ຢີ່​ປຸ່ນ ມອບ​ອຸປະກອນ​ໃຫ້​ສະຫະພັນ​ກີລາ​ປິ່ງ​ປ່ອງ​ແຫ່ງ​ຊາດ​ລາວ

1.778 18 ພ.ຈ. 2019 ວົງຈອນກີລາ
ຢີ່​ປຸ່ນ ມອບ​ອຸປະກອນ​ໃຫ້​ສະຫະພັນ​ກີລາ​ປິ່ງ​ປ່ອງ​ແຫ່ງ​ຊາດ​ລາວ

    ສະໂມສອນ​ປິ່ງ​ປ່ອງ​ອາຊີບ​ໂອ​ກາ​ຢະ​ມະ​ທີ​ລີກ ປະເທດ​ຢີ່​ປຸ່ນ ນຳ​ເອົາ​ອຸປະກອນ​ເຝິກຊ້ອມ ເຊັ່ນ: ໄມ້ຕີ​ປິ່ງ​ປ່ອງ ລູກ​ປິ່ງ​ປ່ອງ ແລະ ເສື້ອ ມາ​ມອບ​ໃຫ້​ສະຫະພັນ​ກີລາ​ປິ່ງ​ປ່ອງ​ແຫ່ງ​ຊາດ​ລາວ ວັນ​ທີ 14 ພະຈິກ 2019 ຢູ່​ຄະນະ​ກຳມະການ​ໂອ​ແລມ​ປິກ​ແຫ່ງ​ຊາດ​ລາວ ເຊິ່ງ​ມອບ​ໂດຍ​ທ່ານ ມາ​ໂກ​ໂຕະ ຮາ​ບະ ຜູ້ອຳນວຍການ​ຝ່າຍ​ການ​ຕະຫຼາດ ສະໂມສອນ​ປິ່ງ​ປ່ອງ​ອາຊີບ​ໂອ​ກາ​ຢະ​ມະ​ທີ​ລີກ ແລະ ຮັບ​ໂດຍ​ທ່ານ​ນາງ ສົມ​ໃຈ ວົງສາ ເລຂາທິການ​ສະຫະພັນ​ກີລາ​ປິ່ງ​ປ່ອງ​ແຫ່ງ​ຊາດ​ລາວ ໂດຍ​ມີ​ທ່ານ ກະເສມ ອິນ​ທະລາ ຮອງ​ປະ ທານ​ຄະນະ​ກຳມະການ​ກີລາ​ໂອ​ແລມ​ປິກ​ແຫ່ງ​ຊາດ​ລາວ ແລະ ພາກສ່ວນ​ກ່ຽວຂ້ອງ ເຂົ້າ​ຮ່ວມ.

    ທ່ານ​ນາງ ສົມ​ໃຈ ວົງສາ ກ່າວ​ວ່າ: ຕາງໜ້າ​ໃຫ້​ສະຫະພັນ​ກີລາ​ປິ່ງ​ປ່ອງ​ແຫ່ງ​ຊາດ​ລາວ ຂໍ​ສະແດງ​ຄວາມ​ຂອບໃຈ​ໃນ​ການ​ຊ່ວຍເຫຼືອ​ຄັ້ງ​ນີ້ ເຊິ່ງ​ເປັນ​ການ​ປະກອບສ່ວນ​ສຳຄັນ​ໃນ​ການ​ພັດທະນາ​ວົງ​ການ​ກີລາ​ລາວ ເວົ້າ​ສະເພາະ ກີລາ​ປິ່ງ​ປ່ອງ​ລາວ ໃຫ້​ມີ​ການ​ຂະຫຍາຍຕົວ​ຂຶ້ນ​ເລື້ອຍໆ ເຊິ່ງ​ພວກ​ເຮົາ​ຈະ​ນຳ​ເອົາ​ອຸປະກອນ​ດັ່ງກ່າວ ໄປ​ແຈກ​ຢາຍ​ໃຫ້​ສະໂມສອນ​ຕ່າງໆ​ພາຍ​ໃນ​ນະຄອນຫຼວງ ເພື່ອ​ເຝິກຊ້ອມ​ນັກກີລາ​ຂອງ​ຕົນ​ໃຫ້​ມີ​ຄວາມ​ຄ່ອງ​ແຄ່ວ ກ້າວ​ເຂົ້າ​ສູ່​ທີມ​ຊາດ​ລາວ​ໃນ​ອະນາຄົດ. 

ຂ່າວທີ່ກ່ຽວຂ້ອງ