ຂ່າວຫຼ້າສຸດ

ຂະບວນການຂີ່ລົດຖີບ ສານສາຍສໍາພັນພີ່ນ້ອງລາວ-ໄທ

1.406 11 ທ.ວ. 2019 ວົງຈອນກີລາ
ຂະບວນການຂີ່ລົດຖີບ ສານສາຍສໍາພັນພີ່ນ້ອງລາວ-ໄທ

   ສູນ​ກາງ​ແນວ​ລາວ​ສ້າງ​ຊາດ ຮ່ວມ​ກັບ​ສະ­ຫະ­ພັນ​ລົດ­ຖີບ​ແຫ່ງ​ຊາດ​ລາວ ແລະ ສະ­ຫະ­ພັນ​ສັນ­ຕິ­ພາບ​ສາ­ກົນ​ເຂດ​ອາ­ຊີ-ປາ​ຊີ​ຟິກ ໄດ້​ສ້າງ​ຂະ​ບວນ​ການ​ຂີ່​ລົດ­ຖີບ ສານ​ສາຍ­ສຳ­ພັນ​ພີ່­ນ້ອງ​ລາວ-ໄທ ແລະ ໄທ-ລາວ ຂຶ້ນ ໃນ​ວັນ​ທີ 7 ທັນ­ວາ 2019 ທີ່​ເດີ່ນ​ທາດ­ຫຼວງ ເປັນ​ກຽດ​ເຂົ້າ​ຮ່ວມ ແລະ ກ່າວ​ເປີດ​ພິ­ທີ​ຂອງ​ຂະ​ບວນ​ການ​ດັ່ງ­ກ່າວ ໂດຍ​ທ່ານ ເຍ່ຍ​ເກີ​ຢ່າ ໜໍ​ຈໍ​ຈົງ​ຕົວ ຮອງ​ປະ­ທານ​ສູນ​ກາງ​ແນວ​ລາວ​ສ້າງ​ຊາດ ມີ​ບັນ­ດາ​ທ່ານ​ຕາງ­ໜ້າ​ສະ­ຫະ­ພັນ​ລົດ­ຖີບ​ແຫ່ງ​ຊາດ​ລາວ ແລະ ສະ­ຫະ­ພັນ​ສັນ­ຕິ­ພາບ​ສາ­ກົນ​ເຂດ​ອາ­ຊີ-ປາ​ຊີ​ຟິກ ພ້ອມ​ທັງ​ນັກ​ກິ­ລາ​ຂີ່​ລົດ­ຖີບ​ຂອງ​ລາວ ແລະ ໄທ​ເຂົ້າ​ຮ່ວມ.

   ການ​ສ້າງ​ຂະ​ບວນ​ຂີ່​ລົດ­ຖີບ​ຄັ້ງ​ນີ້ ແມ່ນ​ເພື່ອ​ເປັນ​ການ​ຈັດ​ກິດ­ຈະ­ກຳ​ສະ­ເຫຼີມ­ສະ­ຫຼອງ​ວັນ­ຊາດ​ທີ 2 ທັນ­ວາ ຄົບ­ຮອບ 44 ປີ ສ້າງ​ຂະ​ບວນ​ການ​ຂ່ຳ­ນັບ​ຮັບ​ຕ້ອນ​ຄ້າຍ​ວັນ​ເກີດ​ຂອງ​ປະ­ທານ ໄກ­ສອນ ພົມ­ວິ­ຫານ ຄົບ­ຮອບ 99 ປີ ຂ່ຳ­ນັບ​ຮັບ​ຕ້ອນ​ວັນ​ສ້າງ­ຕັ້ງ​ແນວ​ລາວ​ສ້າງ​ຊາດ ຄົບ­ຮອບ 70 ປີ ທີ່​ຈະ​ມາ​ເຖິງ​ໃນ​ປີ 2020 ແລະ ເພື່ອ​ລະ­ດົມ​ທຶນ​ຊ່ວຍ­ເຫຼືອ​ປະ­ຊາ­ຊົນ​ຜູ້​ປະ­ສົບ​ໄພ​ນ້ຳ​ຖ້ວມ ຢູ່​ທາງ​ພາກ​ກາງ ແລະ ພາກ​ໃຕ້​ຂອງ ສປປ ລາວ ໃນ​ໄລ­ຍະ​ຜ່ານ​ມາ.

   ຂະ​ບວນ​ການ​ການ​ຂີ່​ລົດ­ຖີບ​ຄັ້ງ​ນີ້ ຈຸດ​ເລີ່ມ​ຕົ້ນ​ແມ່ນ​ຢູ່​ທີ່​ເດີ່ນ​ທາດ­ຫຼວງ​ຫາ​ເມືອງ​ສັງ​ທອງ ແລະ ກັບ​ຄືນ​ສູ່​ເດີ່ນ​ທາດ­ຫຼວງ ໃນ​ໄລ­ຍະ​ທາງ 80 ກິ­ໂລ­ແມັດ ທັງ​ໄປ-ກັບ​ໃຊ້​ເວ­ລາ​ຢູ່ 4 ຊົ່ວ­ໂມງ ຈຶ່ງ​ຮອດ​ຈຸດ­ໝາຍ.

ຂ່າວທີ່ກ່ຽວຂ້ອງ