ບໍລິສັດ ວຽງຈັນຟິດເນັດ ສະໜັບສະໜູນການແຂ່ງຂັນກີລາເພາະກາຍສອງປີຊ້ອນ

512 30 ຕ.ລ. 2019 ວົງຈອນກີລາ
ບໍລິສັດ ວຽງຈັນຟິດເນັດ ສະໜັບສະໜູນການແຂ່ງຂັນກີລາເພາະກາຍສອງປີຊ້ອນ

    ບໍ­ລິ­ສັດ ວຽງ​ຈັນ​ຟິດ​ເນັດ ຈຳ­ກັດ​ຜູ້​ດຽວ ເປັນ​ຜູ້­ນຳ​ອັນ​ດັບ 1 ດ້ານ​ອຸ­ປະ­ກອນ​ເຄື່ອງ​ອອກ­ກຳ­ລັງ​ກາຍ​ທີ່​ໃຫຍ່​ທີ່​ສຸດ​ໃນ​ລາວ ສິນ­ຄ້າ​ສັ່ງ​ໂດຍ​ກົງ​ຈາກ​ໂຮງ­ງານ​ຄຸນ​ນະ​ພາບ​ມາດ­ຕະ­ຖານ​ສາ­ກົນ ແລະ ມີ​ອຸ­ປະ­ກອນ​ຄົບ​ຊຸດ ພ້ອມ​ສູນ​ສ້ອມ­ແປງ​ເຄື່ອງ​ອອກ­ກຳ­ລັງ​ກາຍ​ດ້ວຍ​ນາຍ​ຊ່າງ​ທີ່​ມີ​ປະ­ສົບ​ການ​ຫຼາຍ​ກວ່າ 15 ປີ ປັດ­ຈຸ­ບັນ ບໍ­ລິ­ສັດ​ມີ​ສາ­ຂາ​ຈຳ­ໜ່າຍ​ສິນ­ຄ້າ ເຄື່ອງ​ອອກ­ກຳ­ລັງ​ກາຍ​ໃນ​ນະ­ຄອນ­ຫຼວງ​ວຽງ​ຈັນ ແລະ ຕ່າງ​ແຂວງ​ທັງ​ໝົດ 11 ສາ­ຂາ ໃນ​ນີ້ ໄດ້​ຈຳ­ໜ່າຍ​ອຸ­ປະ­ກອນ​ເພື່ອ​ສຸ­ຂະ­ພາບ ແລະ ອຸ­ປະ­ກອນ​ໃຊ້​ສຳ­ລັບ​ຟິດ​ເນັດ ຫຼາຍ​ກວ່າ 1000 ລາຍ­ການ ຫຼາຍ​ກວ່າ 15 ແບຣນ​ສິນ­ຄ້າ ມີ​ທັງ​ແບຣນ​ຂອງ​ບໍ­ລິ­ສັດ ແບຣນ ໄທ ແລະ ຢູ​ໂຣບ​ພ້ອມ​ນັ້ນ​ຍັງ​ມີ​ແຜນ​ຈະ​ຂະ­ຫຍາຍ​ສາ­ຂາ​ໄປ​ທົ່ວ​ປະ­ເທດ​ລາວ ນອກ​ນັ້ນ ບໍ­ລິ­ສັດ​ດັ່ງ­ກ່າວ​ຍັງ​ເປັນ​ຫຸ້ນ​ສ່ວນ​ກັບ​ນ໋ອດ ຟິດ​ເນັດ ຜູ້­ນຳ​ອັນ​ດັບ 1 ດ້ານ​ອຸ­ປະ­ກອນ​ເຄື່ອງ​ອອກ­ກຳ­ລັງ​ກາຍ​ໃນ​ປະ­ເທດ​ໄທ ໂດຍ​ມີ 70 ກວ່າ ສາ­ຂາ​ໃນ​ທົ່ວ​ປະ­ເທດ ພິ­ເສດ ບໍ­ລິ­ສັດ ວຽງ​ຈັນ​ຟິດ​ເນັດ​ຍັງ​ໃຫ້​ຄຳ​ປຶກ­ສາ​ແລະ​ອອກ​ແບບ ສຳ­ລັບ​ລູກ​ຄ້າ​ຕ້ອງ­ການ​ເປິດ​ສູນ​ອອກ­ກຳ­ລັງ​ກາຍ​ທຸກ​ຊະ­ນິດ ໂຮງ­ແຮມ ອາ­ພາດ​ເມັ້ນ ຄອນ​ໂດ​ໂຮງ­ຮຽນ ໂຮງ­ງານ ຫ້າງ​ຫຸ້ນ​ສ່ວນ ບໍ­ລິ­ສັດ ສຳ­ນັກ­ງານ​ຕ່າງໆ ທັງ​ພາກ​ລັດ ແລະ​ເອ­ກະ​ຊົນ ເຊິ່ງ​ມີ​ສະ­ຖານ­ທີ່​ຕັ້ງ​ຢູ່​ບ້ານ​ນາ​ຄຳ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ.

