ຊາວກະສິກອນຫາດຊາຍຟອງ ສຸມໃສ່ປູກພືດລະດູແລ້ງ

1.107 08 ພ.ຈ. 2019 ຂ່າວໜ້າ​ໜຶ່ງ
ຊາວກະສິກອນຫາດຊາຍຟອງ ສຸມໃສ່ປູກພືດລະດູແລ້ງ

    ພໍ​ກ້າວ​ເຂົ້າ​ສູ່​ລະ­ດູ­ແລ້ງ ເຊິ່ງ​ເປັນ​ໄລ­ຍະ​ຂອງ​ການ​ປູກ​ເຂົ້າ­ນາ­ແຊງ ແລະ ພືດ​ຜັກ​ຕ່າງໆ ຊາວ​ກະ​ສິກອນ​ຈຳ­ນວນ​ຫຼາຍ​ຄອບ­ຄົວ​ພາຍ​ໃນ​ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ ໂດຍ​ສະ­ເພາະ ປະ­ຊາ­ຊົນ​ເຂດ​ບ້ານ​ຊຽງ​ຄວນ ຄວາຍ​ແດງ ແລະ ສິມ​ມະ­ໂນ ທີ່​ອາ­ໄສ​ຢູ່​ລຽບ​ຕາມ​ແຄມ​ຂອງ ແລະ ບ້ານ​ອື່ນໆ ກໍ​ໄດ້​ຂຸ້ນ­ຂ້ຽວ​ລົງ­ມື​ເຮັດ​ການ​ຜະ­ລິດ​ເປັນ​ສິນ­ຄ້າ ແລະ ບຸກ­ເບີກ​ເນື້ອ­ທີ່​ສວນ ເພື່ອ​ແນ­ໃສ່​ການ​ປູກ​ພືດ​ໄລ­ຍະ​ສັ້ນ​ຕາມ​ລະ­ດູ​ການ​ທີ່​ມີ​ຄວາມ​ເໝາະ​ສົມ ປ້ອນ​ໃຫ້​ຕະ­ຫຼາດ​ພາຍ​ໃນ​ນະ­ຄອນ­ຫຼວງ​ໃຫ້​ນັບ​ມື້​ຫຼາຍ​ຂຶ້ນ ທັງ​ເປັນ​ການ​ຫຼຸດ­ຜ່ອນ​ການ​ນຳ​ເຂົ້າ​ພືດ​ຜັກ​ຈາກ​ປະ­ເທດ​ເພື່ອນ​ບ້ານ ສ້າງ​ຄວາມ​ເຂັ້ມ­ແຂງ​ໃຫ້​ຊາວ​ກະ­ສິ­ກອນ​ສາ­ມາດ​ນຳ​ລາຍ​ໄດ້​ມາ​ໃຫ້​ຄອບ­ຄົວ ເຮັດ​ໃຫ້​ຊີ­ວິດ​ການ​ເປັນ​ຢູ່​ນັບ​ມື້​ດີ​ຂຶ້ນ ແລະ ມີ​ສ່ວນ​ແຮ​ໄວ້.

    ພວກ​ເຮົາ​ຈະ​ສັງ­ເກດ​ເຫັນ​ຢູ່​ບໍ­ລິ­ເວນ​ແຄມ​ຂອງ​ທີ່​ມີ​ເນື້ອ­ທີ່​ກວ້າງ­ຂວາງ ເຊິ່ງ​ເປັນ​ບ່ອນ​ທີ່​ຊາວ​ກະ­ສິ­ກອນ ຈຳ­ນວນ​ຫຼາຍ​ຄອບ­ຄົວ​ໄດ້​ຂຸ້ນ­ຂ້ຽວ​ເຮັດ​ການ​ຜະ­ລິດ​ປູກ­ຝັງ ແລະ ປູກ​ພືດ​ຫຼາຍ​ຊະ­ນິດ ເຊັ່ນ: ໝາກ​ເລັ່ນ ໝາກ­ແຕງ ໝາກ­ເຜັດ ໝາກ­ເຂືອ ມັນ​ເພົາ ມັນ​ດ້າງ ຖົ່ວ­ດິນ ຜັກ​ກາດ ຜັກ​ສະ­ຫຼັດ ແລະ ອື່ນໆ ຢ່າງ​ເປັນ​ຂະ​ບວນ​ຟົດ­ຟື້ນ ຕາມ​ແນວ­ທາງ​ນະ­ໂຍ­ບາຍ​ຂອງ​ພັກ ແລະ ລັດ­ຖະ­ບານ​ວາງ​ອອກ ເຊິ່ງ​ສະ­ແດງ​ໃຫ້​ເຫັນ​ວ່າ​ປະ­ຊາ­ຊົນ​ຊາວ​ເມືອງ​ຫາດ​ຊາຍ​ຟອງ​ຍັງ​ຢຶດ​ໝັ້ນ ແລະ ເສີມ​ຂະ­ຫຍາຍ​ມູນ­ເຊື້ອ​ຄວາມ​ດຸ­ໝັ່ນ​ຂະ­ຫຍັນ​ພຽນ​ໃນ​ການ​ສ້າງ​ຢູ່​ທຳ​ກິນ ໄປ​ມາ ຄ້າ­ຂາຍ​ໄດ້​ຢ່າງ​ສະ­ດວກ​ສະ­ບາຍ ມີ​ຄວາມ​ສະ­ຫງົບ ແລະ ຄວາມ­ສຸກ​ທີ່​ບັນ­ພະ­ບຸ­ລຸດ​ໄດ້​ສອນ​ໄວ້ ພ້ອມ​ກັນ​ສືບ​ທອດ​ກັນ​ມາ​ແຕ່​ເຄົ້າ​ເຖິງ​ປັດ­ຈຸ­ບັນ ສາ­ມາດ​ຫັນ­ປ່ຽນ​ດ້ານ​ວິ­ຖີ​ຊີ­ວິດ​ຂອງ​ປະ­ຊາຊົນ​ເມືອງ​ຫາດ​ຊາຍ​ຟອງ ນັບ​ມື້​ມີ​ການ​ພັດ­ທະ­ນາ​ດີ​ຂຶ້ນ.

ຂ່າວທີ່ກ່ຽວຂ້ອງ