ຄົນ​ຈີນ ນິຍົມ​ໄປ​ທ່ອງ​ທ່ຽວ​ການ​ໄປ​ທ່ຽວ​ຂົ້ວ​ໂລກ​ໃຕ້​

1.563 04 ພ.ຈ. 2019 ຂ່າວຕ່າງປະເທດ
ຄົນ​ຈີນ ນິຍົມ​ໄປ​ທ່ອງ​ທ່ຽວ​ການ​ໄປ​ທ່ຽວ​ຂົ້ວ​ໂລກ​ໃຕ້​

   ຕົວ​ເລກ​ຂອງ​ສະມາຄົມ​ອົງ​ການທ່ອງທ່ຽວ​ຂົ້ວ​ໂລກ​ໃຕ້​ສາກົນ (IAATO) ໄດ້​ໃຫ້​ຮູ້​ວ່າ ຈຳນວນ​ນັກ​ທ່ອງ​ທ່ຽວ​ຈີນ ທີ່​ໄປ​ທ່ອງ​ທ່ຽວ​ຂົ້ວ​ໂລກ​ໃຕ້​ຈາກ​ຈຳນວນ​ບໍ່​ເຖິງ 100 ເທື່ອ​ຄົນ​ໃນ​ປີ 2008 ໄດ້​ເພີ່ມ​ຂຶ້ນ​ເປັນ 8.200 ກວ່າ​ເທື່ອ​ຄົນ​ໃນ​ປີ 2018 ເຮັດ​ໃຫ້​ຈີນ​ໄດ້​ກາຍເປັນ​ປະເທດ​ທີ່​ມີ​ຈຳນວນ​ນັກ​ທ່ອງ​ທ່ຽວ​ໄປ​ທ່ອງ​ທ່ຽວ​ຂົ້ວ​ໂລກ​ໃຕ້ ຫຼາຍ​ເປັນ​ອັນ​ດັບ 2 ແລະ ອາດ​ຈະ​ແຊງ ສ ອາ​ເມ​ຣິ​ກາ ໃນ​ປີ 2022 ກາຍເປັນ​ປະເທດ​ແຫຼ່ງ​ນັກ​ທ່ອງ​ທ່ຽວ​ຫຼາຍ​ເປັນ​ອັນ​ດັບ 1 ຂອງ​ຂົ້ວ​ໂລກ​ໃຕ້.

    ແຫຼ່ງ​ຂ່າວ​ຂອງ​ຈີນ ໃຫ້​ຮູ້​ວ່າ ການ​ໄປ​ທ່ອງ​ທ່ຽວ​ຢູ່​ຕ່າງປະເທດ ໄດ້​ກາຍເປັນ​ໜຶ່ງ​ໃນ​ລາຍການ​ບໍລິໂພກ​ທີ່​ໄດ້​ຮັບ​ຄວາມ​ນິຍົມ​ຊົມ​ຊອບ​ຫຼາຍ​ທີ່​ສຸດ​ຂອງ​ຄົນ​ຈີນ. ຈຳນວນ​ນັກ​ທ່ອງ​ທ່ຽວ ທີ່​ໄປ​ທ່ອງ​ທ່ຽວ​ຕ່າງປະເທດ ແລະ ຄ່າ​ໃຊ້​ຈ່າຍ​ດ້ານ​ການທ່ອງທ່ຽວ​ຕ່າງປະເທດ​ຂອງ​ຈີນ ຢູ່​ອັນ​ດັບ 1 ຂອງ​ໂລກ​ມາ​ດົນ​ແລ້ວ. ຈຳນວນ​ນັກ​ທ່ອງ​ທ່ຽວ ທີ່​ໄປ​ທ່ອງ​ທ່ຽວ​ຢູ່​ຂົ້ວ​ໂລກ​ໃຕ້​ເພີ່ມ​ຂຶ້ນ​ຢ່າງ​ບໍ່​ຢຸດ​ຢັ້ງ ເປັນ​ການສະແດງ​ໃຫ້​ເຫັນ​ວ່າ​ນັກ​ທ່ອງ​ທ່ຽວ​ຈີນ ມີ​ຄວາມ​ສົນໃຈ​ຕໍ່​ທົ່ວ​ໂລກ ແລະ ມີ​ຄວາມ​ຮຽກຮ້ອງ​ຕ້ອງການ​ໃນ​ລະດັບ​ສູງ​ຕໍ່​ການທ່ອງທ່ຽວ​ທີ່​ມີ​ລັກສະນະ​ພິເສດ ແລະ ມີ​ຄຸນ​ນະ​ພາບ​ຊີວິດ​ການ​ເປັນ​ຢູ່​ທີ່​ດີງາມ.

ຂ່າວທີ່ກ່ຽວຂ້ອງ