ປະທານ ສນຊ ຮັບປຶ້ມ ໄກສອນ ພົມວິຫານ ພົມ 4 ດ້ານ

900 13 ພ.ຈ. 2019 ຂ່າວໜ້າ​ໜຶ່ງ
ປະທານ ສນຊ ຮັບປຶ້ມ ໄກສອນ ພົມວິຫານ ພົມ 4 ດ້ານ

   ໃນ​ວັນ​ທີ 6 ພະ­ຈິກ 2019 ນີ້ ທ່ານ ໄຊ​ສົມ​ພອນ ພົມ­ວິ­ຫານ ປະ­ທານ​ສູນ​ກາງ​ແນວ​ລາວ​ສ້າງ​ຊາດ ໄດ້​ຮັບ​ປື້ມ “ໄກ­ສອນ ພົມ­ວິ­ຫານ ພົມ 4 ດ້ານ” ຈຳ­ນວນ 1.000 ເຫຼັ້ມ ລວມ​ເປັນ​ມູນ​ຄ່າ 60 ລ້ານ​ກີບ ກ່າວ​ມອບ​ໂດຍ​ທ່ານ ລີ​ຮຸຍ ຜູ້­ອຳ­ນວຍ­ການ​ໃຫຍ່​ບໍ­ລິ­ສັດ ພັດ­ທະ­ນາ​ວິ­ທະ­ຍາ­ສາດ ແລະ ເຕັກ​ໂນ​ໂລ​ຊີ​ລາວ ຈຳ­ກັດ ແລະ ທ່ານ ກາບ​ແກ້ວ ທຳ​ມະ​ວົງ ເຊິ່ງ​ເປັນ​ຜູ້​ຮຽບ​ຮຽງ​ປຶ້ມ.

   ປື້ມ “ໄກ­ສອນ ພົມ­ວິ­ຫານ ພົມ 4 ດ້ານ” ເປັນ​ປຶ້ມ​ອັດ​ຕະ​ຊີ­ວະ​ປະ­ຫວັດ​ແບບ​ສ້າງ​ແຮງ​ບັນ­ດານ​ໃຈ ຂອງ​ປະ­ທານ ໄກ­ສອນ ພົມ­ວິ­ຫານ ຜູ້­ນຳ​ທີ່​ແສນ​ເຄົາ­ລົບ​ຮັກ​ຂອງ​ພວກ​ເຮົາ ປຶ້ມ​ດັ່ງ­ກ່າວ​ມີ​ທັງ​ໝົດ 19 ບົດ ທີ່​ເລົ່າ​ຫຍໍ້​ຊີ­ວິດ ແລະ ການ­ເຄື່ອນ­ໄຫວ​ປະ­ຕິ­ວັດ​ຂອງ​ປະ­ທານ ໄກ­ສອນ ພົມ­ວິ­ຫານ ໂດຍ​ເລີ່ມ​ຈາກ​ມື້​ກຳ­ເນີດ ເຕີບ​ໃຫຍ່ ແລະ ຈົນ​ກາຍ­ເປັນ​ຜູ້­ນຳ​ສູງ​ສຸດ​ຂອງ​ປະ­ເທດ​ລາວ​ເຮົາ.

   ປຶ້ມ “ໄກ­ສອນ ພົມ­ວິ­ຫານ ພົມ 4 ດ້ານ” ມີ​ຈຸດ­ປະ­ສົງ​ເພື່ອ​ສ້າງ​ແຮງ​ບັນ­ດານ​ໃຈ​ໃຫ້​ຄົນ​ຮຸ່ນ​ໜຸ່ມ​ໄດ້​ຮຽນ​ເອົາ​ຄຸນ­ສົມ­ບັດ​ອັນ​ລ້ຳ​ເລີດ​ຂອງ​ປະ­ທານ ໄກ­ສອນ ພົມ­ວິ­ຫານ ເຂົ້າ​ໃນ​ຊີ­ວິດ ວຽກ​ງານ ແລະ ການ​ພັດ­ທະ­ນາ​ຕົນ​ເອງ ໃຫ້​ກາຍ­ເປັນ​ຄົນ​ດີ ຄົນ​ເກ່ງ ແລະ ມີ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ.

ຂ່າວທີ່ກ່ຽວຂ້ອງ