ການ​ນຳ​ພັກ-ລັດ ວາງ​ພວງມາລາ​ໃນ​ໂອກາດ​ວັນຊາດ ທີ 2 ທັນວາ

535 03 ທ.ວ. 2019 ຂ່າວໜ້າ​ໜຶ່ງ
ການ​ນຳ​ພັກ-ລັດ ວາງ​ພວງມາລາ​ໃນ​ໂອກາດ​ວັນຊາດ ທີ 2 ທັນວາ

       ເນື່ອງ​ໃນ​ໂອກາດ​ສະເຫຼີມສະຫຼອງ​ວັນຊາດ​ທີ 2 ທັນວາ ຄົບຮອບ 44 ປີ (2/12/1975-2/12/ 2019) ການ​ນຳ​ພັກ-ລັດ​ຂັ້ນ​ສູງ ພ້ອມ​ດ້ວຍ​ອົງ​ການຈັດຕັ້ງ​ມະຫາຊົນ​ເຂົ້າ​ຮ່ວມ​ວາງ​ພວງມາລາ​ຢູ່​ອະນຸສາວະລີ​ນັກຮົບ​ນີ​ລະນາມ ແລະ ວາງ​ກະຕ່າ​ດອກ​ໄມ້​ຢູ່​ຫໍ​ພິ​ພິ​ທະ​ພັນ​ໄກສອນ ພົມວິຫານ ໃນ​ວັນ​ທີ 2 ທັນວາ 2019 ເຊິ່ງ​ປະກອບ​ມີ ຄະນະ​ບໍລິຫານ​ງານ​ສູນ​ກາງ​ພັກ ປະຊາຊົນ ປະຕິວັດ​ລາວ ນຳ​ໂດຍ ທ່ານ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ປະທານ​ປະເທດ ສູນ​ກາງ​ແນວ​ລາວ​ສ້າງ​ຊາດ ແລະ ອົງ​ການຈັດຕັ້ງ​ມະຫາຊົນ ນຳ​ໂດຍ ທ່ານ ໄຊ​ສົມ​ພອນ ພົມວິຫານ ປະທານ​ສູນ​ກາງ​ແນວ​ລາວ​ສ້າງ​ຊາດ ກະຊວງ​ປ້ອງ​ກັນ​ປະເທດ ນຳ​ໂດຍ​ທ່ານ ພົນ​ເອກ ຈັນ​ສະໝອນ ຈັນ​ຍາ​ລາດ ລັດຖະມົນຕີ​ກະຊວງ​ປ້ອງ​ກັນ​ປະເທດ ກະຊວງ​ປ້ອງ​ກັນ​ຄວາມ​ສະຫງົບ ນຳ​ໂດຍ​ທ່ານ ກົງ​ທອງ ພົງ​ວິຈິດ ຮອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ແລະ ອົງການ​ປົກຄອງ​ນະຄອນຫຼວງ​ວຽງ​ຈັນ ນຳ​ໂດຍ ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນະຄອນຫຼວງ​ວຽງ​ຈັນ.

     ການ​ເຂົ້າ​ວາງ​ພວງມາລາ ແລະ ກະຕ່າ​ດອກ​ໄມ້ ຄັ້ງ​ນີ້​ແມ່ນ ເພື່ອ​ລະນຶກ​ເຖິງ​ຄຸນງາມຄວາມດີ ຂອງ​ບັນດາ​ນັກຮົບ​ປະຕິວັດ​ລວມ ໄປ​ເຖິງ​ພໍ່​ແມ່​ປະຊາຊົນ​ລາວ​ບັນດາເຜົ່າ​ຜູ້​ທີ່​ໄດ້​ເສຍສະຫຼະ​ເລືອດ ເນື້ອ​ໃນ​ຂະ​ບວນ​ການ​ຕໍ່ສູ້​ກູ້​ຊາດ ກັບ​ພວກ​ລ່າ​ເມືອງ​ຂຶ້ນ​ແບບ​ເກົ່າ ແລະ ໃໝ່ ໂດຍ​ສະເພາະ​ແມ່ນ​ປະທານ ໄກສອນ ພົມວິຫານ ພ້ອມ​ບັນດາ​ການ​ນຳ​ໄດ້​ເອົາໃຈໃສ່​ໃນ​ການ​ປຸກລະດົມ​ປະຊາຊົນ​ລາວ ບັນດາເຜົ່າ​ພາຍ​ໃຕ້​ຄັນ​ທຸງ​ຂອງ ພັກ​ປະຊາຊົນ​ປະຕິວັດ​ລາວ ຈົນ​ສາມາດ​ໄດ້​ຮັບ​ໄຊຊະນະ​ຄັ້ງ​ຍິ່ງ​ໃຫຍ່ ແລະ ສະ​ຖາ​ປາ​ນາ ​ສປປ ລາວ​ໃນ​ວັນ​ທີ 2 ທັນວາ 1975.

ຂ່າວທີ່ກ່ຽວຂ້ອງ