ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VIII ໄຂຂຶ້ນເປັນທາງການ

1.312 08 ພ.ຈ. 2019 ຂ່າວໜ້າ​ໜຶ່ງ
ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VIII ໄຂຂຶ້ນເປັນທາງການ

    ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 8 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ໄຂ​ຂຶ້ນ​ເປັນ​ທາງ​ການ ວັນ​ທີ 7 ພະ­ຈິກ 2019 ຢູ່​ສະ­ພາ​ແຫ່ງ​ຊາດ (ຫຼັກ 6) ໂດຍ​ເປັນ​ປະ­ທານ​ຂອງ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ບຸນ​ຍັງ ວໍ­ລະ​ຈິດ ເລ­ຂາ­ທິ­ການ​ໃຫຍ່ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ປະ­ທານ​ປະ­ເທດ ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ພ້ອມ​ດ້ວຍ​ບັນ­ດາ​ຄະ­ນະ​ລັດ­ຖະ­ບານ ອະ­ດີດ​ການ​ນຳ ພັກ-ລັດ ແຂກ​ຖືກ​ເຊີນ ແລະ ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ແຕ່​ລະ​ເຂດ​ເລືອກ​ຕັ້ງ.

    ທ່ານ​ນາງ ປາ­ນີ ຢາ​ທໍ່​ຕູ້ ກ່າວ​ສູນ​ທອນ​ພົດ​ໄຂ​ກອງ​ປະ­ຊຸມ​ບາງ​ຕອນ​ສຳ­ຄັນ ວ່າ: ປີ 2019 ເປັນ​ປີ​ທີ 4 ທີ່​ການ­ຈັດ­ຕັ້ງ ພັກ-ລັດ ແລະ ທຸກ​ພາກ­ສ່ວນ​ຂອງ​ສັງ­ຄົມ ໄດ້​ສຸມ​ໃສ່​ການ­ຈັດ­ຕັ້ງ​ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ X ຂອງ​ພັກ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ 5 ປີ ຄັ້ງ​ທີ VIII ແລະ ແຜນ­ການ 5 ປີ ຂອງ​ສະ­ພາ​ແຫ່ງ​ຊາດ ຊຸດ​ທີ VIII ເຂົ້າ​ສູ່​ລວງ​ເລິກ ແລະ ມີ​ຜົນ­ສຳ­ເລັດ​ຫຼາຍ​ດ້ານ ໄລ­ຍະ 10 ເດືອນ​ກວ່າ​ຜ່ານ​ມາ ສະ­ພາບ​ການ​ຂອງ​ໂລກ ແລະ ພາກ​ພື້ນ ຍັງ​ສືບ­ຕໍ່​ປະ​ເຊີນ​ກັບ​ສິ່ງ​ທ້າ​ທາຍ​ຫຼາຍ​ດ້ານ ເປັນ­ຕົ້ນ ອັດ­ຕາ​ການ​ເຕີບ​ໂຕ​ດ້ານ​ເສດ­ຖະ­ກິດ​ໂລກ​ມີ​ທ່າ​ອ່ຽງ​ຖົດ​ຖອຍ ໄພ​ທຳ​ມະ​ຊາດ ສົງ­ຄາມ​ການ​ຄ້າ ຄວາມ​ເຄັ່ງ​ຕຶງ​ໃນ​ບາງ​ບໍ­ລິ­ເວນ ແລະ ເຫດ­ການ​ອື່ນໆ.

