ອິນ​ເດຍ ​ເຄື່ອນ​ໄຫວ​ຢ່າງ​ຕັ້ງໜ້າ​ໃນ​ການ​ຍິງ​ສົ່ງ​ດາວ​ທຽມ​ຂະໜາດ​ນ້ອຍ

491 29 ຕ.ລ. 2019 ຂ່າວຕ່າງປະເທດ
ອິນ​ເດຍ ​ເຄື່ອນ​ໄຫວ​ຢ່າງ​ຕັ້ງໜ້າ​ໃນ​ການ​ຍິງ​ສົ່ງ​ດາວ​ທຽມ​ຂະໜາດ​ນ້ອຍ

    ອົງການ​ຄົ້ນຄວ້າ​ອາ​ວະ​ກາດ​ຂອງ​ອິນ​ເດຍ (ISRO) ແຈ້ງ​ໃຫ້​ຮູ້ເມື່ອ​ທ້າຍ​ອາທິດ​ທີ່​ຜ່ານ​ມາ​ວ່າ ຈະ​ຍິງ​ສົ່ງ​ດາວ​ທຽມ​ຂະໜາດ​ນ້ອຍ 14 ດວງ ຂຶ້ນ​ສູ່​ວົງ​ໂຈ​ຈອນ ຊຶ່ງ​ເປັນ​ຂອງ​ລູກ​ຄ້າ​ຕ່າງປະເທດ 4 ລາຍ ໂດຍ​ໃຊ້​ລູກ​ສອນ​ໄຟ PSLV ແບບ​ຍູ້ ຂອງ​ອິນ​ເດຍ​ຈຳນວນ 3 ໜ່ວຍ ໃນ​ການ​ຍິງ​ສົ່ງ ພາຍ​ໃນ 2 ເດືອນ​ຕໍ່ໜ້າ​ນີ້.

    ຄາດ​ວ່າ ລູກ​ສອນ​ໄຟ​ແບບ​ຍູ້ 3 ໜ່ວຍ​ຂອງ PSLV ຄື C47 C48 ແລະ  C49 ຈະ​ຍິງ​ສົ່ງ​ພາຍ​ດາວ​ທຽມ​ດັ່ງກ່າວ ໃນ​ເດືອນ​ພະຈິກ ແລະ ເດືອນ​ທັນວາ ປີ 2019 ໂດຍ​ຍິງ​ສົ່ງ​ຂຶ້ນ​ຈາກ​ສູນ​ອາ​ວະ​ກາດ Satish Dhawan ເພື່ອ​ນຳ​ເອົາ​ພວກ​ດາວ​ເຫຼົ່ານັ້ນ ຂຶ້ນ​ສູ່​ວົງ​ໂຄຈອນ ຊຶ່ງ​ເປັນ​ຂອງ​ບໍລິສັດ​ໂທລະ​ຄົມມະນາຄົມ Analytical Space ແລະ ບໍລິສັດ Spire (ຂອງ ສ ອາ​ເມ​ຣິ​ກາ) ບໍລິສັດ iQPS (ຂອງ​ກຳປູເຈຍ) ແລະ ບໍລິສັດ Kleos Space (ຂອງ​ລຸກ​ຊຳ​ບວກ).

   ໄລ່​ມາ​ຮອດ​ເວລາ​ນີ້ PSLV ໄດ້​ຍິງ​ສົ່ງ​ດາວ​ທຽມ​ຂຶ້ນ​ວົງ​ໂຄຈອນ​ໃນ​ລະດັບ​ຕ່ຳ​ແລ້ວ​ປະມານ 300 ດວງ ຊຶ່ງ​ຕົ້ນຕໍ​ແມ່ນ​ມີ​ຂະໜາດ​ນ້ອຍ (1-100​ກກ) ໃຫ້​ແກ່​ລູກ​ຄ້າ​ຕ່າງປະເທດ​ຫຼາຍ​ລາຍ.

ຂ່າວທີ່ກ່ຽວຂ້ອງ