    ເພື່ອ​ເປັນ​ການ​ສົ່ງ­ເສີມ ແລະ ຍົກ​ລະ­ດັບ​ກີ­ລາ​ເພາະ​ກາຍໃນ​ປະ­ເທດ​ເຮົາ ​ໃຫ້​ກ້າວ​ໄປ​ສູ່​ລະ­ດັບ​ເວ­ທີ​ສາ­ກົນ ບໍ­ລິ­ສັດ ວຽງ​ຈັນ​ຟິດ​ເນັດ ຈຳ­ກັດ ຈຶ່ງ​ໄດ້​ສົ່ງ­ເສີມທັງ​ເປັນ​ຜູ້​ສະ­ໜັບ­ສະ­ໜູນ​ຫຼັກງານ​ແຂ່ງ­ຂັນ​ເພາະ​ກາຍ​ຊາຍ ແລະ ຍິ່ງ​ຫຸ່ນ​ງາມ ຊີງ​ແຊັມ​ປະເທດ​ລາວ 2019 ຊີງ​ຂັນ​ທ່ານ​ລັດຖະ​ມົນ­ຕີ​ກະ­ຊວງ​ສຶກ​ສາ​ທິ​ການ ແລະ ກີ­ລາ ທີ່​ຈັດ​ຂຶ້ນ​ວັນ​ທີ 24-26 ຕຸ­ລາ 2019 ທີ່​ມະ­ຫາ​ວິ​ທະຍາ​ໄລ​ແຫ່ງ​ຊາດ​ລາວ ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ບົວ​ລານ ສິ­ລິ​ປັນ­ຍາ ຮອງ​ລັດ­ຖະ­ມົນ­ຕີ​ກະຊວງ​ສຶກ​ສາ​ທິ​ການ ແລະ ກີ­ລາ ທ່ານ ສົມ​ສີ ຍໍ​ພັນ​ໄຊ ອະ­ທິ­ການບໍ­ດີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ແລະ ທ່ານ ລັດ­ສະ­ໝີ ໂຊກ​ມົງ​ຄົນ ຮອງ​ປະ­ທານ​ສະ­ຫະ­ພັນ​ເພາະກາຍ​ອາ​ຊຽນ ແລະ ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ເພາະ​ກາຍ​ເອ​ເຊຍ ພ້ອມ​ດ້ວຍ​ຜູ້​ໃຫ້­ການ​ສະໜັບ​ສະ​ໜູນ.

