ອິນ​ໂດ​ເນ​ເຊຍ ປະກາດ​ການ​ສະຫຼຸບ​ກ່ຽວ​ກັບ​ກໍລະນີ​ເຮືອບິນ​ຕົກ

629 29 ຕ.ລ. 2019 ຂ່າວຕ່າງປະເທດ
ອິນ​ໂດ​ເນ​ເຊຍ ປະກາດ​ການ​ສະຫຼຸບ​ກ່ຽວ​ກັບ​ກໍລະນີ​ເຮືອບິນ​ຕົກ

    ຂ່າວສານ​ຣອຍ​ເຕີ ລາຍ​ງານ​ວ່າ ເມື່ອ​ວັນ​ທີ 25 ຕຸລາ​ທີ່​ຜ່ານ​ມາ ຄະນະ​ກຳມະການ ຄວາມ​ປອດ​ໄພ​ການ​ຄົມມະນາຄົມ​ແຫ່ງ​ຊາດ​ຂອງ​ອິນ​ໂດ​ເນ​ເຊຍ ໄດ້​ປະກາດ​ບົດ​ລາຍ​ງານ​ສຸດ​ທ້າຍ ກ່ຽວ​ກັບ​ກໍລະນີ​ອຸບັດເຫດ ທີ່​ເກີດ​ຂຶ້ນ​ກັບ​ເຮືອບິນ​ຂອງ​ບໍລິສັດ​ການບິນ​ລາຄາ​ຖືກ Lion Air ເມື່ອ​ປີ 2018 ທີ່​ໄດ້​ສົ່ງ​ຜົນ​ໃຫ້​ຜູ້​ທີ່ຢູ່​ໃນ​ເຮືອບິນ​ລຳ​ນັ້ນ 189 ຄົນ ເສຍ​ຊີວິດ​ທັງ​ໝົດ.

    ໃນ​ບົດ​ລາຍ​ງານ​ດັ່ງກ່າວ ບັນດາ​ນັກ​ສືບສວນ​ສອບ​ສວນ ໃຫ້ການ​ສະຫຼຸບ​ວ່າ ບໍລິສັດ  Boeing ໄດ້​ເຄື່ອນ​ໄຫວ ໂດຍ​ທີ່​ບໍ່​ມີ​ການ​ຕິດຕາມ​ກວດກາ​ຢ່າງ​ເຕັມທີ່ ຈາກ​ບັນດາ​ຜູ້​ຄຸ້ມ​ຄອງ​ໃນ ສ ອາ​ເມ​ຣິ​ກາ. ນອກຈາກ​ນັ້ນແລ້ວ ບໍລິສັດ​ຜູ້​ຜະລິດ​ເຮືອບິນ Boeing ຂອງ ສ ອາ​ເມ​ຣິ​ກາ ກໍ​ບໍ່​ຄາດ​ຄິດ​ໄດ້​ກ່ອນ ເຖິງ​ເຫດ​ບັງເອີນ ຢູ່​ໃນ​ການ​ອອກ​ແບບ​ໃຫ້​ແກ່​ຊອບ​ແວ​ບັນຊາ​ຢູ່​ໃນ​ຫ້ອງ​ຂັບ​ຂອງ​ເຮືອບິນ 737 MAX ນັ້ນ​ກໍ​ຄື​ລະບົບ​ການ​ເພີ່ມ​ທະວີ​ການ​ບັນຊາ​ການບິນ (MCAS).

    ເອກະສານ​ດັ່ງກ່າວ​ກໍ​ໃຫ້​ທັດສະນະ​ວ່າ ການ​ຂາດ​ທັກ​ສະ​ໃນ​ການ​ສົນທະນາ ແລະ ບັນຊາ​ເຮືອບິນ​ດ້ວຍ​ມື​ຂອງ​ຈຸ​ບິນ ໃນ​ສະພາບ​ການ​ທີ່​ປະກົດ​ມີ​ການ​ແຈ້ງ​ເຕືອນ ແລະ ການ​ຂາດ ສະມາທິ​ຢູ່​ໃນ​ຫ້ອງ​ຂັບ ໄດ້​ເປັນ​ການ​ປະກອບສ່ວນ​ເຮັດ​ໃຫ້​ເກີດ​ອຸບັດເຫດ.

ຂ່າວທີ່ກ່ຽວຂ້ອງ