ແຂ່ງຂັນ​ກີລາ 2 ປະເພດ ສະຫຼອງ​ບຸນ​ພະ​ທາດຫຼວງ

517 05 ພ.ຈ. 2019 ວົງຈອນກີລາ
ແຂ່ງຂັນ​ກີລາ 2 ປະເພດ ສະຫຼອງ​ບຸນ​ພະ​ທາດຫຼວງ

   ການ​ແຂ່ງຂັນ​ກີລາ​ບານສົ່ງ​ຍິງ-ຊາຍ ແລະ ກະຕໍ້ ຊີງ​ຂັນ​ຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລາ ນະຄອນຫຼວງ​ວຽງ​ຈັນ (​ສສກ ນວ) ເພື່ອ​ສ້າງ​ຂະ​ບວນ​ການ​ສະເຫຼີມສະຫຼອງ​ບຸນ​ນະມັດສະການ​ພະ​ທາດຫຼວງ ປະຈຳ​ປີ 2019 ແລະ ຄຳນັບ​ຮັບ​ຕ້ອນ​ວັນຊາດ ຄົບຮອບ 44 ປີ (2 ທັນວາ 1975-2 ທັນວາ 2019) ຈັດ​ຂຶ້ນ​ວັນ​ທີ 28-30 ຕຸລາ 2019 ຢູ່​ເດີ່ນ​ພະ​ທາດຫຼວງ ເມືອງ​ໄຊ​ເສດ​ຖາ ນວ.

    ທ່ານ ກອງ​ແກ້ວ ແຫ່ງ​ດາ​ວົງ​ໄຊ ຫົວໜ້າ​ຂະແໜງ​ກີລາ​ລະດັບ​ສູງ ພະ​ແນກ ​ສສກ ນວ ກ່າວ​ວ່າ: ການ​ແຂ່ງຂັນ​ຄັ້ງ​ນີ້ ນອກຈາກ​ເປັນ​ການ​ສ້າງ​ຂະ​ບວນ​ການ​ສະເຫຼີມສະຫຼອງ​ວັນ​ສຳຄັນ​ຕ່າງໆ​ຂອງ​ຊາດ​ແລ້ວ ຍັງ​ເປັນ​ການ​ສົ່ງເສີມ​ນັກກີລາ​ບານສົ່ງ ແລະ ກະຕໍ້ ອ້ອມ​ຂ້າງ​ນວ ໃຫ້​ໄດ້​ແຂ່ງຂັນ​ກີລາ​ທີ່​ຕົນ​ເອງ​ມັກ-ຮັກ ເພື່ອ​ພັດທະນາ​ເຂົາເຈົ້າ​ກ້າວ​ຂຶ້ນ​ໄປ​ຮັບ​ໃຊ້​ກີລາ ນວ ກຽມ​ເຂົ້າ​ຮ່ວມ​ມະ​ຫະ​ກຳ​ກີລາ​ແຫ່ງ​ຊາດ ຄັ້ງ​ທີ XI ຢູ່​ແຂວງ​ຊຽງ​ຂວາງ ແຕ່​ວັນ​ທີ 22 ມີນາ-1 ເມສາ 2020.

    ສຳລັບ​ບານສົ່ງ​ຍິງ​ມີ 5 ທີມ ບານສົ່ງ​ຊາຍ​ມີ 7 ທີມ ກະຕໍ້​ຍິງ 4 ທີມ ແລະ ກະຕໍ້​ຊາຍ 18 ທີມ ຜ່ານ​ການ​ແຂ່ງຂັນ​ບານສົ່ງ​ຊາຍ ທີ 1 ​ມສ ວຽງ​ຈັນ ທີ 2 ​ມສ ສາລະ​ຄຳ ທີ 3 ​ມສ ໄຊ​ເສດ​ຖາ ບານສົ່ງ​ຍິງ ທີ 1 ​ມສ ວຽງ​ຈັນ1 ທີ 2 ​ມສ ວຽງ​ຈັນ2 ທີ 3 ​ມສ ໂນນ​ສະຫວ່າງ ສ່ວນ​ກະຕໍ້​ຊາຍ ທີ 1 ​ມສ ດົງ​ສະຫວາດ ທີ 2 ​ມສ ໂນນ​ສະຫວ່າງ ທີ 3 ໂປ​ເຕ​ໂຕ1 ທີ 4 ໂປ​ເຕ​ໂຕ2 ກະຕໍ້​ຍິງ ທີ 1 ​ມສ ໂນນ​ຫວາຍ ທີ 2 ​ມສ ໄຊ​ເຊດ​ຖາ ທີ 3 ​ມສ ສາລະ​ຄຳ ທີ 4 ​ມສ ໂນນ​ສະຫວ່າງ. 

ຂ່າວທີ່ກ່ຽວຂ້ອງ