    ການ​ແຂ່ງ­ຂັນ​ກີ­ລາ​ເພາະ​ກາຍ ຊີງ​ແຊັມ​ປະ­ເທດ​ລາວ​ປີ 2019 ເປັນ​ຄັ້ງ​ທີ​ສອງ​ຕິດ­ຕໍ່​ກັນ ຈາກ​ປີ 2018 ທີ່​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ບໍ­ລິ­ສັດ ບໍ­ລິ­ສັດ ວຽງ​ຈັນ​ຟິດ​ເນັດ ຈຳ­ກັດ​ຜູ້​ດຽວ ເຊິ່ງ​ການ​ແຂ່ງ­ຂັນ​ໄດ້​ມີ​ກິດ​ຈະກຳ ​ໃຫ້​ຄວາມ​ຮູ້​ກ່ຽວ​ກັບ​ການອອກ­ກຳ­ລັງ​ກາຍ​ແບບ​ໃໝ່​ທີ່​ຖືກວິ­ທີ ແລະ ລາຍ­ການ​ແຂ່ງ­ຂັນກີ­ລາ ເພາະ​ກາຍ​ທັງ​ໝົດ 5 ລຸ້ນ ເຊິ່ງ​ຜົນ​ການ​ແຂ່ງ­ຂັນ​ກີ­ລາ ເພາະ​ກາຍ​ລຸ້ນ​ນ້ອຍ​ນ້ຳ­ໜັກ​ບໍ່​ເກີນ 65 ກິ​ໂລ ທີ 1 ທ້າວ ເພັງ ລາດ​ວົງ (ໝາຍ​ເລກ 2) ທີ 2 ທ້າວ ແກ້ວຕາ ພະ​ພິ­ລົມ​ລາ​ສັກ (ໝາຍ​ເລກ 88) ແລະ ທີ 3 ທ້າວ ສິດ­ທິ​ພອນ ສຸ­ລິນ​ທອງ (ໝາຍ​ເລກ 76) ເພາະ​ກາຍ​ລຸ້ນ​ໃຫຍ່ ນ້ຳ­ໜັກ​ບໍ່​ເກີນ 75 ກິ​ໂລ ທີ 1 ທ້າວ ພຸດ​ສະຫວັນ ສີ​ສົມ​ພູ (ໝາຍ​ເລກ 99) ທີ 2 ທ້າວ ອິນ­ທາ ກອງ​ຄຳ​ມະ­ນີ​ວົງ (ໝາຍ​ເລກ 87) ແລະ ທີ 3 ທ້າວ ສຸ­ທິ​ດາ ວົງ​ສຸ­ທິ (ໝາຍ​ເລກ 61) ໂມ​ເດວ​ລຸ້ນ​ນ້ອຍ ລວງ​ສູງ​ບໍ່​ເກີນ 1,70 ແມັດ ທີ 1 ທ້າວ ຂາວ​ພອນ ພອນ​ປະ­ເສີດ (ໝາຍ​ເລກ 26) ທີ 2 ທ້າວ ອຸ້ຍ ສິ­ລິ​ເສດ (ໝາຍ​ເລກ 54) ແລະ ທີ 3 ທ້າວ ຊຽງ​ໄຮ ວິ­ໄລ​ສັກ (ໝາຍ​ເລກ 98) ໂມເດວ​ລຸ້ນ​ໃຫຍ່ ລວງ​ສູງ​ບໍ່​ເກີນ 1,70 ແມັດ ທີ 1 ທ້າວ ບຸນ​ໄທ ແດງ​ສະ​ຫວັດ (ໝາຍ​ເລກ 43) ທີ 2 ທ້າວ ໄຊ​ຍະ​ສິດ ສຸ­ລິ­ຍະເຕ່ນ (ໝາຍ​ເລກ 14) ແລະ ທີ 3 ທ້າວ ເກດ​ສະ​ດາ ສິມ​ມະ​ວົງ (ໝາຍ​ເລກ 53) ສ່ວນ​ໂມ​ເດວ ລຸ້ນ​ຍິງ ທີ 1 ນາງ ກອງ​ແພງ ຂຸນ​ວິ­ໄນ (ໝາຍ​ເລກ 55) ທີ 2 ນາງ ເຈດ​ຕະ​ນາ ຄຳ​ບຸນ​ເຮືອງ (ໝາຍ ເລກ 38) ແລະ ທີ 3 ນາງ ປາວິ​ນາ (ໝາຍ​ເລກ 72).

ຂ່າວທີ່ກ່ຽວຂ້ອງ