ຂ່າວຫຼ້າສຸດ

ໂຮມ​ຊຸມນຸມ​ສະຫຼອງ​ວັນ​ຕ້ານ​ການ​ສໍ້​ລາດ​ບັງ​ຫຼວງ​ສາກົນ ຄົບຮອບ 16 ປີ

1.170 06 ທ.ວ. 2019 ຂ່າວໜ້າ​ໜຶ່ງ
ໂຮມ​ຊຸມນຸມ​ສະຫຼອງ​ວັນ​ຕ້ານ​ການ​ສໍ້​ລາດ​ບັງ​ຫຼວງ​ສາກົນ ຄົບຮອບ 16 ປີ

   ອົງການ​ກວດກາ​ລັດຖະບານ-ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ ໄດ້​ຈັດ​ຕັ້ງ​ພິທີ​ໂຮມ​ຊຸມນຸມ​ສະເຫຼີມສະຫຼອງ​ວັນ​ຕ້ານ​ການ​ສໍ້​ລາດ​ບັງ​ຫຼວງ​ສາກົນ 9 ທັນວາ ຄົບຮອບ 16 ປີ ( 9 ທັນວາ 2003-2019) ຢູ່​ນະຄອນຫຼວງ​ວຽງ​ຈັນ ໃນ​ວັນ​ທີ 5 ທັນວາ 2019 ໂດຍ​ມີ​ທ່ານ ບຸນ​ທອງ ຈິດ​ມະນີ ຮອງ​ນາ ຍົກ​ລັດຖະມົນຕີ ປະທານ​ອົງການ​ກວດກາ​ລັດຖະບານ ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ ມີ​ຜູ້ຕາງໜ້າ​ຈາກ​ບັນດາ​ສະຖານທູດ​ຕ່າງປະເທດ​ປະຈຳ ​ສປປ ລາວ ຕາງໜ້າ​ອົງ​ການຈັດຕັ້ງ​ສາກົນ ນ້ອງ​ນັກຮຽນ-ນັກ​ສຶກ​ສາ ຈາກ​ສະ​ຖາ​ບັນ​ການ​ສຶກ​ສາ​ຕ່າງໆ ພ້ອມ​ດ້ວຍ​ພະນັກງານ​ຫຼັກ​ແຫຼ່ງ ແລະ ພະນັກ ງານ​ວິຊາ​ການ​ຂອງ​ອົງການ​ກວດກາ​ລັດຖະບານ ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ ເຂົ້າ​ຮ່ວມ.

   ໂອກາດ​ນີ້ ທ່ານ ບຸນ​ທອງ ຈິດ​ມະນີ ໄດ້​ໃຫ້​ກຽດ​ຂຶ້ນ​ກ່າວ​ຄຳ​ປາ​ໄສ ໂດຍ​ທ່ານ​ໄດ້​ຍົກ​ໃຫ້​ເຫັນ​ເຖິງ​ໄພ​ອັນຕະລາຍ​ຂອງ​ການ​ສໍ້​ລາດ​ບັງ​ຫຼວງ ເຊິ່ງ​ການ​ສໍ້​ລາດ​ບັງ​ຫຼວງ​ແມ່ນ​ສະພາບ​ຫຍໍ້ທໍ້​ໜຶ່ງ​ໃນ​ກົງຈັກ​ການຈັດຕັ້ງ ເປັນ​ໄພ​ອັນຕະລາຍ​ທີ່​ສົ່ງ​ຜົນ​ກະທົບ ແລະ ກົດ​ໜ່ວງ​ຖ່ວງ​ດຶງ​ການ​ພັດທະນາ​ເສດຖະກິດ-ສັງຄົມ ຂອງ​ແຕ່​ລະ​ປະເທດ​ໃນ​ໂລກ ບໍ່​ວ່າ​ຈະ​ເປັນ​ປະເທດ​ນ້ອຍ ຫຼື ໃຫຍ່ ທຸກ​ຍາກ ຫຼື ພັດທະນາ​ແລ້ວ ກໍ​ລ້ວນ​ແຕ່​ມີ​ຜົນ​ກະ ທົບ​ຈາກ​ການ​ສໍ້​ລາດ​ບັງ​ຫຼວງ​ເຊັ່ນ​ດຽວ​ກັນ ເຊິ່ງ​ເປັນ​ໄພ​ຂົ່ມຂູ່​ເຖິງ​ຄວາມ​ມີ​ສະຖຽນ​ລະ​ພາບ​ຂອງ​ການຈັດຕັ້ງ​ທັງ​ພາກ​ລັດ ແລະ ເອກະ​ຊົນ ກໍ່ໃຫ້ເກີດ​ມີ​ຄວາມ​ບໍ່​ສະຫງົບ ຄວາມ​ບໍ່​ຍຸຕິ​ທຳ​ໃນ​ສັງຄົມ ເປັນ​ການ​ບັ່ນ​ທອນ​ກຳລັງ​ແຮງ ກໍ​ຄື ຄວາມ​ເຊື່ອ​ໝັ້ນ ແລະ ຄ່າ​ນິຍົມ​ຂອງ​ສັງຄົມ​ຕໍ່​ສະ​ຖາ​ບັນ​ການ​ປົກຄອງ ແລະ ການຈັດຕັ້ງ​ຕ່າງໆ ທັງ​ພາກ​ລັດ ແລະ ເອກະ​ຊົນ.

ຂ່າວທີ່ກ່ຽວຂ້ອງ