    ທ່ານ​ນາງ ປາ­ນີ ຢາ​ທໍ່​ຕູ້ ກ່າວ​ສູນ​ທອນ​ພົດ​ໄຂ​ກອງ​ປະ­ຊຸມ​ບາງ​ຕອນ ສຳ­ຄັນ ວ່າ: ປີ 2019 ເປັນ​ປີ​ທີ 4 ທີ່​ການ­ຈັດ­ຕັ້ງ​ພັກ-ລັດ ແລະ ທຸກ ພາກ­ສ່ວນ​ຂອງ​ສັງ­ຄົມ ໄດ້​ສຸມ​ໃສ່​ການ­ຈັດ­ຕັ້ງ​ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ X ຂອງ​ພັກ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ 5 ປີ ຄັ້ງ​ທີ VIII ແລະ ແຜນ­ການ 5 ປີ ຂອງ​ສະ­ພາ​ແຫ່ງ​ຊາດ ຊຸດ​ທີ VIII ເຂົ້າ​ສູ່​ລວງ​ເລິກ ແລະ ມີ​ຜົນ­ສຳ­ເລັດ​ຫຼາຍ​ດ້ານ ໄລ­ຍະ 10 ເດືອນ ກວ່າ​ຜ່ານ​ມາ ສະ­ພາບ​ການ​ຂອງ​ໂລກ ແລະ ພາກ​ພື້ນ ຍັງ​ສືບ­ຕໍ່​ປະ ເຊີນ​ກັບ​ສິ່ງ​ທ້າ​ທາຍ​ຫຼາຍ​ດ້ານ ເປັນ­ຕົ້ນ ອັດ­ຕາ​ການ​ເຕີບ​ໂຕ​ດ້ານ​ເສດ ຖະ​ກິດ​ໂລກ​ມີ​ທ່າ​ອ່ຽງ​ຖົດ​ຖອຍ ໄພ​ທຳ​ມະ​ຊາດ ສົງ­ຄາມ​ການ​ຄ້າ ຄວາມ ເຄັ່ງ​ຕຶງ​ໃນ​ບາງ​ບໍ­ລິ­ເວນ ແລະ ເຫດ­ການ​ອື່ນໆ ເຮັດ​ໃຫ້​ລາ­ຄາ​ນ້ຳ­ມັນ ຄຳ ແລະ ເງິນ​ສະ­ກຸນ​ຫຼັກ​ໃນ​ຕະ­ຫຼາດ​ໂລກ ມີ​ການ​ເໜັງ​ຕີງ​ສົມ­ຄວນ​ສ່ວນ​ພາຍ​ໃນ​ປະ­ເທດ​ກໍ​ຍັງ​ປະ​ເຊີນ​ກັບ​ຄວາມ ຫຍຸ້ງ­ຍາກ​ຫຼາຍ​ປະ­ການ ເສດ­ຖະ­ກິດ​ມະ­ຫາ​ພາກ​ມີ​ຄວາມ​ບອບ​ບາງ ຜົນ​ກະ­ທົບ​ຈາກ​ການ​ລະ ບາດ​ຂອງ​ພະ­ຍາດ​ອະ­ຫິ​ວາ​ໝູ​ອາ​ຟຣິ​ກາ ຕັກ­ແຕນ ກິນ​ສາ­ລີ ພະ­ຍາດ ໄຂ້­ຍຸງ​ລາຍ ສະ­ພາບ​ນ້ຳ​ຖ້ວມ​ໃນ 13 ແຂວງ ແຕ່​ຮ້າຍ​ແຮງ​ໃນ 6 ແຂວງ​ພາກ​ກາງ ແລະ ພາກ​ໃຕ້ ເຊິ່ງ​ໄດ້​ສົ່ງ​ຜົນ​ກະ­ທົບ​ບໍ່​ໜ້ອຍ​ຕໍ່​ເສດ​ຖະ ກິດ ແລະ ການ​ເງິນ ສ້າງ​ຄວາມ​ເສຍ​ຫາຍ​ຢ່າງ​ຫຼວງ­ຫຼາຍ​ໃຫ້​ຊີ­ວິດ ຊັບ ສິນ ແລະ ການ​ຜະ­ລິດ​ຂອງ​ປະ­ຊາ­ຊົນ ການ­ຈັດ­ຕັ້ງ​ເກັບ​ລາຍ​ຮັບ ບໍ່​ບັນ­ລຸ ຕາມ​ແຜນ­ການ ເງິນ​ກີບ​ອ່ອນ​ຄ່າ ລາ­ຄາ​ສິນ­ຄ້າ ຫຼາຍ​ປະ­ເພດ ເໜັງ​ຕີງ ສູງ​ຂຶ້ນ ຊີ­ວິດ​ການ​ເປັນ​ຢູ່​ຂອງ​ພະ­ນັກ­ງານ ທະ­ຫານ ຕຳ­ຫຼວດ ກໍ​ຄື ປະ­ຊາ­ຊົນ​ບັນ­ດາ­ເຜົ່າ​ພົບ​ຄວາມ​ຫຍຸ້ງ­ຍາກ ແຕ່​ເຖິງ​ຈະ ປະ​ເຊີນ​ກັບ ສິ່ງ​ທ້າ

