ປ້ຳນ້ຳມັນທ່າສະຫວ່າງ ພ້ອມບໍລິການຮັບໃຊ້ສັງຄົມ

814 13 ພ.ຈ. 2019 ຂ່າວໜ້າ​ໜຶ່ງ
ປ້ຳນ້ຳມັນທ່າສະຫວ່າງ ພ້ອມບໍລິການຮັບໃຊ້ສັງຄົມ

   ພິ­ທີ​ເປີດ​ສະ­ຖາ­ນີ​ບໍ­ລິ­ການ​ນ້ຳ­ມັນ​ທ່າ​ສະ­ຫວ່າງ​ຈັດ​ຂຶ້ນ​ວັນ​ທີ 9 ພະ­ຈິກ 2019 ມີ​ທ່ານ ສາຍ­ທອງ ແກ້ວ​ດວງ​ດີ ປະ­ທານ​ກຳ­ມາ​ທິ​ການ​ກົດ­ໝາຍ​ສະ­ພາ​ແຫ່ງ​ຊາດ ທ່ານ ໜູ​ກີ ສີ​ຫາ​ລາດ ຮອງ​ເຈົ້າ­ເມືອງ​ໄຊ​ທາ­ນີ ທ່ານ ນັນ­ທະ​ວັດ ແປ້ນ​ຈູນ​ສີ ຮອງ​ຜູ້­ອຳ­ນວຍ­ການ​ບໍ­ລິ­ສັດ ພີ​ທີ​ທີ (ລາວ) ຈຳ­ກັດ ອຳ­ນາດ​ການ​ປົກ­ຄອງ​ບ້ານ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

   ໃນ​ພິ­ທີ ທ່ານ​ນາງ ຂັນ­ແກ້ວ ສົມ­ບູນ ເຈົ້າ​ຂອງ​ປ້ຳ­ນ້ຳ­ມັນ​ທ່າ​ສະ­ຫວ່າງ​ໄດ້​ກ່າວ​ວ່າ: ປ້ຳ­ນ້ຳ­ມັນ​ທ່າ​ສະ­ຫວ່າງ ຕັ້ງ​ຢູ່​ຖະ­ໜົນ​ເລກ 10 (ທ່າ​ງ່ອນ) ບ້ານ​ທ່າ​ສະ­ຫວ່າງ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ເລີ່ມ​ກໍ່­ສ້າງ​ຕົ້ນ​ເດືອນ​ເມ­ສາ ແລະ ສຳ­ເລັດ​ເດືອນ​ຕຸ­ລາ 2019 ໂດຍ​ແມ່ນ​ບໍ­ລິ­ສັດ ວິວ​ເທັກ​ສຳ​ຫຼວດ​ອອກ​ແບບ ແລະ ກໍ່­ສ້າງ​ເຄ­ຫາ​ສະ­ຖານ ຈຳ­ກັດ ເປັນ​ຜູ້​ຮັບ​ເໝົາ​ກໍ່­ສ້າງ ແລະ ໄດ້​ຮັບ​ການ​ປຶກ­ສາ​ຄວບ​ຄຸມ​ກໍ່­ສ້າງ​ໂດຍ​ທີມ​ງານ​ວິ​ສາ​ວະ​ກອນ​ຈາກ​ບໍ­ລິ­ສັດ ພີ​ທີ​ທີ (ລາວ) ຈຳ­ກັດ ໃນ​ເນື້ອ­ທີ່​ດິນ 4.480 ຕາ​ແມັດ ປ້ຳ­ນ້ຳ­ມັນ ຮູບ​ແບບ​ສະ​ແຕນ​ດາດ ມີ​ຕູ້​ຈ່າຍ​ນ້ຳ­ມັນ 3 ຕູ້ 14 ມື​ຈ່າຍ ສາ­ມາດ​ຕື່ມ​ນ້ຳ­ມັນ​ລົດ​ໄດ້ 6 ຄັນ​ພ້ອມ​ກັນ ຈຳ­ໜ່າຍ​ນ້ຳ­ມັນ 3 ຊະ­ນິດ​ຄື: ນ້ຳ­ມັນ​ກາ​ຊວນ ນ້ຳ­ມັນ​ແອັດ​ຊັງ​ທຳ​ມະ​ດາ ແລະ ນ້ຳ­ມັນ​ແອັດ​ຊັງ​ພິ­ເສດ ນອກ­ຈາກ​ນີ້ ຢູ່​ສະ­ຖາ­ນີ​ຍັງ​ມີ​ສິ່ງ​ອຳ­ນວຍ​ຄວາມ​ສະ­ດວກ​ຕ່າງໆ ເປັນ­ຕົ້ນ ມີ​ຮ້ານ​ກາ­ເຟ​ອາ​ເມ​ຊອນ ຫ້ອງ​ນ້ຳ​ສະ­ອາດ​ໄວ້​ໃຫ້​ບໍ­ລິ­ການ​ລູກ​ຄ້າ ແລະ ໃນ​ໄວໆນີ້ກໍ​ຈະ​ເປີດ​ທຸ­ລະ​ກິດ​ຮ້ານ​ຄ້າ Jiffy ສູນ​ອາ­ຫານ ແລະ ໜ່ວຍ​ບໍ­ລິ­ການ​ທະ­ນາ­ຄານ​ການ​ຄ້າ​ຕ່າງ­ປະ­ເທດ​ລາວ​ມະ­ຫາ­ຊົນ ທະ­ນາ­ຄານ​ຮ່ວມ​ພັດ­ທະ­ນາ ເປີດ​ໃຫ້​ບໍ­ລິ­ການ​ເພື່ອ​ອຳ­ນວຍ​ຄວາມ​ສະ­ດວກ ເຊິ່ງ​ການ​ເປີດ​ສະ­ຖາ­ນີ​ບໍ­ລິ­ການ​ນ້ຳ­ມັນ​ແຫ່ງ​ນີ້​ແນ­ໃສ່​ຮັບ​ໃຊ້​ສັງ­ຄົມ ທັງ​ເປັນ​ການ​ປະ­ກອບ­ສ່ວນ​ອັນ​ສຳ­ຄັນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ສ້າງ​ວຽກ​ເຮັດ​ງານ​ທຳ​ໃຫ້​ແຮງ​ງານ​ທ້ອງ­ຖິ່ນ ປະ­ກອບ­ສ່ວນ​ສ້າງ​ລາຍ​ຮັບ​ເສດ­ຖະ­ກິດ​ຄອບ­ຄົວ ແລະ ພາກ​ລັດ​ອີກ​ດ້ວຍ.

ຂ່າວທີ່ກ່ຽວຂ້ອງ