ສ ​ເກົາຫຼີ -ASEAN ​ເພີ່ມ​ທະວີ​ການ​ຮ່ວມ​​ດ້ານ​ການທ່ອງທ່ຽວ

1.679 25 ຕ.ລ. 2019 ຂ່າວຕ່າງປະເທດ
ສ ​ເກົາຫຼີ -ASEAN ​ເພີ່ມ​ທະວີ​ການ​ຮ່ວມ​​ດ້ານ​ການທ່ອງທ່ຽວ

    ເມື່ອ​ວັນ​ທີ 23 ຕຸລາ​ນີ້ ເຈົ້າ​ໜ້າທີ່ ສ ເກົາຫຼີ ແລະ  10 ປະເທດ​ສະມາຊິກ ສະມາຄົມ​ບັນດາ​ປະເທດ​ອາຊີ​ຕາເວັນ​ອອກ​ສ່ຽງ​ໃຕ້ (ASEAN) ໄດ້​ເລີ່ມ​ການ​ປະຊຸມ​ທີ່​ມີ​ກຳນົດ​ດຳເນີນ​ງານ​ເປັນ​ເວລາ 2 ວັນ ຢູ່​ທີ່​ນະຄອນ ກວາງ​ຈູ ຂອງ ສ ເກົາຫຼີ  ເພື່ອ​ຊຸກຍູ້​ການ​ຮ່ວມ​ມື ທາງ​ດ້ານ​ວັດທະນະທຳ ສິລະ​ປະ ແລະ ການທ່ອງທ່ຽວ.

    ການ​ປະຊຸມ​ເລີ່ມ​ຕົ້ນ​ດ້ວຍ​ເວທີ​ປາ​ໄສ​ການທ່ອງທ່ຽວ ຊຶ່ງ​ຈັດ​ຂຶ້ນ​ໃນ​ວັນ​ທີ 23 ຕຸລາ​ນີ້ ໃນ​ນັ້ນ ບັນດາ​ເຈົ້າ​ໜ້າທີ່ ແລະ ຊ່ຽວຊານ ໄດ້​ຮ່ວມ​ກັນ​ປຶກສາ​ຫາລື​ເຖິງ​ມາດ​ຕະການ​ເພີ່ມ​ທະວີ​ການ​ຮ່ວມ​ມື​ລະຫວ່າງ​ສອງ​ຝ່າຍ ແລະ ນຳ​ໃຊ້​ບັນດາ​ມໍລະດົກ​ທາງ​ດ້ານ​ວັດທະນະທຳ ເພື່ອ​ພັດທະນາ​ການທ່ອງທ່ຽວ.

     ສ່ວນ​ການ​ປະຊຸມ​ລະດັບ​ລັດຖະມົນຕີ ແມ່ນ​ຈັດ​ຂຶ້ນ​ໃນ​ວັນ​ທີ 24 ຕຸລາ ເພື່ອ​ປຶກສາ​ຫາລື​ກ່ຽວ​ກັບ​ມາດ​ຕະການ​ຊຸກຍູ້​ການ​ແລກປ່ຽນ​ທາງ​ດ້ານ​ວັດທະນະທຳ ບັນດາ​ຂະແໜງ​ອາຊີບ ແລະ ບັນດາ​ສິນລະປິນ​ລະຫວ່າງ​ສອງ​ຝ່າຍ.

ຂ່າວທີ່ກ່ຽວຂ້ອງ