ລາວ ຄວ້າ 2 ຫຼຽນຄຳ ລາຍການ RSU Taekwondo Open 2019

399 29 ຕ.ລ. 2019 ວົງຈອນກີລາ
ລາວ ຄວ້າ 2 ຫຼຽນຄຳ ລາຍການ RSU Taekwondo Open 2019

    ນັກ­ກີ­ລາ​ເທ​ຄວັນ​ໂດ​ລາວ ຄວ້າ 2 ຫຼຽນ​ຄຳ 1 ຫຼຽນ​ເງິນ 5 ຫຼຽນ​ທອງ ໃນ​ລາຍ­ການ RSU Taekwondo Open 2019 ຢູ່​ມະ­ຫາ­ວິ­ທະ­ຍາ­ໄລ​ຣັງ​ສິດ ປະ­ເທດ​ໄທ ວັນ​ທີ 26 ຕຸ­ລາ 2019 ໂດຍ 2 ຫຼຽນ​ຄຳ​ໄດ້​ຈາກ​ທ້າວ ທິບ​ພະ​ກອນ ກວາງ​ມະ­ນີ​ວົງ ປະ­ເພດ​ຕໍ່­ສູ້ ຮຸ່ນ​ນ້ຳ­ໜັກ 54 ກິ​ໂລ ແລະ ນາງ ກິ​ດາ​ວອນ ພິ­ລະ​ວົງ ປະ­ເພດ​ຟ້ອນ​ປຸ້ມ​ເຊ ຍິງ​ດ່ຽວ ພ້ອມ​ຮັບ​ລາ­ງວັນ​ນັກ­ກີ­ລາ​ດີ­ເດັ່ນ.

    ຂະ­ນະ​ທີ່ 1 ຫຼຽນ​ເງິນ​ໄດ້​ຈາກ​ທ້າວ ສອນ​ໄຊ ມັງ​ເຄືອ ປະ­ເພດ​ຕໍ່­ສູ້ ຮຸ່ນ 80 ກິ​ໂລ 5 ຫຼຽນ​ທອງ ໄດ້​ຈາກ​ນາງ ສອນ​ສະ​ຫັວນ ສິ­ລິ​ມະ­ໂນ​ທຳ ປະ­ເພດ​ຕໍ່­ສູ້ ຮຸ່ນ 73 ກິ​ໂລ ທ້າວ ພູ​ວິ­ໄລ ຍົມ​ມະ​ລາດ ປະ­ເພດ​ຕໍ່­ສູ້ ຮຸ່ນ 58 ກິ​ໂລ ທ້າວ ສົມ​ສະ­ນຸກ ພົມ​ມະ​ວົງ ປະ­ເພດ​ຕໍ່­ສູ້ ຮຸ່ນ 74 ກິ​ໂລ ນາງ ອາ​ນຸ​ລັກ ບຸ​ສິງ­ຂອນ ປະ­ເພດ​ຕໍ່­ສູ້ ຮຸ່ນ 46 ກິ​ໂລ ນາງ ສອນ​ສະ​ຫັວນ ກວນ​ວົງ ປະ­ເພດ​ຕໍ່­ສູ້ ຮຸ່ນ 49 ກິ​ໂລ ແລະ ທ້າວ ພັດ­ທະ­ນາ ໄຊ​ຍະ​ກຸມ­ມານ ປະ­ເພດ​ຕໍ່­ສູ້ ຮຸ່ນ 63 ກິ​ໂລ.

    ການ​ແຂ່ງ­ຂັນ​ຄັ້ງ​ນີ້ ມີ​ຮຸ່ນ​ອາ­ຍຸ ທັງ​ອະ­ນຸ­ຊົນ ເຍົາ­ວະ​ຊົນ-ໄວ​ໜຸ່ມ ແລະ ຮຸ່ນ​ທົ່ວ​ໄປ ເຊິ່ງ​ລາວ​ສົ່ງ​ນັກ­ກີ­ລາ​ເຂົ້າ​ຮ່ວມ 10 ຄົນ (ຍິງ 3 ຄົນ) ປະ­ເພດ​ຕໍ່­ສູ້ 9 ຄົນ ແລະ ປະ­ເພດ​ຟ້ອນ 1 ຄົນ ເພື່ອ​ທົດ​ສອບ​ຄວາມ​ພ້ອມ​ສູ່​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟີ​ລິບ​ປິນ ວັນ​ທີ 30 ພະ­ຈິກ-11 ທັນ­ວາ 2019.

ຂ່າວທີ່ກ່ຽວຂ້ອງ