ທາຍ​ດັ່ງ­ກ່າວ ຍ້ອນ​ສູນ​ກາງ​ພັກ​ໄດ້​ໃຫ້­ການ​ຊີ້​ນຳ​ຢ່າງ​ໃກ້­ຊິດ ດ້ວຍ​ການ ເສີມ​ຂະ­ຫຍາຍ​ຄວາມ​ເປັນ​ເຈົ້າ​ການ ແລະ ຄວາມ​ຮັບ­ຜິດ­ຊອບ​ຂອງ​ການ ຈັດ​ຕັ້ງ​ພັກ-ລັດ​ທຸກ​ຂັ້ນ ແລະ ທຸກ​ພາກ­ສ່ວນ​ຂອງ​ສັງ­ຄົມ ໄດ້​ພ້ອມ​ກັນ ຜ່ານ​ຜ່າ​ຄວາມ­ທຸກ​ຍາກ ຊອກ​ວິ­ທີ​ທາງ​ແກ້​ໄຂ ເຮັດ​ໃຫ້​ສະ­ພາບ​ກັບ​ສູ່ ປົກ­ກະ­ຕິ​ດີ​ຂຶ້ນ​ເປັນ​ລຳ­ດັບ ປະ­ເທດ​ຊາດ​ສືບ­ຕໍ່​ມີ​ສະ­ຖຽນ​ລະ​ພາບ​ດ້ານ ການ­ເມືອງ​ຢ່າງ​ໜັກ​ແໜ້ນ ສັງ­ຄົມ​ມີ​ຄວາມ​ສະ­ຫງົບ ເປັນ​ລະ­ບຽບ​ຮຽບ ຮ້ອຍ ເສດ­ຖະ­ກິດ-ສັງ­ຄົມ​ມີ​ການ​ພັດ­ທະ­ນາ ການ​ຄຸ້ມ​ຄອງ ແລະ ການ​ບໍ­ລິ­ຫານ​ລັດ​ຕາມ​ກົດ­ໝາຍ​ໄດ້​ຮັບ​ການ​ປັບ­ປຸງ​ດີ​ຂຶ້ນ.

