ພະຍຸນາກຼີ ຈະເຄື່ອນທີ່ຜ່ານພາກກາງ ແລະ ພາກໃຕ້ຂອງລາວ

1.364 08 ພ.ຈ. 2019 ຂ່າວໜ້າ​ໜຶ່ງ

    ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ອອກ​ແຈ້ງ​ເຕືອນ ສະ­ບັບ​ເລກ​ທີ 1585/ກອຕທ ລົງ​ວັນ​ທີ 7 ພະ­ຈິກ 2019 ໃຫ້​ຮູ້​ວ່າ: ພະ­ຍຸ​ນາ​ກຼີ (NAKRI) ຫົວ­ທີ 24 ປະ­ຈຳ​ປີ 2019 ເຊິ່ງ​ເວ­ລາ 11 ໂມງ​ຂອງ​ວັນ​ທີ 7 ພະ­ຈິກ 2019 ກຳ­ລັງ​ເຄື່ອນ​ຢູ່​ທະ­ເລ​ຈີນ​ໃຕ້ ເຊິ່ງ​ມີ​ຈຸດ​ສູນ​ກາງ​ຢູ່​ເສັ້ນ​ຂະ­ໜານ​ທີ 12,4 ອົງ­ສາ​ເໜືອ ແລະ ເສັ້ນ​ແວງ​ທີ 117,1 ອົງ­ສາ​ຕາ­ເວັນ​ອອກ ຄາດ​ວ່າ​ພະ­ຍຸ​ຫົວ​ນີ້ ຈະ​ເຄື່ອນ​ທີ່​ຜ່ານ​ພາກ​ກາງ​ຕອນ​ໃຕ້​ຂອງ ສສ ຫວຽດນາມ ວັນ​ທີ 8-10 ພະ­ຈິກ 2019 ວົງ​ລັດ­ສະ­ໝີ​ຈະ​ກວມ​ເອົາ​ບັນ­ດາ​ແຂວງ​ພາກ​ກາງ-ພາກ​ໃຕ້​ຂອງ ສປປ ລາວ ເຊິ່ງ​ຈະ​ເຮັດ​ໃຫ້​ມີ​ຝົນ­ຕົກ ຟ້າ­ຮ້ອງ​ໃນ​ລະ­ດັບ​ປານ​ກາງ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ­ຖິ່ນ​ບັນ­ດາ​ແຂວງ ຄື: ຄຳ​ມ່ວນ ສະ­ຫວັນ​ນະ​ເຂດ ສາ­ລະ​ວັນ ຈຳ­ປາ​ສັກ ເຊ​ກອງ ແລະ ອັດ​ຕະ​ປື.

    ຈຶ່ງ​ແຈ້ງ​ເຕືອນ​ເຖິງ​ອຳ­ນາດ​ການ​ປົກ­ຄອງ ແລະ ປະ­ຊາ­ຊົນ​ບັນ­ດາ­ເຜົ່າ ທີ່​ອາ­ໄສ​ຢູ່​ບັນ­ດາ​ແຂວງ​ດັ່ງ­ກ່າວ ໃຫ້​ມີ​ສະ­ຕິ​ລະ­ມັດ­ລະ­ວັງ​ຕໍ່​ສະ­ພາບ​ຝົນ­ຕົກ ຟ້າ­ຮ້ອງ ແລະ ລົມ​ພັດ​ແຮງ ທີ່​ອາດ​ຈະ​ເກີດ​ຂຶ້ນ ໃຫ້​ຕິດ­ຕາມ​ຂ່າວ​ພະ­ຍາ­ກອນ​ອາ­ກາດ​ຈາກ​ກົມ​ອຸ­ຕຸ­ນິ­ຍົມ ແລະ ອຸ​ທົກ​ກະ​ສາດ ໄລ­ຍະ 1-3 ວັນ​ຕໍ່­ໜ້າ​ນີ້.

ຂ່າວທີ່ກ່ຽວຂ້ອງ