ຂ່າວຫຼ້າສຸດ

ລາວ ຍາດໄດ້ 3 ຫຼຽນທອງໃນຊີເກມ 2019

1.365 04 ທ.ວ. 2019 ວົງຈອນກີລາ
ລາວ ຍາດໄດ້ 3 ຫຼຽນທອງໃນຊີເກມ 2019

   ງານ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟີ​ລິບ​ປິນ ເປັນ​ເຈົ້າ­ພາບ ໃນ​ວັນ 2 ທັນ­ວາ 2019 ນັກ­ກີ­ລາ​ປັນ​ຈັກ​ສີ​ລັດ​ລາວ ສາ­ມາດ​ຍາດ​ໄດ້ 1 ຫຼຽນ​ທອງ ຈາກ​ປະ­ເພດ​ຟ້ອນ​ຄູ່​ຊາຍ ທ້າວ ອຳ​ພົນ ຂຸນ​ຈະ­ເລີນ ແລະ ທ້າວ ອາ­ລີ​ສັກ ສິງ​ສຸ​ວົງ ໄດ້ 562 ຄະ­ແນນ​ຕາມ​ຫຼັງ​ອັນ​ດັບ​ໜຶ່ງ ແລະ ອັນ​ດັບ​ສອງ​ພຽງ 1 ຄະ­ແນນ ຫຼຽນ​ຄຳ​ເປັນ​ຂອງ​ມາ​ເລ​ເຊຍ ໄດ້​ຄະ­ແນນ 564 ຫຼຽນ​ເງິນ​ເປັນ​ຂອງ​ຟີ​ລິບ​ປິນ (ເຈົ້າ­ພາບ) ໄດ້ 563 ຄະ­ແນນ.

   ຫຼຽນ​ດັ່ງ­ກ່າວ​ເປັນ​ຫຼຽນ​ທອງ​ທີ 3 ຂອງ​ທີມ​ນັກ­ກີ­ລາ​ລາວ​ໃນ​ຊີ­ເກມ​ຄັ້ງ​ນີ້ ຕໍ່​ຈາກ​ກີ­ລາ​ກະ­ຕໍ້​ລອດ​ບ້ວງ​ຍິງ-ຊາຍ ສ່ວນ​ກີ­ລາ​ວູ​ຊູ ໄດ້ 3 ຫຼຽນ​ທອງ​ແນ່­ນອນ​ແລ້ວ ຈາກ​ປະ­ເພດ​ຕໍ່­ສູ້ ແຕ່​ຍັງ​ບໍ່​ໄດ້​ມີ​ພິ­ທີ​ມອບ​ທາງ​ການ ໂດຍ​ໄດ້​ຈາກ​ນາງ ລາ­ຕີ ແກ້ວ​ບຸນ​ທັນ ຮຸ່ນ​ນ້ຳ­ໜັກ 49 ກິ​ໂລ ຮອບ​ຮອງ​ຊະ­ນະ​ເລີດ​ເສຍ​ໃຫ້ WALLY DIVINE ຈາກ​ເຈົ້າ­ພາບ ຟີ​ລິບ​ປິນ ທ້າວ ຄາ­ວີ ພົມ​ມະ​ຂັນ​ທອງ ລຸ້ນ​ນ້ຳ­ໜັກ 52 ກິ​ໂລ ຮອບ​ຮອງ​ຊະ­ນະ​ເລີດ​ເສຍ​ໃຫ້ PRATAMA LAKSAMANA PANDU ຈາກ​ອິນ​ໂດ​ເນ​ເຊຍ ແລະ ທ້າວ ໜູ​ຄິດ ລາດ​ຊະ​ເພົາ ຮຸ່ນ​ນ້ຳ­ໜັກ 60 ກິ​ໂລ ຮອບ​ຮອງ​ຊະ­ນະ​ເລີດ​ເສຍ​ໃຫ້ BUI TRUONG GIANG ຈາກ​ຫວຽດ­ນາມ.

ຂ່າວທີ່ກ່ຽວຂ້ອງ