    ກອງ​ປະ­ຊຸມ​ຄັ້ງ​ນີ້ ຈະ​ພິ­ຈາ­ລະ­ນາ ຕົກ­ລົງ​ຫຼາຍ​ບັນ­ຫາ​ສຳ­ຄັນ​ພື້ນ ຖານ​ຂອງ​ປະ­ເທດ​ຊາດ ຄື: ພິ­ຈາ­ລະ­ນາ​ຮັບ­ຮອງ​ເອົາ​ການ​ສະ­ເໜີ​ແຕ່ງ ຕັ້ງ​ສະ­ມາ­ຊິກ​ລັດ­ຖະ­ບານ ຕາມ​ການ​ສະ­ເໜີ​ຂອງ​ທ່ານ​ນາ­ຍົກ​ລັດ​ຖະ​ມົນ ຕີ ຮັບ​ຟັງ ແລະ ພິ­ຈາ­ລະ­ນາ ບົດ​ລາຍ​ງານ​ລັດ­ຖະ­ບານ ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຜນ​ງົບ­ປະ­ມານ ແລະ ແຜນ​ເງິນ­ຕາ ປະ­ຈຳ​ປີ 2019 ແລະ ທິດ​ທາງ​ແຜນ­ການ​ປະ­ຈຳ ປີ 2020 ພິ­ຈາ­ລະ­ນາ ແລະ ຮັບ­ຮອງ​ເອົາ​ບົດ​ລາຍ​ງານ​ການ­ຈັດ­ຕັ້ງ ປະ­ຕິ­ບັດ​ແຜນ­ການ­ເຄື່ອນ­ໄຫວ​ວຽກ​ງານ ປະ­ຈຳ​ປີ 2019 ແລະ ທິດ ທາງ​ແຜນ­ການ ປະ­ຈຳ​ປີ 2020 ຂອງ​ອົງ­ການ​ກວດ​ສອບ​ແຫ່ງ​ລັດ ບົດ​ລາຍ​ງານ​ຜົນ​ການ​ກວດ​ສອບ​ສົກ​ປີ 2018 ນອກ​ນີ້ ຍັງ​ຈະ​ພິ­ຈາ­ລະ­ນາ ແລະ ຮັບ­ຮອງ​ເອົາ​ການ​ສ້າງ ແລະ ປັບ­ປຸງ​ຮ່າງ​ກົດ­ໝາຍ 8 ສະ­ບັບ ຄື: ໃນ​ຂົງ­ເຂດ​ເສດ­ຖະ­ກິດ 4 ສະ­ບັບ ແລະ ຂົງ­ເຂດ​ວັດ­ທະ­ນະ­ທຳ-ສັງ­ຄົມ 4 ສະ­ບັບ.

    ກອງ​ປະ­ຊຸມ​ຄັ້ງ​ນີ້ ຍັງ​ຈະ​ໄດ້​ຮັບ​ຟັງ​ການ​ຊີ້​ແຈງ​ອະ­ທິ­ບາຍ​ຈາກ 5 ກະ ຊວງ​ກ່ຽວ­ຂ້ອງ ກ່ຽວ​ກັບ​ນະ­ໂຍ­ບາຍ ວິ­ທີ​ການ ມາດ​ຕະ­ການ​ເພື່ອ​ຊຸກ­ຍູ້ ການ​ຜະ­ລິດ​ສະ­ບຽງ​ອາ­ຫານ ການ​ສົ່ງ­ເສີມ​ການ​ຜະ­ລິດ​ພາຍ​ໃນ ເພື່ອ​ທົດ ແທນ​ການ​ນຳ​ເຂົ້າ​ສິນ­ຄ້າ ແລະ ເພື່ອ​ການ​ສົ່ງ​ອອກ ການ​ຄຸ້ມ​ຄອງ​ລາ ຄາ​ສິນ­ຄ້າ ແລະ ການ​ຄຸ້ມ​ຄອງ​ອັດ­ຕາ​ເງິນ​ເຟີ້ ອັດ­ຕາ​ແລກ­ປ່ຽນ ການ ປະ­ຕິ­ບັດ​ນະ­ໂຍ­ບາຍ​ປະ­ຢັດ ການ​ຄຸ້ມ​ຄອງ​ການ​ເຂົ້າ-ອອກ​ເມືອງ ແລະ ຮັບ​ຟັງ​ການ​ປະ­ກອບ​ຄຳ​ເຫັນ ຂອງ​ສູນ​ກາງ​ແນວ​ລາວ​ສ້າງ​ຊາດ ຕໍ່​ກອງ ປະ­ຊຸມ​ສະ­ໄໝ​ສາ­ມັນ ເທື່ອ​ທີ 8 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ຕື່ມອີກ.

ຂ່າວທີ່ກ່ຽວຂ້ອງ