ໄຊ​ເສດ​ຖາ ​ແຂ່ງຂັນ​ກີລາ ສ້າງ​ຂະ​ບວນ​ການ​ຕ້ອນຮັບ​ກອງ​ປະຊຸມ 3 ຂັ້ນ

2.104 21 ພ.ຈ. 2019 ວົງຈອນກີລາ
ໄຊ​ເສດ​ຖາ ​ແຂ່ງຂັນ​ກີລາ ສ້າງ​ຂະ​ບວນ​ການ​ຕ້ອນຮັບ​ກອງ​ປະຊຸມ 3 ຂັ້ນ

    ກອງ​ບັນຊາ​ການ​ປ້ອງ​ກັນ​ຄວາມ​ສະຫງົບ (​ປກສ) ເມືອງ​ໄຊ​ເສດ​ຖາ​ຄວ້າ​ແຊັມ​ການ​ແຂ່ງຂັນ ເຕະບານ​ຊາຍ 8 ຄົນ ຊີງ​ຂັນ​ທ່ານ​ເຈົ້າເມືອງ​ໄຊ​ເສດ​ຖາ ປະຈຳ​ປີ 2019 ເພື່ອ​ສ້າງ​ຂະ​ບວນ​ການ​ຄຳນັບ​ຮັບ​ຕ້ອນ​ກອງ​ປະຊຸມ​ໃຫຍ່ 3 ຂັ້ນ ແລະ ກອງ​ປະຊຸມ​ໃຫຍ່​ຄັ້ງ​ທີ VII ຂອງ​ອົງຄະ​ນະ​ພັກ​ເມືອງ​ໄຊ​ເສດ​ຖາ ຈັດ​ຂຶ້ນ​ວັນ​ທີ 15 ພະຈິກ 2019  ທີ່​ສະໜາມ​ກີລາ​ຫຍ້າ​ທຽມ​ທະ​ນົງ​ອາດ ມີ​ທ່ານ ຖະໜອມ ທຳ​ທອງ ເຈົ້າເມືອງ​ໄຊ​ເສດ​ຖາ ທ່ານ ນາງ ຄຳ​ຫວັນ ລາຊາ​ຂັນ​ຕິ ຮອງ​ຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລາ​ນະຄອນຫຼວງ​ວຽງ​ຈັນ ພ້ອມ​ດ້ວຍຫົວ​ໜ້າ​ຫ້ອງການ​ສຶກ​ສາ​ທິ​ການ ແລະ ກີລາ​ເມືອງ​ໄຊ​ເສດ​ຖາ ພະນັກງານ​ວິຊາ​ການ ຄູ-ອາຈານ ອຳນາດ​ການ​ປົກຄອງ​ບ້ານ ນັກກີລາ ແລະ ນັກຮຽນ​ເຂົ້າ​ຮ່ວມ.

    ການ​ແຂ່ງຂັນ​ກີລາ​ເຕະບານ​ຊາຍ​ຄັ້ງ​ນີ້ ມີ​ນັກກີລາ​ເຂົ້າ​ຮ່ວມ​ທັງ​ໝົດ 17 ທີມ​ຄື: ຫ້ອງການ​ສຶກ​ສາ​ທິ​ການ ແລະ ກີລາ​ເມືອງ​ໄຊ​ເສດ​ຖາ ຫ້ອງການ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ກອງ​ບັນຊາ​ການ ​ປກສ ເມືອງ​ໄຊ​ເສດ​ຖາ ອົງການ​ຈັກ​ຕັ້ງ​ມະຫາຊົນ ບ້ານ​ໂຊກ​ໃຫຍ່ ນາ​ໄຊ ໂພນ​ທັນ ຈອມ​ມະນີ ໂພນ​ພະ​ເນົາ ທາດຫຼວງ​ໃຕ້ ຮ່ອງ​ແກ ວຽງ​ຈະເລີນ ຂາມ​ງອຍ ທາດຫຼວງ​ເໜືອ ໂພນ​ທອງ ໂພນ​ໄຊ ແລະ ທີມ​ປັນ​ຮີ​ຕາ​ຊິ ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ອັນ​ດັບ 1 ກອງ​ບັນຊາ​ການ ​ປກສ ເມືອງ​ໄຊ​ເສດ​ຖາ ໄດ້​ຮັບ​ຂັນ 1 ໜ່ວຍ ພ້ອມ​ເງິນ 1,2 ລ້ານ​ກີບ ອັນ​ດັບ 2  ບ້ານ​ທາດຫຼວງ​ເໜືອ  ໄດ້​ຮັບ​ຂັນ 1   ໜ່ອຍ ພ້ອມ​ເງິນ 1 ລ້ານ​ກີບ  ອັນ​ດັບ 3 ບ້ານ​ນາ​ໄຊ ໄດ້​ຮັບ​ຂັນ 1 ໜ່ວຍ ພ້ອມ​ເງິນ  8 ແສນ​ກີບ ແລະ ລາງວັນ​ຊົມເຊີຍ​ບ້ານ​ຂາມ​ງອຍ ໄດ້​ຮັບ​ເງິນ 6 ແສນ​ກີບ.

ຂ່າວທີ່ກ່ຽວຂ້ອງ