ຂ່າວຫຼ້າສຸດ

ລາວ ຍາດມາໄດ້ອີກ 2 ຫຼຽນເງິນ ແລະ 6 ຫຼຽນທອງ ໃນຊີເກມ

942 11 ທ.ວ. 2019 ວົງຈອນກີລາ
ລາວ ຍາດມາໄດ້ອີກ 2 ຫຼຽນເງິນ ແລະ 6 ຫຼຽນທອງ ໃນຊີເກມ

   ນັກ­ກີ­ລາ​ລາວ​ຍາດ​ໄດ້​ຕື່ມ​ອີກ 2 ຫຼຽນ​ເງິນ ແລະ 6 ຫຼຽນ​ທອງ ໃນ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟີ​ລິບ​ປິນ ວັນ​ທີ 8 ທັນ­ວາ 2019 ລວມ​ເປັນ 24 ຫຼຽນ ໃນ​ນີ້ 5 ຫຼຽນ​ເງິນ 19 ຫຼຽນ​ທອງ ຂະ­ນະ​ທີ່​ເຈົ້າ­ພາບ​ຍັງ​ເດີນ​ໜ້າ​ຍາດ​ຫຼຽນ​ຄຳ​ຢ່າງ​ຕັ້ງ­ໜ້າ ໂດຍ​ໄດ້​ມາ​ແລ້ວ 113 ຫຼຽນ​ຄຳ ຂາດ​ເຄິ່ງ​ອັນ​ດັບ 2-3 ທີ່​ກຳ­ລັງ​ໄລ່​ແຊງ​ກັນ​ມາ ເພື່ອ​ຍາດ​ອັນ​ທີ 2 ຂອງ​ຕາ­ຕະ­ລາງ ເຊັ່ນ: ອິນ​ໂດ​ເນ​ເຊຍ ຫວຽດ­ນາມ ໄທ ແລະ ສິງ​ກາ​ໂປ.

   2 ຫຼຽນ​ເງິນ​ຂອງ​ນັກ­ກີ­ລາ​ລາວ​ທີ່​ໄດ້​ແມ່ນ​ຈາກ​ກີ­ລາ​ມວຍ​ລາວ 1 ຫຼຽນ ທ້າວ ສຸ​ລິ​ໄຊ ສິງ​ສະ­ອາດ ຮຸ່ນ​ນ້ຳ­ໜັກ 45 ກິ​ໂລ ແລະ 1 ຫຼຽນ ຈາກ​ກີ­ລາ​ລົດ­ຖີບ ໄລ­ຍະ​ທາງ 130 ກິ­ໂລ­ແມັດ ຈາກ​ທ້າວ ອະ­ລິ­ຍາ ພູນ​ສະ​ຫວັດ ສ່ວນ​ວັນ​ທີ 9 ທັນ­ວາ ນັກ­ກີ­ລາ​ລາວ​ມີ​ລຸ້ນ​ຫຼຽນ​ຄຳ 1 ລາຍ­ການ ຄື​ກີ­ລາ​ຄິກ​ບ໋ອກ​ຊິ້ງ ທີ່​ໄດ້​ຜ່ານ​ເຂົ້າ​ໄປ​ຊີງ​ຫຼຽນ​ຄຳ​ຄົນ​ໜຶ່ງ​ແລ້ວ ນອກ​ນີ້​ກີ­ລາ​ສະ­ນຸກ​ເກີ້ ປະ­ເພດ​ດຽວ ກໍ​ໄດ້​ຜ່ານ​ເຂົ້າ​ຮອບ​ຮອງ​ເຊັ່ນ​ກັນ ສ່ວນ ເທ​ຄວັນ​ໂດ ແລ່ນ​ລານ ກໍ​ຍັງ​ສືບ­ຕໍ່​ແຂ່ງ­ຂັນ ເຊິ່ງ​ຜົນ​ການ​ແຂ່ງ­ຂັນ​ຈະ​ລາຍ​ງານ​ໃຫ້​ຊາບ​ຕື່ມ​ອີກ.

ຂ່າວທີ່ກ່ຽວຂ້ອງ