້ອງ​ກັບ​ເລື່ອງ​ນີ້.

ຂ່າວທີ່ກ່ຽວຂ້ອງ