ບຣາ​ຊີ​​ລ ຈະ​ຍົກເວັ້ນ​ວີ​ຊາ​ໃຫ້​ແກ່​ພົນລະເມືອງ​ຈີນ ແລະ ອິນ​ເດຍ

3.598 29 ຕ.ລ. 2019 ຂ່າວຕ່າງປະເທດ
ບຣາ​ຊີ​​ລ ຈະ​ຍົກເວັ້ນ​ວີ​ຊາ​ໃຫ້​ແກ່​ພົນລະເມືອງ​ຈີນ ແລະ ອິນ​ເດຍ

    ປະທານາທິບໍດີ ຈາ​ອີ ໂບນ​ໂຊ​ນາ​ໂຣ ຂອງ​ບຣາ​ຊີ​​ລ ກ່າວ​ຕໍ່​ຜູ້​ສື່​ຂ່າວ ຫຼັງ​ຈາກ​ທີ່​ເດີນທາງ ໄປ​ຮອດ​ປັກ​ກິງ ເມື່ອ​ວັນ​ທີ 24 ຕຸລາ​ທີ່​ຜ່ານ​ມາ ເລີ່ມ​ຕົ້ນ​ການ​ຢ້ຽມຢາມ​ຈີນ​ຢ່າງ​ເປັນ​ທາງ​ການ ວ່າ ບຣາ​ຊີ​​ລ ຈະ​ຍົກເວັ້ນ​ວີ​ຊາ​ເຂົ້າ​ເມືອງ​ໃຫ້​ແກ່​ພົນລະເມືອງ​ຈີນ ແລະ ອິນ​ເດຍ ເພື່ອ​ດຶງ​ດູດ​ນັກ​ທ່ອງ​ທ່ຽວ ຈາກ​ສອງ​ປະເທດ​ນີ້.

    ປະທານາທິບໍດີ ໂບນ​ໂຊ​ນາ​ໂຣ ໃຫ້​ຮູ້​ວ່າ ອົງການ​ທີ່​ກ່ຽວຂ້ອງ​ຂອງ​ບຣາ​ຊີ​​ລ ຈະ​ຜັນ​ຂະຫຍາຍ ບັນດາ “ບາດກ້າວ” ທີ່​ແທດເໝາະ​ກັບ​ກົດໝາຍ ເພື່ອ​ໃຫ້​ນັກ​ທ່ອງ​ທ່ຽວ​ຈາກ​ຈີນ ແລະ ອິນ​ເດຍ ບໍ່​ຕ້ອງ​ປະກອບ​ເອກະສານ​ຂໍ​ວີ​ຊາ​ເຂົ້າ​ເມືອງ​ໄປ​ໃມ​​ນ​ບຣາ​ຊີ​​ລ

    ເມື່ອ​ຕົ້ນ​ປີ​ນີ້ ລັດຖະບານ​ບຣາ​ຊີ​​ລ ກໍ​ໄດ້​ຕົກລົງ​ຍົກເວັ້ນ​ວີ​ຊາ​ເຂົ້າ​ເມືອງ ໃຫ້​ແກ່​ພົນລະເມືອງ ຂອງ ສ ອາ​ເມ​ຣິ​ກາ ອົດ​ສະ​ຕຣາ​ລີ ຍີ່ປຸ່ນ ແລະ ກາ​ນາ​ດາ ແຕ່​ວ່າ​ປະເທດ​ເຫຼົ່າ​ນີ້ ຍັງ​ບໍ່​ທັນ​ຍົກເວັ້ນ​ວີ​ຊາ ຕໍ່​ພົນລະເມືອງ​ຂອງ​ບຣາ​ຊີ​​ລ.

ຂ່າວທີ່ກ່ຽວຂ້ອງ