ໃຫ້​ຄວາມ​ຮູ້​ສື່​ແບບ​ໃໝ່ ແກ່​ສື່​ມວນ​ຊົນ​ປະເທດ​ລຸ່ມ​ແມ່ນ້ຳ​ຂອງ

1.523 29 ພ.ຈ. 2019 ຂ່າວໜ້າ​ໜຶ່ງ
ໃຫ້​ຄວາມ​ຮູ້​ສື່​ແບບ​ໃໝ່ ແກ່​ສື່​ມວນ​ຊົນ​ປະເທດ​ລຸ່ມ​ແມ່ນ້ຳ​ຂອງ

   ຊຸດ​ເຝິກອົບຮົມ ຫົວຂໍ້ "ສື່​ແບບ​ໃໝ່​ຂອງ​ປະເທດ​ໃນ​ຂົງເຂດ​ການ​ຮ່ວມ​ມື ແມ່ນ້ຳ​ລ້ານ​ຊ້າງ-ແມ່ນ້ຳ​ຂອງ" ຈັດ​ຂຶ້ນ​ວັນ​ທີ 27-29 ພະຈິກ 2019 ຢູ່​ສະຖານີ​ວິທະຍຸ-ໂທລະພາບ ແຂວງ​ກວາງຊີ ​ສປ ຈີນ ໂດຍ​ມີ​ສື່​ມວນ​ຊົນ​ຈາກ​ປະເທດ​ກຳປູເຈຍ ລາວ ມຽນ​ມາ ຫວຽດນາມ 32 ຄົນ ເຂົ້າ​ຮ່ວມ.

   ຊຸດ​ເຝິກອົບຮົມ​ຄັ້ງ​ນີ້ ໄດ້​ລົງ​ເລິກ​ກ່ຽວ​ກັບ​ການ​ລາຍ​ງານ​ຂ່າວ​ດ້ວຍ​ໂທລະສັບ​ມື​ຖື ຜ່ານ​ລະບົບ​ວີ​ແຊັດ (Wechat) ເຊິ່ງ​ລະບົບ​ດັ່ງກ່າວ ສະຖານີ​ວິທະຍຸ-ໂທລະພາບ ແຂວງ​ກວາງຊີ ໄດ້​ນຳ​ໃຊ້​ໄດ້​ຫຼາຍ​ປີ​ແລ້ວ ແລະ ເປັນ​ຮູບ​ແບບ​ການ​ລາຍ​ງານ​ຂ່າວ​ທີ່​ມີ​ຄວາມ​ວ່ອງໄວ ທັນ​ເຫດການ ສາມາດ​ສົ່ງ​ໄດ້​ທັງ​ສຽງ ແລະ ພາບ​ເຄື່ອນ​ໄຫວ ໂດຍ​ໃຊ້​ເວລາ​ປະມານ 10 ນາທີ ກໍ​ສາມາດ​ນຳ​ສະເໜີ​ຂ່າວ​ໄປ​ເຖິງ​ຜູ້​ຊົມ ແລະ ຜູ້​ຟັງ ໂດຍ​ມີ​ພະນັກ ງານ​ທີ່​ມີ​ປະສົບ​ການ​ຫຼາຍ​ຈາກ​ສະຖານີ​ວິທະຍຸ-ໂທລະພາບ ແຂວງ​ກວາງຊີ ເປັນ​ວິທະຍາກອນ​ໃນ​ການ​ລາຍ​ງານ​ຂ່າວ ຫຼື ຖ່າຍ​ທອດ​ສົດ​ຜ່ານ​ລະບົບ​ວີ​ແຊັດ.

    ນອກຈາກ​ໄດ້​ຮຽນ​ຮູ້​ການ​ລາຍ​ງານ​ຂ່າວ​ດ້ວຍ​ໂທລະສັບ​ມື​ຖື ຜ່ານ​ລະບົບ​ວີ​ແຊັດ​ແລ້ວ ສຳ​ມະ​ນາ​ກອນ​ຍັງ​ໄດ້​ໄປ​ຢ້ຽມ​ຊົມ​ສະຖານີ​ຜະລິດ​ລາຍການ​ວິທະຍຸ ແລະ ໂທລະພາບ ອາຊີ​ຕາເວັນ​ອອກສຽງ​ໃຕ້ ຈີນ-ອາ​ຊຽນ ແລະ ຊົມ​ເມືອງ​ໃໝ່ wuxiang ຕື່ມ​ອີກ. 

ຂ່າວທີ່ກ່ຽວຂ້ອງ