ຂ່າວຫຼ້າສຸດ

ຢູໂດລາວ ປະເພດຟ້ອນກາຕະໄດ້ 2 ຫຼຽນເງິນ ຊີເກມ

1.582 06 ທ.ວ. 2019 ວົງຈອນກີລາ
ຢູໂດລາວ ປະເພດຟ້ອນກາຕະໄດ້ 2 ຫຼຽນເງິນ ຊີເກມ

   ນັກ­ກີ­ລາ​ຢູ​ໂດ​ລາວ ປະ­ເພດຟ້ອນ​ກາ​ຕະ ຄູ່​ຍິງ ແລະ ຄູ່​ຊາຍ ສາ­ມາດ​ຍາດ​ໄດ້​ຫຼຽນ​ເງິນ ໃນ​ງານ​ມະ​ຫະ​ກຳ​ກີ­ລາ​ຊີ­ເກມ 2019 ທີ່​ປະ­ເທດ​ຟີ​ລິບ​ປິນ ຄັ້ງ​ທຳ​ອິດ ໃນ​ຮອບ 8 ປີ ຕໍ່​ຈາກ​ປີ 2011 ທີ່​ອິນ​ໂດ​ເນ​ເຊຍ ເຊິ່ງ​ຫຼຽນ​ເງິນ​ປະ­ເພດຄູ່​ຍິງ ໄດ້​ຈາກນາງ ພອນ​ວັນ ສີ​ອຳ­ໄພ ຄູ່​ກັບນາງ ມະ­ຍຸ­ລີ ພາ­ນຸ​ວົງ ຮອບ​ຊີງ​ຊະ­ນະ​ເລີດ ໃນ​ວັນທີ 4 ທັນ­ວາ 2019 ໄດ້ 398,5 ຄະ­ແນນ ຫຼຽນ​ຄຳ​ເປັນ​ຂອງ​ໄທ ໄດ້ 402,5 ຄະ­ແນນ ຫຼຽນ​ທອງ ເປັນ​ຂອງ​ຫວຽດ­ນາມ ໄດ້ 395,5 ຄະ­ແນນ.

   ສ່ວນ​ອີກ 1 ຫຼຽນ​ເງິນ ໄດ້​ຈາກ​ປະ­ເພດ​ຄູ່​ຊາຍ ທ້າວ ພິ​ສາດ ສີ­ສະ​ເກດ ຄູ່​ກັບທ້າວ ຈິນ­ດາ​ວອນ ສີ​ວັນ​ວິ­ໄລ ຮອບ​ຊີງ​ຊະ­ນະ​ເລີດ ເຮັດ​ໄດ້ 400 ຄະ­ແນນ ໄດ້​ຫຼຽນ​ເງິນ​ອີກ​ຄັ້ງ​ຕໍ່​ຈາກ​ປີ 2011 ເຊິ່ງ​ປີ 2011 ແມ່ນ​ທ້າວ ວຽງ​ວິ­ໄລ ຈັນ​ສີ ຄູ່​ກັບ​ທ້າວ ຈິນ­ດາ​ວອນ ສີ​ວັນ​ວິ­ໄລ ຫຼຽນ​ຄຳ​ປີ​ນີ້​ເປັນ​ຂອງ​ໄທ ໄດ້ 410 ຄະ­ແນນ ຫຼຽນ​ທອງ​ເປັນ​ຂອງ ມຽນ​ມາ ໄດ້ 399,5 ຄະ­ແນນ.

ຂ່າວທີ່ກ່ຽວຂ້ອງ