ບຸນຫຼາຍ ຊະນະຄະແນນ ກຸຫຼາບດຳ ມວຍຄູ່ເອກ ນະຄອນຫຼວງ

507 29 ຕ.ລ. 2019 ວົງຈອນກີລາ
ບຸນຫຼາຍ ຊະນະຄະແນນ ກຸຫຼາບດຳ ມວຍຄູ່ເອກ ນະຄອນຫຼວງ

    ບຸນ​ຫຼາຍ ສະ­ຫຼາມ​ບຸກ ບຸກ​ຊົກ​ໝັດ​ໃສ່ ກຸ­ຫຼາບ​ດຳ ສອນ​ທອງ­ຄຳ ທັງ 5 ຍົກ ກ່ອນ​ຈະ​ເອົາ​ຊະ­ນະ​ຄະ­ແນນ​ໄປ​ແບບ​ເອ­ກະ­ສັນ ໃນ​ມວຍ​ຄູ່​ເອກ​ລາຍ­ການ​ນະ­ຄອນ­ຫຼວງ​ກໍ​ກຽດ​ແດນ​ຈຳ­ປາ ວັນ​ທີ 26 ຕຸ­ລາ 2019 ຢູ່​ສະ­ໂມ­ສອນ​ກີ­ລາ​ບຶງ​ຂະ​ຫຍອງ.

    ລາຍ­ການ​ນີ້ ຈັດ​ຂຶ້ນ​ເພື່ອ​ສົ່ງ­ເສີມ​ນັກ​ຊົກ​ຮຸ່ນ​ສືບ​ທອດ ກ້າວ​ສູ່​ເງິນ​ລ້ານ ແລະ ສັງ­ວຽນ​ມວຍ​ອາ­ຊີບ ທັງ​ເປັນ​ເວ­ທີ​ເລືອກ­ເຟັ້ນ​ນັກ­ກີ­ລາ​ທີ່​ມີ​ພອນ​ສະ­ຫວັນ ຕາງ­ໜ້າ​ໃຫ້​ທັບ​ນັກ­ກີ­ລາ​ນະ­ຄອນ­ຫຼວງ​ວຽງ​ຈັນ ເຂົ້າ​ຮ່ວມ​ກີ­ລາ​ແຫ່ງ​ຊາດ ຄັ້ງ​ທີ Xl ຢູ່​ແຂວງ​ຊຽງ​ຂວາງ ວັນ​ທີ 22 ມີ­ນາ-1 ເມ­ສາ 2019.

    ຜົນ​ການ​ແຂ່ງ­ຂັນ​ຄູ່​ອື່ນໆ ສິນ​ໄຊ ເຜົາ​ມົ້ງ ບ້ານ​ສົມ​ສະ­ໄໝ ເສຍ​ນ໊ອກ​ຍົກ 2 ໃຫ້ ສິງ­ຫາ ເຜົາ​ມົ້ງ​ທ່າ​ດິນ​ແດງ ຮຸ່ນ​ນ້ຳ­ໜັກ 55 ກິ​ໂລ ນ້ຳ​ເພັດ ສິດ​ຈານ​ເພັງ ເສຍ​ນ໊ອກ​ຍົກ 2 ໃຫ້ ດາວ​ເພັດ ເພັດ​ນະ­ຄອນ ຮຸ່ນ​ນ້ຳ­ໜັກ 47 ກິ​ໂລ ຈົງ​ຮັກ ເພັດ​ນະ­ຄອນ ຊະ­ນະ​ນ໊ອກ​ຍົກ 2 ປີ່​ທໍ່ ເຜົ່າ​ມົ້ງ​ທ່າ​ດິນ​ແດງ ຮຸ່ນ​ນ້ຳ­ໜັກ 48 ກິ​ໂລ ມະ​ແລງ​ວັນ ຊາວ​ເຜົາ​ມົ້ງ ຊະ­ນະ​ນ໊ອກ ຂອງ­ຝາກ​ສາ­ລະ​ວັນ ສິດ​ໂຕ້​ພາ​ລຸ້ງ ຮຸ່ນ​ນ້ຳ­ໜັກ 51 ກິ​ໂລ ປະ­ຊາ­ຊົນ​ນ້ອຍ ສິດ​ໂຕ້​ພາ​ລຸ້ງ ຊະ­ນະ​ຄະ­ແນນ ທອບ​ຄຣິງ ສິດ​ຈານ​ເພັງ ຮຸ່ນ​ນ້ຳ­ໜັກ 38 ກິ​ໂລ.

ຂ່າວທີ່ກ່ຽວຂ້ອງ